Livre prendra un souverain plaisir
Elle sçaura du fiel le miel choisir :
Car ce secret mieux que nul autre entend ;
En l'entendant satisfait son désir,
Qui rend son cœur, esprit, et corps content.
Dieu.
Or sus, après, va. Consolation :
Car, quand Mémoire et Contemplation Luy auront fait bien au long voir leur rollc. Ce petit Livre ouvert d'affection, Piemply d'amour et de dilection, Luy feras voir comme un Maistre d'eschole ; En luy monstrant ceste vive Parole, Ce Don promis, ce grand Emmanuel, Mon Verbe en chair, qu'Amour unist et colle, Elle en aura plaisir continuel.
Consolation.
Légèrement j'ay désir de voler Pour au Désert vers ceste Dame aller, La consolant par ce Livre tant beau, Dedens lequel elle t'oyra parler ; Qui luy viendras tes secretz révéler.
Et ton vouloir, et Testament nouveau,
La Vie et Mort y verra de r Agneau [Qui est vers toy l'Hostie pacifique) Mettant à rien le Mouton et le Veau, Parquoy son cœur chantera maint Cantique.
Dieu.
Anges, allez en ce Désert dcstruit; Resjouyssez par harmonieux bruit Mère et Enfant; commandez de par moy, Aux arbres secz de leur donner du fruit, Et qu'un chacun ruisseau soit bien instruit D'offrir leur eaue à leur Seigneur et Roy, Tant qu'en ce lieu plein de tout desarroy. Ou rien n'y a, soit tout en abondance ; Car où je veux toucher du bout du doigt, Mon grand povoir se voit en évidence.
Les Anges chantans.
Pu/5 qu'il te plaisî, Seigneur Dieu, Allons faire révérence En ce povre et désert lieu, Où de bien n'a apparence.
A ton Filz le tresaymé.
Et à ta parfaite Amye, D'un grand désir enflamme De servir ne faudrons myc.
Des arbres leur porterons Fruits pleins de saveur exquise ; Des fleurs les consolerons, Et de l'eaue douce et requise.
Mais de tout soit gloire à toy En ciel et terre donnée, Qui grâce par ton filz Roy As à tous abandonnée.
Marie.
Dieu éternel., mon Père et mon Espoux, A mon resveil je t'adore à genoux, Comme la Vie et l'Estre de nous tous.
Tel je te tiens.
En te rendant grâces de tous tes biens. Te merciant de ce que moy ton Riens
As regardée, Du doux regard, par qui je suis gardée, Sans que pour rien j'en soye retardée,
En repos tel Qu'il ne se peult gouster de cœur mortel. 0 Dieu, qui es immuable, immortel.
En toy je vys, En toy je dors; car en toy sont ravys Tous mes esprits : or fais à ton devis
De moy ta serve.
Fais que ton Filz à ton vouloir je serve,
Et que la Loy parfaitement j'observe
En la servant.
En luy te voy tout puissant, tout sçavant^ Par cest esprit et tresgracieux vent,
Qui souffle en moy, Me faisant voir ton Fût né soubz la Loy, Dedens lequel je congnois par la Foy
Divinité, Soubz le manteau de ceste humanité; En laquelle ha par' son humilité
Entrepris faire Toute la Loy, l'accomplir et parfaire.
Toy qui n'avois de nous tous rien à faire.
Par ton amour Veux que ton Filz nous face un sy bon tour, Qjie tous humains lui devront de retour.
Car jamais rendre Nul ne pourra ce qu'il veult entreprendre, Ny le travail que pour nous il veult prendre,
Ny grand mercy Dire, qui soit suffisant sans nul Si, Ny le louer comme l'on doit aussi.
Parquoy debteurs Tous luy seront, et serfz, et serviteurs; Tant obligez que, s' Hz ne sont menteurs.
Confesseront Que rachetez par sa bonté seront.
// est leur prix, dont ne se passeront
Ny jour ny heure.
Et ce grand prix en ce Désert demeure, Comme un enfant qui souvent plaint et pleure,
Quasi laissé De toy, Seigneur, qui Pas tant abbaissé. Et quant à moy, je n'ay jamais cessé
De le servir, Pour ton vouloir, tant que j'ay pu suyvir : Mais si je peux trouver et desservir
Grâce en tes yeux, Je te requiers nous donner un peu mieux Que l'œil ne peult espérer en ces lieux
Inhabitables.
Que chaud et froid nous soyent raisonnables, Que faim ne soif ne soyent importables ;
Et que puissions Vivre en repos par rochers et buissons , Où séparez ne soyons des doux sons
Spirituelz, Et de tes dons en nous continuelz ; Non des grans biens que reçoit annuelz
Ta créature.
Mais de ton pain et céleste pasture ; De la vive eau, qui fait de la closturc
Du monde bas Sallir à toy source de tout soûlas :
Car mon cœur n^ est jamais remis ne tas
De f embrasser, Mon dieu, mon Tout, dont ne me peux passer, Car en toy sents et mon Estrc et ma Vie, Et tant d'amour qu''elle peult effacer Tourm.ent et mort : car en toy suis ravie.
Les Anges chantans.
A toy, Dame, venons rendre Louenge, gloire, et honneur, Adorans ton Enfant tendre, Nostre Roy, Maistre et Seigneur ; Car de Dieu la grand' Lumière Comme à travers la verrière Voyons en luy et en toy, Non seulement par la Foy;
Car nous sçavons que Dieu
Est en vous en ce lieu.
Dieu vray Père nous envoyé, A fin qu'en ce grand désert Te suyvons par toute voye; Dont un chacun de nous sert Voluntiers à toy, ma Dame, Sur toutes l'heureuse femme ; L'amye du Dieu d^enhault.
Demande ce qu'il te fault,
Car nous f obéirons, Et en tous lieux irons.
Ces lieux déserts et estranges Pour ta consolation Nous remplirons de louenges Et de jubilation; Tant que la terre déserte Sera remplie et couverte De tout bien et tout plaisir, Desquelz tu pourras choisir,
Plus que ne feut jadis
D'Adam le paradis.
Marie.
Loué soit Dieu qui pourvoit son Enfant De ce qu'il fault, à sa nécessité; Et qui par vous de tous maux le défend, Tant qu'il ne peult sentir adversité.
Ce grand désert trop mieux qu'une cité Je voy remply de toute joye et bien; 0 Dieu, dessoubz ceste diversité, Qui t'y peult voir, il n'hafaulte de rien.
Anges, allez, cercliez et bas et haiilt Ce que Dieu sçait qui nous est nécessaire., Apportez nous sans plus ce qu^il nous fault, Car nous n'avons du superflu affaire ;
Mais en allant vosire chant nefault taire , Faisant par tout ce désert retentir, A terre, et bois, et rochers, il fault faire De nostre Dieu la louenge sentir.
Les Anges chantans.
Chantons trestons par rochers et par bois Gloire et honneur à nostre Créateur; Tant que nul lieu n'ignore nostre poix; Mercions Dieu, qui nostre Rédempteur Met sus terre ; Qui la guerre Bien tost finera :
A malice, A tout vice, La mort donnera.
