SI
eult do la deffaicte précédente des dicta sectaires faicte ce mesme jour, voyant les corps diceulx morts près du dict Marchiennes, aussy lagression que faisoient contre eux les catholicques. Item,davoir comparut aux presches des ministres et predicans a Tournay, S1 Amandt, Rumegies et le Selle, en troupe et assemblée de sectaires embastonnez, et icelluy portant ordinairement une harquebouse ou une javeline, et en ce continue tout le temps que lesdicts ministres avoient exerce lesdits presches, consequament après les deffenses sur ce faictes par sa Mate. Item, avoir faict la cene calviniste des mains de lun des dicts ministres, et soubz icelluy sestre range et renoncho a lancienne église romaine et catholicque, jure et promis de jamais ny rentrer, ains vivre selon leur nouvelle religion, suyvant quoy ne sestoit ledict prisonnier représente depuis le commenchement des dicts presches jusques au jour de sa prinse a son cure, ou comme soy confesse ny receu le sacrement de leglise, ou comparu a leglise. Item, assiste aulcuns desdicts sectaires, en nombre et embastonnes, a enterrer par force le corps de quelques personnaiges décèdes sans avoir receu les sacrementz de leglise, contre le gre et volonté du cure aux assemblées de son église paroissiale. Item, soy trouve en aulcunes assemblées et conventiculles particulières tenues en la maison daulcuns diceulx sectaires, accompagne de ceulx de la nouvelle religion ou se faisoient aulcunes lectures. Item, comparu en diverses aultres assemblées desdicts sectaires ou aulcuns diceulx faisoient lecture et interpretoient de choses concernant leur profession et nouvelle religion, et tenu aulcuns propos hereticques erronez et scandaleux.
Comme pour ces cas et aultres reprins par son procès, prins aussy esgard aux placcartz de sa Mate et lettres closes, tant de son Alteze que dicelle, avons a meure délibération de conseil condamne et condamnons ledict Jehan Buscaille destre ce jourdhuy mené et conduit par lofficier des haultes œuvres jusque au lieu de justice patibulaire de ceste gouvernance, pour illecq par ledict officier estre pendu et estrangle, tant que la mort sen enssuyve, déclarant les biens dicelluy confisques au prouffict de sa Mate.
Faict et prononchie en jugement au chastel a Douay, le 9me dapvril 1567, avant Pasques.
Registre aux Dictums, octobre 1567 à novembre 1571.
Jugement de Toussain Carlus (12 mai 1568).
Veu le procès criminel faict et démenez pour office en ceste court alencontre de Toussain Carlus prisonnier, les informations, tant préparatoires que aultres, par nous et aulcuns autres officiers de ce siège tenues sur les cas a luy imposez, interrogatoires a lui faictes, responses et confessions dicelluy, par ou apparut nous soit le dict prisonnier avoir comparut aux presches des ministres et predicants a Tournay, St-Amand, Rumgies, et le Selle en trouppe et assemblée des sectaires embastonnes, et en ce continue tout le temps que les dicts ministres avoient exerce les dicts pres-
PIÈCES JUSTIFICATIVES
ches, mesmement après les deffenses et interdictions sur ce faictes par sa Mate. Par dessus, avoir faict la chêne calviniste des mains de lung desdicts ministres, et soubz icelluy sestre range se faisant inscrire et enroller en son livre, ayant ce faisant renonchie a lanchienne église rommaine et catholicque que le predicant appelloit Babilonne, jurant et promectant de jamais y rentrer ny adhérer aux ordonnances dicelle, ains de vivre et morir selon leur doctrine et nouvelle religion, suivant laquelle promesse et renonchiation nauroit ledict prisonnier hante et converse en leglise depuis le commenchement des troubles jusques au jour de sa prinse, soy confesse, receu ses sacremens ou représente a son cure et communie. Item, avoir assiste et estre présent a faire baptizer par lung des dicts predicants aulcuns siens, nepveu et niepce en ligne directe.
