A JESUS CHRIST. I

Pour m'ostcr hors et garder de tourment , Tant que sembloit que j'eusse amour fervente. Las, donnez nioy, mon dieu, amour ardente, Dont la bonté de vous soit fondement, Et qu'en vous seul soit ma fin et pretente , Sans avoir plus d'autre amour sentement.

De vous dire, mon dieu, mon Père et Roy, Ce que vous seul sçavet trop mieux que moy, A moymesmes je sçay que je fais tort; Car vous louer ne puis comme je doy, Ne mercier des biens que je reçoy, Ne confesser le mal qui me remord.

Satisfaire ne puis à nul effort, Ne parvenir par mon labeur au port De la grâce, par laquelle je croy Que sauverez tous ceux qui par la Foy Ont mis en vous leur fiance et confort. Nully, fors vous, na accomply la Loy ; Nostre ouvrage est de sy mauvais aloy Que le meilleur est mauvais, sale et ord; Parquoy, voyant que fin, rive ne tort En vostre bien ny en mon mal ne voy, L'impossible de vous louer bien fort Loue en taisant, ce que bon j'apperçoy.

Aveuglez moy de vostre grand' lumière, Dont mon esprit ne congnoit la matière, Forme ou façon congnuc au regard sien;

Mais les effcctz sont en telle manière Qu^au plus profond de sa fosse et tasniere Voit que d'elle procède tout son bien : De la clarté, si, comment et combien Elle est grande, lors il n'y entend rien. Et plus se rompt de ses yeux la barrière , Et plus il ha de regarder moyen , Plus il confesse son regard terrien Indigne à voir ccste clarté entière.

Le vouloir voir, c'est volonté trop fiere; Mais d'absorber en soy ce qui est mien. Par ses doux rayz, je vous en fais prière, Pour deslier mon obstiné lien.

Mon long parler, trop inutil , mal sonne , Veu le propos, sy digne que personne N'est suffisant pour soustenir le faix; Congnoissance me commande et ordonne De regarder d'impossible la bourne Que nul esprit subtil, léger ou fraiz N'a sceu passer, tant ayt il bon rclaiz. Pour estre donc du nombre des Parfaitz, A labonté de vous, mon dieu, retourne.

Qui au pécheur grâce pour grâce donne; Car regardant mes pensées, ditz et faitz , Chose qui soit je n'y voy d'œuvre bonne. Mais vérité vosire œil de pitié tourne A nous tenir la promesse de paix ,