Le Premier Ange.
Tous Arbres secz, ne soyez plus stériles, Le Créateur veult que soyez fertiles, Donnans voz fruitz de tresbonne saveur.
Le Second Ange.
Apparaissez dens ce Désert sans ambre, Vous belles fleurs odorantes sans nombre. Pour au jourd'huy recevoir grand' faveur.
Le Tiers Ange.
Courez^ Ruisseaux, près de la vierge mère; Présentez luy eaue douce, non amere; Honneur aurez quand de vous en prendra.
Le Quart Ange.
0 Miel trcsdoux de la subtile mouche, Viens toy monstrer pour consoler la bouche Porte du Ciel dont chacun apprendra.
Le V. Ange.
Serpens, Dragons et Restes venimeuses, Eslongnez vous, et soyez gracieuses, Sans faire mal à Mère ny Enfant.
Le VL Ange.
Tygres, Lyons et furieuses bestes, Baissez icy voz forces et voz testes ^ Car résister contre eux Dieu vous défend.
Contemplation.
Mère du Filz où gist nostre espérance, Humble salut, honneur et révérence Te présentons, te donnant asscurance.
Que la bonté Du Souverain l'a par Amour domté,
Comme par moy il te sera compté :
Tant que l'amour Qu'il ha à toy ne fait aucun séjour, Mais ha tousjours soing de toy nuict et jour:
Parcjuoy m'envoyc A celle fin qu'avecques toy je soye.
Et que par moy ce beau grand Livre voye,
C'est de Nature, Où tu verras bien au vif en painture Ciel, Terre et Mer, et ce qui nourriture
Prend dedens eux.
0 Vierge et Mère, icy bien voir tu peux Jusqu'à un poil ou à Tun des cheveux
Des Créatures.
Icy peux voir des Bestes les figures Et des Oyseaux les plaisantes vestures,
Arbres, fruitz, fleurs, De mille goustz, de cent mille couleurs. De tous Poissons les vertuz et valeurs.
Bref tout en somme Peux voir que tout cecy est fait pour l'homme ; L'homme, pour Dieu. Or donc regarde comme
Tout va par ordre; Voire sy bien qu'il n'y a que remordre. Et sy péché ne fust venu retordre
Le fil de Mort, L'homme eust esté à jamais sage et fort;
Le Monde beau sans dueil ny desconforî ;
Oyseaux et Besîes Sans nul venin fussent douces, honncstes, Et à servir l'homme à toute heure prestes.
Regarde, Dame, Combien puissant est ce Roy là qui famé, Et qui te veult consoler corps et Ame.
Rcsjouy toy En regardant les œuvres de ton Roy, Espoux et Père, et comme en bel arroy
A ordonné Ce Monde bas, lequel il a donné A son seul Filz qu'il a abandonné
A ton bon soing.
Tu l'aymes tant qu'il n'est point de besoing Ramentevoir ce qui n'est de toy loing.
Sa Deïté Demeure en toy; et son humanité Entre tes bras joyeusement tu porte En le servant par grande humilité, Et luy ton cœur et ton corps reconforte.
Marie.
0 Dieu, qui es l'Estre de toute chose, Ta Deïté, aux yeux des mortelz close, Voy dens les fleurs, dens le Hz, dens la rose, Par son povoir
Croistre, germer, et puis se faire voir Herbe, et puis fleur, et graine, pour pourvoir
A r advenir.
Tu fais en hault le grand Cèdre tenir. Varbuste en bas humblement contenir ;
Le fruit meurit Par ta vertu, qui ainsi le nourrit.
Puis tombe à bas en son temps, et pourrit.
Et son tombeau.
En terre prend, dont revient un nouveau Du grain pourry et mort, tout aussi beau
Que le premier.
Poirier n'y a, ny guynier, ni pommier, Qui tous les ans ne chargent un sommier
De ton ouvrage.
Tu es l'ouvrier de ce grand labourage, La vie aussi de tout arbre et fruitage,
L'Estre et mouvoir De tout ce que l'œil peut appercevoir, Soit verd ou blanc, incarnat, bleu ou noir.
En terre et Mer L'on ne doit voir que toy, ny estimer : Tu fais fueillir, et fleurir, et germer
Et champs et bois, En tous Icsquelz rien que toy ne congnois. En eux te voy, en eux j'entens la voix
De ta puissance.
Criant bien hault pour donner congnoissancc Qu'il n'y a rien créé en ton absence,
Car tout en tous Es et demeure. Et combien que les foulz, Qui d'ignorance et ténèbres sont saoulz,
Ne voyent rien Que le dehors en ce corps terrien, Qui de leurs cœurs est un sy doux lien,
Qu'ilz sont happez Avant sçavoir de quel fer sont frappez : Ceux qui en sont par ta grâce eschappez
Peuvent bien dire Que tu les as tirez d'un grand martyre, Dedens lequel n'ont eu cause de rire;
Car tout plaisir, Richesse, honneur, engendrent un désir Plein de tourment, et n'y peult l'on choisir
Aucun remide.
Et qui les tient, de les perdre est timide, Et si n'y peult Raison tenir la bride.
Qu'à droit ou tort, L'on en désire encore avoir plus fort.
Et qui les perd, c'est douleur à la mort;
Car l'esprit n'est Pour s'arrester, en tout ce qui parest, Tousjours cerchant, de cercher est plus prest
Un souverain
Bien et plaisir; mais il labeure en vain^ S'il ne te plaisî de ta tresdouce main
Luy descouvrir Ce grand secret, et le dedens ouvrir, En te monstrant à luy sans te couvrir
De ta facture, Que souvent prens pour masque et couverture. Lors, quand il voit que soubz ceste Nature,
A l'œil visible Ta vertu gist, qui le mort insensible Fait vivre et meult {car tout luy est possible),
Il laisse à part L'extérieur et tourne son regard En toy, qui es son héritage et part.
Par l'œil de Foy :
Et tout en tous ne voy rien, sinon toy, En oubly met et tout le monde et soy.
En cest oubly Se perd en toy, là il est anobly; Car son Adam est mort et affoibly.
En toy seul vit.
Ainsi qu'ont fait Abraam et David, Car chacun d'eux ta parole suyvit.
0 mon doux Père, (lui, tout en tous, tant de vertuz opère. Déclare toy, à fin qu'à tous apperc Ta bonté grande ;
Ouvre les yeux au peuple, et qu'il s'amende. Helas ! Seigneur, je te les recommande :
Car sy chacun En tout ce corps grand, visible et commun Ne voyoit rien sinon toy seul Dieu un,
Tes faitz, tes diîz, Estre tout un comme ilz furent jadis, Ce Monde icy seroit un Paradis.
L'on te loueroit En ton ouvrage, auquel chacun verroit Toy seul Vivant, et ta Parole oyroit,
Qui par toy œuvre Parle bien hault, et ton vouloir descœuvre Par ta bonté, qui les perdus recœuvre.