Item, tenu assemblées, conventicules et lectures en sa maison avec aultres sectaires, et aussy comparu es maisons daulcuns de la nouvelle religion ou se faisoient semblables lectures et assemblées concernant leur nouvelle religion et doctrine calviniste et des sectaires. Item, avoir corrompu, gaste et séduit tant aulcuns siens enffans alluy que aultres, iceulx attire aus dictes nouvelles sectes contre lanchienne religion, tenu et représente davoir fait office de ministre et dogmatiseur, et dont les catholicques en ont este grandement scandalisez de tout, mesmes que auroit déclare a aulcuns quil aimeroit mieux dentrer en ung feu que aller a leglise. Item, assiste avecq aultres sectaires en nombre, par force et port darmes, a sepulturer et inhumer quelque corps mort, a la fachon et relligion des calvinistes et aultres nouveaulx sectaires, et contre les ordonnances et cérémonies de leglise, et contre le gre du cure, a tant que la personne deffuncte navoit este munie des sacremens de leglise. Item, comparut a aultres assemblées de sectaires particulières et publicques qui se faisoient en divers lieux par aulcuns sectaires embastonnes contre le volloir et au grand regret des aultres paroissiens, ou sinterpretoit le mariaige, baptesme et la cene a la mode et selon la doctrine de Calvin. Item, tenu plusieurs propoz heretticques, erronez et scandaleux, meisme soustenu obstinément et pertinacement ses erreurs et opinions, estant interrogez par devant nous et aultres officiers, conseillers et supostz de ce siège et y persévère plusieurs jours ...ayant ledict prisonnier commenchie destre de la nouvelle religion passe dix a douze ans, et comparut des lors a aulcunes lectures et conventicules daulcuns sectaires.
Nous, pour ces cas et aultres reprins par son procès, prins aussy esgard aux placcartz de sa Ma,e, lettres, charges et ordonnances de son Excellence, mesmes a la resolution et ordonnance dicelle faict et prins sur aulcuns articles et poinctz a elle représentez, concluant aulcunes charges imposez et desquelles est attainct et convaincu ledict prisonnier, avons a meure délibération de conseil condamne et condamnons ledict Toussain Carlus destre ce jourdhuy mené et conduit par lofïicier des haultes œuvres jusques au lieu de la justice patibulaire de ceste gouvernance, pourillecq, par ledict officier des haultes œuvres, estre pendu et estrangle tant que la mort sen enssuyve, déclarant ses biens confisquez au prouffict de sa Mat0.
Prononchie en jugement au chastel a Douay, le xii jour de may lxvin. Apres la prononciation de laquelle sentence, ledict prisonnier a demonstre de persévérer en ses opinions concernant le faict de la relligion.
Registre aux Dictums, octobre 1567 à novembre 1571.
Jugement de Nicolas des Tombes (21 mai 15G8).
Veu le procès criminel faict et démenez pour office en ceste court allencontre de Nicolas des Tombes dict Colin Noël, prisonnier, les informations tant préparatoires que aultres par nous et aulcuns autres officiers de ce siège tenues sur les cas a luy imposez, interrogatoires a luy faictes, responses et confessions dicelluy, par ou apparut nous soit le dict prisonnier avoir comparut aux presches des ministres et predicans a Tournay, St-Arnand, Rumgies et Le Selle, en trouppe et assemblée des sectaires embastonnes, et en ce continue tout le temps que les dits ministres avoient exerce lesdits presches, meismement après les deffenses et interdictions sur ce faits par sa Mate. Par-dessus ce, avoir faict la cene calviniste des mains de lung desdicts ministres et predicants et soubz icelluy sestre range se faisant inscrire et enroller en son livre, ayant en ce faisant renonchie a leglise rommaine quils appellent papalle, promis et jure de jamais rentrer ou adhérer a icelle, ains vivre selon leur doctrine et nouvelle religion, suyvant laquelle promesse et renonchiation nauroit ledict prisonnier hante et converse en leglise depuis le commenchement des troubles jusques au jour de sa prison, soy confesse, receu ses sacremens ou représente a son cure ou communie. Item, tenu aulcunes assemblées, conventicules et lectures en sa maison avecq aultres sectaires, et aussy comparut es maisons daulcuns de la relligion