PIECES JUSTIFICATIVES

Traité entre les habitants d'Àutun et Nicolas Lallemaigne, maître es arts, principal du collège d'Autun. — 1587, 28 janvier.

L'an mil cinq cens quatre vingtz et sept, le vingt-huictiesme jour du moys de janvier, ont comparuz en leurs personnes vénérables et scientifïîcques M'©» Hugues Ailleboust, chantre et chanoine en l'église cathédrale d'Ostun, Anthoine Borenet, ofïïcial dudict Ostun et prevost en ladicte église, noble et saige maistre Claude Bernard, conseillier du Roy es bailliage et chancellerie dudict Ostun et vierg dudict lieu, honnorables hommes Jehan Himbelot, Lazaire Rabyot, eschevins, et maistre Françoys Bauldot, procureur scindicq de la ville et commune dudict Ostun, lesquelx, assavoir lesdictz sieurs Ailleboust et Borenet pour et au nom de Messieurs les vénérables doyen, chanoines et chappitre de ladicte église, et lesdictz sieurs Bernard, vierg, Himbelot, Rabyot, eschevins, et Bauldot, scindicq, au nom des manans et habitans de ladicte ville et commune dudict Ostun, d'une part; et discrette personne maistre Nicolas Lallemaigne, prebstre, natif z de Cry ^, prez Langres, diocèse dudict Langres, maistre aux artz en la faculté de Paris, à présent demeurant à Chatillon-sur-Seyne, d'aultre part, ont faict et font entre eulx les pactions, accordz et conventions que s'ensuyvent : assavoir que ledict Lallemaigne, de son bon gré, a prins et retenu, prent et retient desdicts sieurs, en la qualité susdicte, presens et luy delaissans pour le temps et terme de six ans, commenceans au premier jour du moys de mars prochainement venant, et d'illec en avant lesdits six ans finis et révolus, la charge de maistre, recteur et principal du collège de ladicte ville d'Ostun, pour illec enseigner et endoctriner les enffans tant de ladicte ville que