Toy qui as fait Et terre et ciel, et as Hionime refait, Lequel péché a de toy séparé.
Je te requiers rendre le tout parfait, Puis que leur mal Amour a reparé.
Mémoire.
0 Dame eslue avant que fust le Monde Constitué, sans péché, pure et munde.
Faire te viens révérence et honneur.
Et saluer par ton Dieu, Roy et Père, Qui le salut dedens ton filz opère.
Duquel par toy il veut cstre donneur
Au peuple Eshi, qui tant l'a attendu, Mais maintenant par toy luy est rendu, Dont l'on te doit ayiner et estimer.
A toy m'envoye, ô vierge toute belle, Le Toutpuissant, par lequel tu es telle, Et monstre bien comme il luy plaist faymer : Car pour garder que ce lieu ne te fasche, A fin que mieux sa grand vertu tu sache, Ce Livre vieux t' envoyé, où voir pourras Le povre Adam en sa création Tant sage et beau, plus de perfection, Que tresheureux quasi tu le croiras.
L'auctorité que le Dieu de Nature Luy a donné sur toute Créature, Et que, plus est, exempté de mourir; Rien ignorant, sinon Péché et mal; Donnant les noms à chacun animal Qu'en terre et ciel peult voler et courir.
Mais tout soudain, partrop aymer sa femme, Sa chair, son sang, feut charnelle son ame, Oubliant Dieu et sa sainte Parole, Pour donner foy et lieu à la mensonge. Voyez comment la pomme mord et ronge, Que lui bailla ceste première folle.
Qui dcsiroit et bien et mal sçavoir Ainsi que Dieu, qui tous nudz les feit voir, Couvrant chacun d'une fueille sa honte;
Plus s'excusans sur autruy que sur soy, Furent vaincus, et mis en grand esmoy Par ceste voix à qui fault rendre compte. Mais sy fragile en feut la couverture, Que Dieu leur feit de peaux une vesture, En les monstrant telz qu'une morte beste. Et en lieu d'estre par eux à Dieu semblable, Furent plus sotz que beste irraisonnable : Voila le bien que Sçavoir leur acqueste.
L'homme eslevé en un honneur sy grand, Qui de la main de Dieu l'honneur ne prend, Mais par soymesme cuyde estre quelque chose, En ignorant dont ce grand bien luy vient, Est comparé et semblable on le tient Aux animaux qui ont la bouche close.
Icy voyez Adam par son péché Du paradis terrestre dechassé, Sa femme aussi hors de toute liesse.
Mais la bonté, qui ne se peult nyer, Du tout ne veult les excommunier ; Mais leur donna de leur salut promesse Par ta semence, ô Vierge bien heureuse, Par qui seroit la teste dangereuse Du serpent vieux et rompue et brisée.
C'est par ce Filz lequel de toy est né, Par cest Enfant de Dieu à tous donné, Par qui tu es de tous vivans prisée.
Et puis après, voy No'é le bon homme Dans l'arche mis ; puis quand il saillit, comme Dieu dit, monstrant l'arc remply de sodas : Cesî arc icy sera pour ton refuge, Et signe au Ciel que jamais par déluge D'eau ne feray périr ce monde bas.
Ton Filz est l'arc plein de miséricorde, Dont les pécheurs ont en leurs mains la corde, ■ Pour en tirer à Dieu humbles requestes : Voy par ccst arc confédération, Paix, amitié, seure dilection, De Dieu avons tant grandes et honnestes.
VoyAbraam^ qui offrit Isaac, Auquel son Dieu renouvelle ce pact.
En luy monstrant le nombre des estoilles, Luy dit : En un venant de ta semence Je monstreray ma tresgrande clémence.
Et toutes gens bénir ay soubs ses <zsles. Puis Israël autant en a receu :
A Dieu ont creu, dont nully n'est deceu.
Après il fault qu'en l'histoire tu entre Du bon David, auquel il fut promis Que sur son siège à jamais seroit mis Le fruit promis de son tresroyal ventre.
Fais tout au long de ce livre lecture. Regarde bien cestc Vieille Escriture, Et tu verras que la fin de la Loy
Cest CHRIST ton Filz, c'est le promis Messie : La fin, le but de toute prophétie, Qui acomplit la Loy par vive Foy.
Après avoir par moy qui suis Mémoire Bien ruminé une chascune histoire, Qui de ton Filz son tresseur tesmoignage, Prens de David ton père le Psaultier, Pour le chanter à Dieu d'un cœur entier, Resjouyssant ton Ame et ton courage. Quant est de moy, je te monstre la Lettre, Mais cest Esprit qu'il plaistau Seigneur mettre En toy, qui es de luy toute remplie.
T'en fera voir le sens, sans rien omettre ; Lis à loisir le tout, je t'en supplie.
Marie.
Loué soit Dieu qui t'a donnée à moy.
Par qui ses faitz tresantiques je voy.
Qui monstrent bien sa puissance indicible.
0 la bonté du seul Bon pour tous Bons, Qui a tousjours distribué ses dons A ses Esluz! 0 Dieu, est il possible De te louer assez suffisamment ; Et contempler ce beau commencement.
Où toy puissant et sage Créateur De l'Air, remply d'oyseaux de mainte sorte, De Terre aussi, qui maint animal porte, II 27
Et de la Mer te monstre le facteur ?
Ta grand' grandeur ton ouvrage demonstre,
Ta sapience en tous lieux Von rencontre.
Car d' Eléphant jusques à la formis
Tu es la Vie, comme de tous, et l'Estre,
Leur Créateur, conservateur et maistre;
Mais tout cecy as fait pour tes amis.
0 povre Adam, par faulte de bien croire. Te présenta ta femme ou pomme ou poire. Fruit de science où mort estait cachée : Tu en mangeas^ ton honneur ignorant.
Qui en ce monde estois seul imperant : Lors feut ton Ame en ce péché tachée. 0 bienheureux péché, heureuse offense, Qui mérita si digne recompense.
Que Dieu son Filz pour du tout l'effacer Nous a donné! 0 Filz, ô tresgrand prix, Que le péché d'Adam sur toy as pris, Tu t'en povois, s'il feust pieu, bien passer.
0 forte amour, ô semence promise.
Par qui sera à riens la teste mise Du grand serpent qui les mondains regist. Las! je te voy, bien que soyes couverte. En mon Enfant, qui dessus l'herbe verte Bien povremcnt ainsi qu'un pécheur gist.
C'est l'arc qui est pour la paix mis au Ciel, Convertissant en douceur l'amer fiel
De la justice et de l'ire de Dieu.
Helas ! Pécheurs, de cest arc donc tirez Et par luy seul ceste grâce attirez; De l'Eternel apprenez tous ce jeu.
Son corps est l'arche qui voz maux ostera, Qui sur les Eaues sy bien vous portera Que vous n'aurez de vous submerger peur. C'est le Coulom portant la branche verte, Monstrant qu'amour la terre a descouverte A tous Esluz qui croiront de bon cœur. C'est de la Foy d'Abraam la puissance, Cest dlsaac la grande obéissance.
