Documents réunis par M, G. Ramon

des marchands drappiers, des marchands tanneurs, des marchands meslez, de Soibotécluze.) Tous les susnommez preudhommes sur le réquisitoire du procureur du roy en l’eschevinage ayant presté le serment de nommer et eslire quatre habitans gens de bien et sans reproches pour régir et gouverner la ville se sont retirez dans la chambre dicte des preudhommes et ayant conféré par ensemble et sorty ont raporté avoir nommé M° Robert Dournel, conseiller et advocat du roy maieur, M° Louis Le Caron, advocat du roy en l’eslection, Vincent Maryé, procureur, et Anthoine Pourcel, marchand, auquel sieur Dournel,maieur, auroit esté donné son billet parle greffier de la ville, et pour advertir lesd. Le Caron, Maryé et Pourcel leur auroit esté envoyé leur billet par un sergent, desquelz comparans M° Jean Regnart, premier eschevin, pour l'absence de M: Jean Scourion, lieutenant, auroit pris le serment de nommer quatre autres personnes pour régir et gouverner avec eux la chose publicque ; ce faict, ilz se sont retirez dans la dicte chambre des preud'hommes et estant sorty ont rapporté avoir nommé M° Abraham Le Brethon, advocat, Hiérosme Dournel, controlleur au magazin à sel, Fursy Leclerc et M. Lefebvre marchandz, auxquelz comme dessus leur auroit esté envoyé leurs billetz par un sergent, lesquelz comparans après serment presté d'appeler encore avec eux quatre

autres personnes pour administrer la magistrature et