Voir

serm se trari quor'pus emo » SCI ntatis t eos ecimä

LeTrRe DE MGn DE SaiNT-VALLIER AUX RR. PP. Récozzers

Quebec Evesché en Canada

Nous Jean Baptiste de Saint-Vallier pur la Grace de Dieu, du St Siege Apostolique Evesque de Quebec, a nos chers freres en Nostre Seigneur les freres Mineurs Recolects establis a Villemarie, salut et Benediction.

Vous ayant fait connoistre qu'il estoit bon que vous ostassiez de vostre Eglise tous les prie-dieu, mesme celuy qui pouvoit estre mis pour nous, iusqu'a l'arrivée de M. le comte de Frontenac, auquel vous auriez a rendre les honneurs accoustumez, ainsy qu'il estoit porté par Nostre lettre; et cela pour empescher qu'on ne fit une Nouvelle Entreprise contraire a la Coustume qui a esté observée iusqu’a present dans ce dioceze, et contraire au Reglemt que le Roy a fait pour les honeurs qu’on doit rendre aux Gouverneurs particuliers dans les Eglises.

Nous avons esté surpris en passant par vostre Eglise pour y saluer le Saint: Sacremt d'y trouver les mesmes priedieu restablis ; de quoy vous ayant demandé la raison devant M. Dollier Nostre Grand Vicaire et Supérieur du Seminaire de Villemarie, et plusieurs de nos Ecclesiastiques qui nous accompagnoient ; vous nous avez respondu que M. de Callière Gouverneur de MontReal y estoit allé ce matin accompagné du Major de la place et autres Officiers de la Garnison ; ou il vous a fait signifier par 2. notaires que vous eussiez a y remettre les priedieu. Apres quoy vous dites que vous n'aviez pu vous empescher d'obeir. Nous pour continuer la mesme moderation que nous avons fait paroistre dez le commencement de cette Entreprise faite en