Qui prend la mort pour auîruy volontiers. C'est des Esluz la bonne volonté, C'est leur amour, espoir, sens et bonté. C'est luy qui fait en eux tous ces mestiers, Qui entend bien de l'Esprit l'harmonie Aller te voir soubs la cérémonie, Oblation mettant toute autre à fin.
C'est toy qui es Melchisedec le prestre, Duquel n'a peu la race bien congnoistre Homme vivant, tant soit il sage ou fin. Par cest Enfant, Sacrifice nouveau, L'oblation du Mouton et du Veau Ne sont plus rien , puis que de leur figure La vérité nous est sy bien monstrée Que l'on voit bien la figure acoustréc
N'estre rien qu'umbre à la vérité pure.
0 Roy David, de plaisir suis ravie En contemplant ta Chrestienne vie, Car le vray Christ plus que nul représente : Tu es de Dieu /e christ et le vray Oingt, L'homme selon son cœur, qui as le poinct Gaigné d'avoir mis en Dieu ta pretente.
Qui penseroit que ce fust pour mon Filz Ce grand serment, ô Seigneur, que tu feis, Que tu ferais du ventre de ce Roy Saillir un Filz qui son siège tiendrait, Le voyant nud et povre en tout endroit, Couché sur Iherbe en piteux desarroy?
Qui donnerait à cest Enfant la gloire D'estre de toy la force et la victoire. Et le fort bras contre tes ennemis^ Qui le prendrait pour le grand Josué, Pour Gedeon, qui en a maint tué, En le voyant foible et à terre mis?
Qui jugerait, à Père et Créateur, Que cest Enfant fust le Législateur Qui à ton peuple a déclaré la Loy, Le grand Moïse et serviteur fidèle.
Qui estait plein de Foy, d'amour et zèle? Nul, s'il n'estait bien inspiré de toy.
Tel que tu feus, Seigneur, tout tel tu es Et tel seras, sans fin à tout jamais :
DU DESERT. 21 j
Tresgracieux et doux à tes fidèles,
Tresrude et dur et juste à tous mcschans,
Qui sont tousjours par malice peclians;
Sans espérer soubz l'umbre de tes asles,
Par ton esprit, qui tous les bons cœurs touche,
Donne vouloir et parler à la bouche :
Dont ont chanté hautement les Prophètes.
Par toy nous ont fait de grandes promesses
Que par ton Filz aurons de tes largesses
Le fruit entier de tes grâces parfaites.
La gloire en soit à toy qui à délivre
La Lettre et Sens me fais voir de ce Livre
Où soubz la Loi la Grâce peux choisir :
En le lisant, je trouve tel plaisir
Que d'autre pain, fors cestuy, ne peux vivre.
Consolation.
Or magnifie, Vierge sur toute esluë, De ton esprit, ame, cœur et puissance, Le vray Espoux qui par moy te salue, En te voulant donner resjouissance.
Porté luy as sy grande obéissance Qu'en ce Désert, ou il te fait fuyr, Te reult donner de ses biens abondance. Voy ce Livre ouvert.
Qui tant fcut couvert,
Et par sept fermans
Sy Iresfort seelé
Qu'il estait celé
A tous vrays amans.
Mais l'occis Agneau,
Adam le nouveau,
Par son doux effort
Enfeit l'ouverture.
Or y prens pasture
Pour ton reconfort.
0 Vierge, c'est h doux Livre de grâce. Que Dieu par moy rend ouvert en tes mains; Tu ne seras jamais d'y lire lasse, Recongnoissant la peau du Saint des Saints Dont il est fait, pour à tous les humains Monstrer à cler l'amitié que leur porte : Tu y verras tout son secret (^au moins Ce qu'il luy plaist que l'esprit en rapporte.) La peau délicate
Charité dilate
Comme un parchemin;
Et du doigt d'enhault
Escrit ce qu'il fault
Faire en ce chemin.
Ce Livre est sy ample
Qu'il suffisî d'exemple
A tous ses Esluz.
// est fol parfait
Qui compte n'en fait,
Et qui en veult plus.
Que sçaur oit plus l'homme avoir d'avantage De tout le bien qui se peuit désirer, Quand il ha Christ pour son vray héritage, Qui tout en luy l'a voulu retirer ?
S'il est en Christ, plus ne doit souspirer; Car Christ en Dieu sans fin le fera vivre. Sans que nully l'en puisse retirer, S'il est escrit en ce bienheureux Livre . C'est la seure addresse
De ceste promesse
Tant réitérée.
Que Dieu en justice
Tournerait malice
Trop invétérée.
Sur soy le péché
Sera sy caché,
Porté et défait,
Que Dieu le tiendra.
Un jour que viendra.
Pour bien satisfait.
Las ! ce sera la piteuse journée Que le payeur n' espar gnera son sang.
Et que verras ta joye retournée En grand douleur, voyant sur le dur banc
2lé DU DESERT.
D'une grand Croix r Agneau tant pur et blanc, Pour tous les siens justement satisfaire, Car pour tirer ses Esluz à son reng D'éternité, ne lairra rien à faire. En luy la Mort, morte
[Qui estait sy forte)
Pour jamais sera :
Car le cuydant prendre ,
Luy sans se défendre
Son chef cassera.
Le Péché aussi
Vilain et noircy
Sera effacé;
Enfer par ce Christ
Sera tout prescrit,
Brisé et cassé.
Mais Adam, mis à mort par Passion Telle qu'il fault pour son forfait esteindre, Retournera par Résurrection, Pour bien heureux le hault du Ciel atteindre. Celuy qui s'est voulu faire le moindre, Jusqu'au plus bas de l'enfer descendant, Sera mis hault, où nul ne peut aveindre, S'il n'est passé par ce feu îresardent. Mais sa Créature
De vile nature
Qiii reçoit par Foy
L'Agneau, et se colle
A luy, et s'en voile
Du tout hors de soy.
Elle n'est plus elle :
Mais par Foy et zèle
Est Fût du Treshault.
Son nom elle perd,
Dont ceiuy appert
De Dieu qui mieux vault.
Or contemplez, ma tresheureuse Dame, Quel bien, quel heur et quel contentement Peult recevoir et ressentir ceste ame ; Ame non plus, mais esprit seulement, Esprit remply de divin mouvement.
Qui plus se perd en luy, plus se retreuve Estre en son Dieu, toy seule sçais comment Cecy se fait, tu en as fait l'es preuve. Or r es jouis toi,
Toy qui as par Foy
La grâce trouvée
Que Eve avoit perdue.
Pour s'estre rendue
A voix reprouvée.
Chante dens ton cœur
Pour l'Agneau vainqueur
D'enfer et de Mort;
Dieu à toy m' envoyé, II 28
2l8 DU DESERT.
Lequel est ta joye, Plaisir et confort.
Je ne puis pas sans admiration Ce Livre voir sy plein de charité.