nouvelle ou se faisoient semblables lectures et assemblées, lisant par ledict prisonnier en quelques livres de limpression de Genève, contenant en soy quelque œuvre de Calvin, interprétant le baptesme, mariaige et la cene selon doctrine dudict Calvin. Item, davoir en aulcunes assemblées publicques et particulières, ou comparoient plusieurs de ladicte nouvelle relligion avec armes, fait aulcunes lectures et interprétation de la doctrine dudict Calvin concernant ce que dessus, hors des livres composez par ledict Calvin, se mectant en debvoir de attirer aultruy a la nouvelle religion, faisant en ce que dict est office de ministre et dogmatiseur,et comme tel tenu et représente par la resolution et ordonnance de son Excellence, et dont les aultres paroissiens catholicques en estoient grandement scandalizes, et faisant ce contre leur volloir et a leur grand regret. Item, avoir assiste avec aultres sectaires en nombre, par force et port darmes, a sepulturer et inhumer quelque corps mort a la fachon et relligion des calvinistes et aultres nouveaulx sectaires, et contre les ordonnances et cérémonies de leglise et contre le gre du cure, disant que la personne dcfuncte navoit este munie des sacremens de leglise, ayant ledict prisonnier commenchie destre de la nouvelle relligion passe
PIÈCES JUSTIFICATIVES
plusieurs années par la hantise et fréquence daulcuns sectaires, avecq lesquelles il auroit des lors tenu aulcunes conventicules et lectures de la doctrine de Calvin, tenu aulcuns propoz hereticques, erronez et scandaleux.
Nous, pour ces cas et aultres reprins par son procès, prins aussy esgard aux placcart de sa Mate, lettres, charge et ordonnances de son Excellence, meisme a la resolution et ordonnance dicelle faicte et prinse sur aulcuns articles et poinctz a elle représentez contenant aulcunes charges imposées et desquelles attainct et convaincu ledit prisonnier, avons, a meure délibération de conseil, condamne et condamnons ledict Nicolas des Tombes destre ce jourdhuy mené et conduit par loificier des haultes œuvres jusque au lieu de la justice patibulaire de ceste gouvernance, pour illecq par ledict officier des haultes œuvres estre pendu et estrangle, tant que la mort sen enssuj've, déclarant ses biens confisquiez au prouffict de sa Mate.
Prononchie en jugement au chastel a Douay, le xxie jour de may lxvm. Apres la prononchiation de laquelle sentence, le dict prisonnier a demonstre de persévérer en ses opinions concernant le faict de la relligion.
Registre aux Dictums, octobre 1567 à novembre 1571.
Jugement de Antoine le Lœu (18 juiN 1568). Au xvin0 de juing xvc lxvm.
Veu le procès criminel faict et démenez pour office de ceste court allencontre de Anthoine le Lœu prisonnier, par lequel apparu nous soit, tant par ses confessions que informations et enquestes sur ce tenues, ledit Anthoine avoir accompagne et comparu avecq aultres sectaires estan en grand nombre lorsquilz feirent les romptures, brisements dimaiges et saccagement de leglise et abbaye de Marchiennes, ayant precedentement iceulx sectaires adverty quilz alloient pour faire ledit bris et saccagement, icelluy le Lœu estant garny dune harquebouse, laquelle en sortant dudit lieu de Marchiennes il auroit preste a quelque ault de la nouvelle religion, lequel déclara quil alloit pour se joindre et assister lesdicts sectaires quil appelloit ghœulx a faire lesdits saccagements, et au lieu dicelle harquebouse prins lespieu dicelluy, pareillement sest trouve en la compaignie desdits ghœulx lorsque iceulx faisoient semblable brisement cl saccagement en leglise de Brille, et soy aussy transporte en labbaye de Hasnon lorsque lesdits ghœux saccageoient leglise, estant aussy garny dune harquebouse. Par dessus ce, que icelluy se soit rengie sollempnechement auxdits presches es mains de lung des ministres et predicans de la nouvelle relligion, avecq adjuration et renonchiation de leglise romniaine et catholicque, ouyr la messe ou adhérer aux institutions dicelle, ains promis audit predicant de vivre et morir selon leur nouvelle relligion et profession, sestant faict inscripre et enroller au livre dudit predicant. Par dessus ce, avoir comparu et fréquente les presches desdits ministresr
