A JESUS CH RI ST. I

Car de vice vous estes destructeur Et de vertus l'entier restaurateur, Tant qu'une ame pis que morte ou [adresse Vous guarissez. 0 vivificateur , Voyez un peu Pestât où est mon cœur, Aride, sec, sans grâce ne sans gresse.

Puis qu'ainsi est que Charité maistresse Est de tous biens, et vous le donateur, Amour me fait vous demander sans cesse Grâce et amour, dont du rejuz n'ay peur. Vostre nom est sy grand et admirable.

Que naturel esprit ou raisonnable Ne vous sçauroit nommer parfaitement:

Tous noms avez, estant innominable , Dont nostre sens est sy trespeu capable Qu'il ne congnoit que c'est, quoy ne comment. Il me suffit de croire seulement Que de tout bien estes commencement , Moyen et fin, en tous temps immuable.

Puissant, bon, beau, sapient, véritable.

Car tous les noms que nostre entendement Vous peult donner en chose vray semblable, Cela n'est rien, veu qu'indiciblement Estes celuy qui Estes, vrayement , Dont à nous est le sçavoir importable.

Mais congnoissant que nostre sauvement Vient de jesus, Nom sur tous admirable ,

Sauveur JESUS, vous appelle humblement.

Quel est le Nom, telle est vostre louenge , Tant que je croy qu'il n'y a Saint ny Ange Qui au Parfait jamais y sceust atteindre. Si pour jeusner , aller nuds piedz , en lange. Battre mon corps ainsi que blé en grange , Ou cent Psaultiers à dire me contraindre, Je vous povois assez louer, sans feindre Je le ferois ; mais je ne puis restreindre (^Ainsi qu'un corps tient en soy ce qu'il mange) Vostre vertu, non le bout de la frange Assez louer : car la louenge est moindre Que la bonté qui ne se mue ou change. Parquoy, voyant que ne puis faire eschange De la louenge à vous (dont le Nom paindre Nul ne sçauroit), mieux vault que je me range A humblement aymer ce que doy craindre. En me taisant, considérant ma fange , Et par îaiser, de louenge me ceindre.

De voz grâces, de vostre Charité , De tant de biens que je n'ay mérité , Le grand mcrcy vous rendre est impossible. D'avoir créé par grand' bénignité, Non pour proufit, honneur, commodité, Nostre ame et corps, c'est un bien indicible ; Puis racheter en douleur sy passible, Par honte, mort, croix, passion pénible ,