Je voy de Dieu l'amour, l'affection, Envers celuy qui avoit mérité Que Dieu à luyfust tousjours irrité.
Je voy ce Dieu, qui par bonté immense, Donne au menteur son Filz, sa Vérité; Voire et fait chair son Verbe et sa semence. 0 bonté trop grande,
Qui la Loy commande
Impossible à faire;
Puis tu metz pour l'homme
Ton Filz, qui la somme
Prend à satisfaire.
Amour vainc aux Cieux
De Dieu les doux yeux
Pour nous regarder;
Et le cœur enflame
Du Filz, qui son ame
Met pour nous garder.
Mais quand le Filz est bien glorifié.
Ayant en nous Dieu tout seul fait congnoistre^ Et nostre Adam du tout mortifié,
Son saint Esprit donne et fait apparoistre, Et que Dieu est en nous la Vie et l'Estre. Cesîe union est la béatitude Du vray croyant : ô Dieu, mon Père etMaistre, Et que voicy une plaisante estude !
Ce Livre de grâce
Tous les autres passe
Pour plaisir donner :
Pleurer tourne en rire,
Parquoy le veux lire
Sans l'abandonner.
Par dilection
En l'Election
De Dieu je me voy;
De tous temps prev eue
Aymée et Esleue
Me gardant en soy.
Puis quand le temps vint en sa plénitude Lequel feut tant des Pères attendu, Il me choisit d'entre la multitude A un honneur de moy non prétendu :
Car nonobstant que bien j'eusse entendu Que son Feilz Christ devoit naistre de Vierge, Je n'estimois un tel bien m'esîre deu D'estre d'un tel thresor humble concierge. Je m'estimois rien,
Vuyde de tout bien,
Et moins m'estimoye Que povr'e vermine, Ou morte racine; Mais Dieu seul j'aymoye,
Lequel m^a trouvée Bas, mais eslevée Hanlt par si doux piège, Que Mère honnorée M'a fait, décorée Sur son dextre siège.
Ce bien est mien avant quefustle Monde Fait ny formé ; car Amour par luy seul De tout péché me feit exempte et mande. Puis me feit naistre en ce val plein de dueil. Et me donna un regard de son œil Sy amoureux qu'il me feit amoureuse ; Dont toutes gens voyans ce doux acueil. Me chanteront et dir&nt bien heureuse.
Seigneur, quel mérite Avoit ta petite Servante peu faire Pour estre estrenée Avant qu'estre née Du bien qui doit plaire ?
Mon affection Mon Election N' avoit pas esmuc :
Seigneur, ta bonté
T'a pour moy domîé,
Parquoy m'as esleue.
0 tfuel honneur d'amitié paternelle !
Quelle faveur faite à ta chambrière !
Non à moy seule, ja ne fault que le celé {Bien que je suis des Esluz la première^, Mais à tous ceux qui dessoubz ma bannière Par vive Foy suyvront l'occis Agneau.
Venez, Pécheurs, sans regarder derrière, Ne doutez point de mon céleste appeau.
Qui croit comme moy
Par tresvive Foy,
Mère est du Sauveur;
En son cœur Fengendre,
Mais qu'il puisse entendre
Sa grande faveur.
Foy fait recevoir,
Prendre et concevoir
Oyant Dieu parler.
Son enfant trescher
Son verbe fait Chair,
Qu'il ne fault celer.
Puis que par Foy j'ay receu en largesse. Sans que de moy vinst la cause ou raison, Le Filz de Dieu, l'attendue promesse Que Gedeon congnul en la toison;
Priez sans cesse en dévote oraison Ce Père Dieu, vous Pécheurs condemnez; Que Foy bruslant par amoureux tison Mette en voz cœurs, pour n'estre point damnez. Je vous certifie Que Dieu justifie Par CHRIST le pécheur.
Mais s'il ne le croit, Et Foy ne reçoit En luy ce bon heur Par ferme fiance.
En sa conscience N'aura nul repouz.
Dieu est le donneur, Foy le receveur De ce CHRIST tant doux.
Qui donc aura par Foy ce christ receu Fera tout ce que le Père commande; Le saint Esprit, qui n'a nully deceu.
Fera en luy œuvre louable et grande^ Et Dieu plus fort à l'homme ne demande Que d'acomplir sa bonne volonté, Ce qu'il ne peult; mais christ paye l'amende : Parquoy tout mal est vaincu et domîé. Or sont ceux sa Mère, Son Cousin et Frère, Qui le bon vouloir
Du puissant et sage
Font de bon courage,
Pour en eux l'avoir.
Car en eux ouvrant
Leur va descouvrant
Que c'est sa puissance
Qui fait tout en eux;
Qui fait un de deux
Par sa congnoissance.
Mère je suis de son humanité, Qu'il print en moy, laquelle 'fay portée; Mère je suis de sa divinité, Car par la Foy j' estais tant exhortée. Que j'ay receu, dont suis reconfortée, Voire et conceu la Dette treshaute; Et par son don sa grâce rapportée.
Avec laquelle on ne peult faire faute.
Croyez, recevez,
Portez, concevez
Dieu par sa parole ;
Et sentez le en vous.
Père, frère, Espoux,
Qui joué son rolle.
En vous se louera,
Quant il jouyra
De vous purement;
En vous son amour
Qui le bon vouloir
Sans cesser nul jour,
L'aymera vrayment.
Tant plus je lis ce Livre d'amour plein. Et plus mon cœur, qui par Foy est certain, Livre de grâce et bonté et douceur.
De ceste amour sent la douce liqueur.
Car sans douter est mon Esprit tresseur, Qu'en mon Amy je suis, et luy en moy; Dont possédant mon puissant possesseur.
Plus esmoyer ne me peult nul esmoy.
Mon Dieu est sy mien
Que ce qui est sien
Dedens moy je sents ;
Et dedens luy suis.
Dont saillir ne puys,
Car je m'y consens.
En mes bras le porte.
Aux siens me conforte.
Dont luy seul m'embrasse ;
Ma bouche le baise,
La sienne m'appaise,
Qui tout plaisir passe.
Si sçay je bien qu'un grand jour qui viendra Pour mettre fin à ce qu'il a promis, Honteusement mourir luy conviendra, Pour racheter de mort tous ses amys.
Ce bouc]uet lu de myrrhe j'en ay mis Dedens mon sein, mon cœur et ma mémoire Long temps y a; car je n'ay riens omis A contempler ceste piteuse histoire.
Simeon le vieux,
Voyant de ses yeux
Ce doux salutaire,
En pleurant bien fort,
Ceste dure mort
Ne me voulut taire.
Mais selon son dit
Tant en ont prédit
Par le temps passé,
Qji'il n'y a Esprit
Voyant leur Escrit
Qui n'en soit lassé.
Mais regardant en ceste passion De l'œil de Foy, qui ne sarreste au corps, Je voy au fonds la consolation, Qui ne se peult congnoistre par dehors. C'est que mon Filz, semblable à un des Mortz, De ceste mort, mourant, aura victoire; Et en semblant foible par ses efforîz, Sur les plus forts emportera la gloire. Par obéissance
Rompra la puissance
Du péché d'Adam, II 29
Qui pour lever l'œil Trop haut par orgueil F eut chassé d'Eden.
