B.) EPITAPHE DE CARACCIOLO

Italiam liqui patriam, clarosque penates,

Et letam antiqua nobilitate domum;

Cæsareaque manu porrectos fortis honores Contempsi, et magnas marchio divitias,

Ut te, Christe, ducem sequerer, contemptus et exul, Et pauper varia pressus ubique cruce.

Nam nobis cœli veros largiris honores, Et patriam, et census annuis, atque domos.

Excepit profugum vicina Geneva Lemanno, Meque suo civem fovit amica sinu.

Hic licet exigua nunc sim compostus in urna, Nec claros cineres alta sepulchra premant,

Me decus Ausoniæ gentis, me vera superbis Majorem pietas regibus esse facit.