NOSTRE SEIGNEUR JESUS CHRIST

)0N Créateur, qui avez congnoissance, Devant r heure de mon estre et naissance, Que ce serait, que c'est et que doit estre, Vous sçavez tout ce que je veux et pense,

Quel est mon bien , quelle est mon indigence ;

Vous voyez tout, sans un seul poinct omettre,

Humiliant soubz vostre forte dextre

Tous les humains , monstrant vostre puissance ;

Je viens à vous en telle révérence

Non que je doy, mais à vous me soubmettre ,

Comme à celuy où j'ay ma confiance ,

Vous suppliant en tresferme asseurance

Tous mes péchés effacer et remettre ,

Et vostre amour me donner, et permettre

Que vive Foy m'oste toute doutance ,

En me baillant de vostre grâce lettre , Qui contre tous me serve de défense.

0 Rédempteur, craindray je d^ approcher Vostre bonté, veu que la propre chair Que nous portons , vous avez daigné prendre ? Comme dieu, nul nevous povoit toucher, Ne à terre du hault ciel arracher, Si par amour ne vous eust pieu descendre. Divinité avecques nostre cendre Avez uny : las, qui le peult comprendre? C'est un effect qui vous a cousté cher. Bien est le cœur de fer ou de rocher Qiii par amour ne deust partir ou fendre : Car, sans semblant faire de vous fascher. Tout vostre corps avez laissé hascher, Piedz, mains percer, et mort en la croix prendre, Et par ruisseaux vostre saint sang respandre , Pour, du signe tau, nozfrontz mercher.

Qui ne vous rend amour est à reprendre , Et luy doit on tous voz biens reprocher.

Des ténèbres vray illuminateur.

Doux Paraclet, à vous cecy f addresse : Des desvoyez vous estes conducteur, De tous dangers la garde et protecteur., Qui délivrez nostre esprit de tristesse. Et le gardez que péché ne l'oppresse.

En le tirant du tout hors de la presse;