Christ cloué de doux Donra de telz coups Qu'enfer brisera ; Son corps attaché Ostera péché Et l'effacera.
Puis ce corps là, mort par affection, Obéissant au Père entièrement, Voy revenir en résurrection, Trimnphateur de mort et de tourment, Victorieux d'Enfer parfaitement.
Et de péché, dont ses Esluz retire; Et puis monter au Ciel triumphamment Auprès du Père, où est ce qu'il désire : Je le voy assy.
Hors de tout soucy, Du Père à la dextre , Où, quoy qu'il ayt fait, Par Foy en effect Le voy tousjours estre.
Moy qui en luy suis.
Désirer ne puys Mieux qu'en chacun lieu Par tout triumphant
Voir par mon Enfant Tout en tous mon Dieu.
Les Anges chantans.
Louenge à Dieu soit donnée à toute heure, Qui son cher Filz laisse en terre gésir, Pour le pécheur du bas Enfer choisir, En le tirant à sa haulte demeure.
Il n'y a cœur qui de joye ne pleure, Voyant en Dieu tant d'amoureux désir.
Qui à sauver l'homme prend tel plaisir, Qu'il est content que pour luy son Filz meure.
Le Premier Ange.
Voicy des fruitz que les plus haultz dattiers Nous ont donnez pour toy, frais et entiers : Il te plaira ce présent en gré prendre.
Le IL Ange.
Voicy du fruit que le bon Chrestien Envoyé à toy, arbre fort ancien, Qiii ne veult riens que te louer prétendre.
Le IIL Ange.
Pomme d'amour, qui le cœur réconforte.
J'apporte à toy, qui es la femme forte Où croit tousjours l'amour juste et divine.
Le un. Ange.
Reçoy ces fleurs, ô blanche fleur de lis, Et la pensée entre toutes eslis, Et ceste rose tirée de Fespine.
Le V. Ange,
Ce miel céleste est digne de ta bouche, Auquel jamais ne toucha layde mouche, Car ta parole au doux miel est semblable.
Le VL Ange.
Ceste vive eaue j'ay prise de la pierre Qui aux Enfans d'Israël en la terre Du grand Désert leur f eut tant secourable.
Le Premier Ange.
Du grand palmier qui au dur faix résiste, Vierge, en tout cœur la fermeté consiste; Car il n'en feut jamais de sy constante.
Le IL Ange.
Du bon Chresticnqui à Dieu seul veult plaire,
Vierge, tu es le parfait exemplaire, Par vive foy et Charité ardente.
Le III. Ange.
Le fruit d'amour est en toy tout entier, Car d'aymer Dieu sçais sy bien le mestier Que toute amour auprès n'est que painture.
Le IIII. Ange.
Tu es le Liz blanc et cler, pur et munde, Vivant parmy les espines du Monde, Sans en sentir une seule pointure.
Le V. Ange.
Tu es le miel, douceur saillant du fort. Et celuy dont Jonatas reconfort Trouva, lequel luy redonna la veu'é.
Le VI. Ange.
Pleine tu es de l'eaue tant clere et belle Qui fait saillir en la vie éternelle Ceux qui par Foy et Charité l'ont beué.
Le Premier Ange.
En nourrissant ton pur et chaste corps
De miel, et fruitz differens par dehors, Tu voy en eux Dieu, qui de tous est Vie.
Marie.
Qui a gousté ceste manne céleste, Las! il est plus ignorant qu'une beste Si d'autre chose il peult avoir envie.
Le II. Ange.
Nous voyons bienqu'en goustantce doux miel Ton œil de Foy reçoit du haulî du Ciel Ceste douceur, sçachant qu'elle en descend.
Le m. Ange.
Tout ce manger terrestre ne retarde Que le pain vif sans cesser ne regarde : Car autre pain ton cœur n'ayme ne sent.
Le IIII. Ange.
Ceste eau te plaist plus que nul vin ou moust. Car en esprit desja tu sents le goust De la divine et céleste fontaine.
Marie.
L'eau de Marah douce trouver je doiSy
Car je congnois la grand vertu du bois Par qui elle est de douceur toute pleine.
Le V. Ange.
Dedens ces fleurs la beauté vois du beau, L'odeur de luy conforte ton cerveau, Dont tu te loue en sa diversité.
Le VL Ange.
Tu le vois seul soubt diverse figure L'estre et la vie à toute créature; Tu le sçais mieux qu'il ne t'est recité.
Marie.
L'homme ne vit pas de pain seulement : De la Parole escrite purement De son Dieu peult sustenter corps et ame ; Le beau se voit en toutes les beautés, Et le puissant en toutes royautés :
Car Dieu seul est Tout, en tout homme et femme; L'Estre et le Tout des pierres insensibles, Le sentiment des animaux sensibles, D'arbres et fleurs l'estre et l'accroissement. De l'homme il est estre, vie et mouvoir, Sens et raison, volonté et povoir :
L'homme sans luy n'est rien entièrement. Donc en mangeant et en beuvant ceste eau Je goiiste et voy en tout Phomme Nouveau , Par qui le Père à tous se communique.
0 quel plaisir de sçavoir que nostre Estre, Vie et Povoir est Dieu seul, dont sa dextre De faire tout en tous sçait la pratique ! Père, j'ay pris ta bénédiction, Où j'ai trouvé tant de réfection, Que grâce en rends à ta grande abondance : Je ne te puys tes grâces et biens rendre, Mais à ton Filz tant délicat et tendre En te louant vois offrir ma substance.
Les Anges chantans.
Tout d'un accord chantons au Dieu des Anges, Qui passe tout l'effort de noz louenges. Nul la valeur ne peult chanter ny dire, Tout ce quil veult il fait en son empire. Chantons sa grand bonté, douceur, clémence. Car amour l'a domté par sa puissance .
Joseph.
Combien que je me sois lassé De cercher ce dont j'ay besoing, Si n'ay je pas trop amassé,
Et SL suis allé assez loing.
Ce que j'en rapporte est tesmoing
Que ce lieu est mal cultivé ;
Seigneur, en îoy jette mon soing,
Duquel tout bien est dérivé.
0 que de fruit je voy ensemble
Près de Marie sur la terre!'
Il y en a plus, ce me semble,
Qu'en un mois n'en sçaurions acqucrrc.
0 que celuy folement erre,
Pensant par peine avoir de soy
Ce que Dieu donne sans requerre
A ceux qui vivent de sa Foy!
Loué soit Dieu qui m'a reconforté De mon labeur, voyant qu'il l'a pourveue De tant de bien qu'aucun a apporté Pour secourir à ceste Vierge eslue.
En présentant ces fruitz je vous salue, Mais je voy bien que n'en avez affaire^ Car d'autres fruitz de plus grande value Un beau présent Dieu vous a voulu faire.
