COMMENT ON DOIT GARDER L'ENFANT QUANT IL EST NÉS

Après ce ke li feme sera delivrée de son enfant si vus cstuet savoir comment vus devés l'enfant garder. Sachiés que si tost ke li enfes est nés il le convient envoleper en roses broié, mellées en sel delié, et li doit on faire trenchier le boutin (2) au lonc de III paus et metre par deseure pourre de sanc de dragon et de saizacol et de coumin, de mirre et I drapel de lin moullié en oile d'olive : et c’est li ensegnemens de maint philosophe, mais il est plus seür cose de prendre I fil de laine retors et loiersor le boutine et après melre desous drapiaus molliés en oile et laissier jusques a ITIT jors et lors cara (3) ; et quand il sera caus (4), si vus devés haster de metre sus du sel delié mellé a pourre delié de cost u de somac u fien grec u d’orvigano ; et de ce poés saler tot li cors fors le nés et le bouce pour le boutine et pour tot le cors escau-

fer et endurcir; por ce que sitost que li enfes sera