Qui a jette son soing au Dieu treshault En s'oubliant pour sans cesser le voir, Sachez, amy, que rien ne lui default, Et qu'il ne peult nécessité avoir.
Dieu est sy bon, et ha sy grand povoir, Que ce Désert, où son Enfant veult mettre, A sceu sy bien de ses grâces pourvoir Qu'il est plus beau que Paradis terrestre.
En ce Désert, voyez l'arbre de Vie Ressuscitant Adam et tous les morts.
L'arbre duquel Eve eut sy grande envie N'est plus icy, il est chassé dehors.
Icy n'habite un seul terrestre corps, Le céleste homme par force a pris le lieu De ce terrestre, et par ses grans efforts Du grand Désert s'est planté au mylieu.
Joseph.
Puis qu'ainsi va, m'amye, que vous dites. Ce désert est beau comme un Paradis, Duquel Adam feut par ses démérites Chassé dehors honteusement jadis.
Marie,
Amy, croyez, je vous prie, à mes ditz : Adam pécha etfeit, par son péché.
Que luy et tous les siens furent mauditz; Car tout le genre humain en feut taché.
Las! il mangea de l'arbre de Science, Oubliant Dieu et son commandement.
Et si le feit contre sa conscience,
Car il ne f eut deceii aucunement :
Dont il ne peut parvenir nullement
A ce bel arbre, à la vie toucher ;
Ilfeut chassé par l'Ange en tout tourment,
Sans en povoir jamais plus approcher.
Le lieu plaisant feut tourné en Désert. L'homme en honneur feut semblable à la beste, La mort survint, que le péché dessert, Qui à tuer tous les vivans est preste. Enfer leva à cesf heure là sa creste., Le ciel feut cloz, le grand Serpent régna; Mais Dieu puissant, pour luy rompre la teste, Ce grand Désert de son F Hz estrena.
Or est ce Filz plus vertueux et grand Qu'Adam n' estait petit et vicieux :
L'un tout péché, l'autre tout bien apprend; L'un est de terre, et l'autre vient des Cieux, Qui ce Désert rend plus délicieux, Et plus parfait qu'Adam par son péché Ne rendit laid son Jardin précieux.
Pour estre trop de sa femme empesché.
Joseph.
Or voy je bien qu'il ne fault point douter Que nous n'ayons povoir par cest Enfant Du fruit de Vie approcher et gouster,
En délaissant l'arbre que Dieu défend y Qui fait le cœur devenir Eléphant Par un orgueil de science trop vaine.
Mais le Petit du Grand est triuinphant S' humiliant à rien, à mort et peine.
Ce lieu qui feuî plein de stérilité Par le péché de ce vieux Premier Homme, Est maintenant plein de fertilité Par le Nouveau, qui Jésus Christ se nomme. C'est le Sauveur qui sur luy prend la somme De tous péchez, qu'il porte et qu'il efface : Qui en la Croix prendra un sy doux somme Que tous Esluz dormiront en sa grâce.
Joseph.
Povres Pécheurs, desnuez de vertus, Qui ressemblez un Désert tout destruit, Si vous voulez estre bien revestuz De la vertu, et porter' fleur et fruit. Quand vous oyrez de la Parole bruit Du Filz de Dieu, où l'on se doit fier, Que chacun soit de l'embrasser instruit, Car par luy seul pore: fructifier.
Marie.
Voyez, amy, comme le Dieu tresbon Non seulement de vivres m'a munie, Mais de ces trois Livres m'a fait le don, Me consolant de ccste compaignie.
Lire y povez, nully ne le vous nye ; Etseure suis que cest esprit divin Vous en fera entendre l'harmonie.
Dont vous serez à l'aymer plus enclin.
Joseph.
En ce premier voy de telles merveilles, Que le sçavoir je n'en puis supporter, Car un seul Dieu en choses nompareilles Je voy vivant, qui tout veult supporter, Semer, nourrir, conserver, conforter; Mais le plus c'est de voir ceste unité. Qui en soy peult son ouvrage porter, Esire couvert soubz la pluralité.
L'extérieur est sy tresvariable.
Que Vœil charnel, voyant ce qu'il peult voir, Trouve que l'un à Vaulire n'est semblable. Dieu l'a créé par son divin povoir.
Tout différent l'a monstre son sçavoir; Mais soubz ces corps differens en grand nombre
2î8 DU DESERT.
L'œil de la Foy un seul y voit mouvoir, Sans s^arrestcr au dehors ny à l'ombre.
Marie.
Aniy, un seul en tous est adorable, Car luy tout seul est la vie de tous; Beste n^y a, soit mute ou raisonnable, Dont Dieu ne soit son Estre, entendez vous? Mais il s'est tant à l'homme monstre doux, Que dens sa chair a voulu habiter, Pour tirer hault ce qui estait dessoubz, Et lui faisant le hault ciel hériter.
Joseph.
Ce Livre icy bien à cler nous descœuvre Comme Dieu eust de Nature pitié, Et comme en tous par sa bonté il œuvre, Monslrant l'effect de sa grande amitié.
Et comme, après avoir bien chastié Eve et Adam et tous ceux de sa race.
Leur a donné non point une nwiiié, Mais par son Fitz entière et pleine grâce.
Je voy icy que tous ceux qui Pont creu, Voire et receu par foy vive sans feinte. Il a leur bien et leur honneur accreu, Et fait gaigner bataille et gloire mainte,
Pour acquérir la terre bonne et sainte, Où maints travaux par Foy ont soustenuz ; Mais à la fin, mettant en fuyte et crainte Leurs ennemis, ils y sont parvenuz.
Marie.
Aussi, Joseph, le peuple qui croira Le doux parler de. Dieu qui point ne ment, Ce qu'il a creu et désiré verra, Qui ne sera sans grand empeschement.
Car du costé sencstre, mort, tourment.
Douleur, soucy, lui donront desespoir :
Plaisirs, honneurs et biens trop doucement A dextre auront de Vempescher povoir.
Mais qui aura Foy de ceste promesse Et grand désir d'acquérir ceste terre, Victoire aura sur toute la finesse Des ennemis et de leur forte guerre.
La vive Foy comme foudre ou tonnere Ruinera toute infidélité ; Parquoy pourront des vrays vivans conquerre Terre et pais par grande humilité.
Joseph.
Las .' par sus tous ces Livres excellents Je prens plaisir à regarder ce tiers.
0 que les cœurs des hommes seront lents, Qui ne voudront le lire volontiers !
La Voye y est seure par tous sentiers, La Vérité j'y voy tresclere et nue, La Vie aussi en tous lieux et quartiers. 0 quel plaisir à mon cœur et ma veue !
Cheminer fault par sa voye et doctrine, Par où l'on va au divin et seur port. Recevoir fault sa douce discipline, De Vérité pins forte que le fort.
Prendre aussi fault contre l'horrible mort. Que chacun craint ceste vie immortelle ; Icy je voy mon salut, mon confort, La Loy de grâce y est spirituelle.
Marie.
Le temps sera long en ce Désert gitte. Car de Dieu fault Pheure et le jour attendre Que son Enfant appellera d'Egypte, Comme il nous a ce long chemin fait prendre 0 mon Enfant, Dieu t'a bien fait descendre, Pour le Pécheur cercher au centre bas, Afin qu'à luy en toy le puisses rendre En hault au ciel, las ! tu n'y faudras pas.
En attendant ce jour, nous passerons Joyeusement le temps à méditer Ces Livres cy, et ne nous lasserons
De contempler la terre où hériter Nous nous devons, et noz cœurs inciter A aymer Dieu, et le louer sans cesse; Qui par son Filz tel bienfait mériter, Que ne pouvait gaigner nostre faiblesse.
Joseph.
Long temps y a que sommes atlendans.
Mais avec vous ne m'a duré un jour.
Car je vous voy, et dehors et dedens, Le Livre escrit plein de Foy et d'amour Auprès de vous (où que soit le séjour), Sy content suis que le temps ne me dure. Donnons au corps le repos à son tour, Car la nuict vient qui le veiller n'endure.
Or reposons en nostre vray repos., Car hors de luy n'a repos ny sommeil.
Marie.
Vostre parole est bonne, mon Espoux; Mon Filz et moy croirons vostre conseil. Seigneur, qui es iousjours mon vray Soleil^ Auquel je sers, et moindre ne veux suyvre, Carde en tes mains ton Fils le nompareil. Et nous pour luy, qui en toy voulons vivre.
II 3i
L'Ange.
0 Joseph, Joseph, levé îoy, Ne crains plus Herodes le Roy, Prens le petit Filz et la Mère.
Va en la terre d' Israël, Ce que je te dit, l'Eternel Le mande à ceux dont il est Père.
Car ceux sont mortz, mis soubz la lame, Qui de l'Enfant cerchoycnt l'ame, Or va bien test sans craindre rien.
Joseph.
0 Bonté impossible à croire.
Qui de ton Filz as la mémoire, Aujourd'huy nous fais un grand bien.
Louenge et gloire je te donne.
Qui tes Esluz point n'abandonne, Mais après travail et tourment; ^Lequel avecques eux ta portes) Leur viens de grâce ouvrir les portes, En leur donnant contentement.
M'amye, allons; car Dieu nous aduertit De desloger, c'est luy qui conuerîit Ce long exil en retour tresheureux.
Marie.
Soit près ou lo'mg tousjours en liiy suis seure, Il est partout ma terre et ma demeure : Qui croit en luy, n'ha point le cœur peureux.
Joseph.
Or commençons à ce joyeux matin Nostre retour^ et tresheureux chemin; Du demeurant, fors de l'Enfant, me charge.
Marie.
C'est le thrcsor que je ne puys laisser, En l'embrassant, je me sens embrasser, Et soustenir de luy qui est ma charge.
Joseph.
Dans le pais d'Israël nous marchons.
Je voy un homme, il fault que nous cerclions Quelle nouvelle on peult de luy entendre.
Marie.
En Dieusçavons toutes bonnes nouvelles; Mais en ce Monde, amy ne sont pas telles, Pourquoy pavez de luy quelqu'une apprendre.
Joseph.
Dieu qui a fait ce Monde grand et beau Vous gard, amy : que dit on de nouveau? Qjiel bruit court il, qui règne en ceste part?
L'Homme.
Archelaus, lefilz de ce vipère, Règne sur nous en lieu de son feu père; Mais cestuy cy sera un fin renard.
Joseph.
M'amye, il fault icy nous arrester, Et nostre cas en ce lieu apprester Pour y dormir, car le jour quasi passe.
Marie.
En demeurant ou allant reposons, Mais il est bon que nostre Enfant posons, Lequel jamais de porter ne suis lasse.
Joseph.
Crainte me prend de vous avoir guidée, En ce pais, puis que Herode en Judée
Au lieu du père est maintenant régnant. Las! mon cœur est aussi froid comme marbre, Car c^est le fruit du plus dangereux arbre Qui onccjues feut la couronne tenant.
Marie.
Fussent les Roys à mille millions, Celuy qui clost la bouche aux fiers Lions Leur estera en un moment leur force ; Mais s'il luy plaist que pour luy nous souffrons, Cœur et racine à ce grand Dieu offrons. Sans espargner fleur, fruit, branche ou escorce. Mais au danger ne se fault exposer, Pourquoy vault mieux en ces lieux reposer, Car Dieu pour nous sçaura tresbien veiller.
Joseph.
En ta parole et seureté m'endors, Par qui mes sens revenus sont sy forts Que je n'ay plus de peur à sommeiller.
L'Ange.
loseph, qui en ce lieu prens somme, D'entendre à mon parler te somme; Metz hors de toy et crainte et peur, Divinement je t'admonneste,
De retirer la Dame honneste, Et son Enfant le vray Sauveur, Es parties que Dieu ordonne De Galilée, où il leur donne Lieu de demeurer pour un temps, En Nazareth povre cité.
Là où n'auront nécessité Qui les garde d'estre contents ; A fin que le dict du Prophète Soit accomply, qu'est manifeste, Disant de ce F Hz tant de bien, Et qu'un jour appelle serait (Pource que tous Saintz passerait) Vray et parfait Nazarien.
Joseph.
0 Dame eslue pour mère et pour amye, Il n'est plus temps que soyez endormie. Car le hault Dieu m'a envoyé son Ange En mon dormant, dont je luy rends louenge^ A fin que peur et crainte n'eussions mye.
En Nazareth veult que nous demeurons Pour quelque temps, et autant y serons Qu'il luy plaira; car, m'amye^ eneffect Son bon vouloir est et doit estre fait. En le servant nostre temps passerons.
Marie.
0 Nazareth! ô cité fleurissante, Que tu reçois une grâce excellente, Donnant le Nom à la fleur fleurissant, Et que de toy la fleur on voye yssant, Sans séparer sa racine puissante!
0 Filz de Dieu séparé et saint homme, Celuy qui vray Nazaricn te nomme N'a point menty, car tu es séparé De tous péchés, et de vertus paré, Dont es sy plein que nul n'en sçait la somme. Louenge en soit au Seigneur redoublée, Qui ha mercy de la terre troublée; Louenge à toy qui au Père obeïs, Louez soyez par qui en tous pais Je suis d'amour et de grâce comblée.
Dieu.
J'ay appelle d'Egypte et dehors mis Mon cher Enfant, comme j'apois promis ; En Nazareth pour quelque temps sera.
Dens le Désert secours luy ay transmis, Et mis à mort ses plus grans ennemis, Dont ma bonté chacun confessera :
Car jusqu^au temps qu'à moy il passera Par une mort, de mort victorieuse, Le garderay, car il exaucera Par tout mon Nom de sa voix vertueuse; Monstrant que n'ay le Monde délaissé, J'ay fait saillir la verge de Jessé, Haulte en vertu sans avoir son semblable, Puis je me suis par amour abaissé.
Ainsi que doit un amoureux pressé.
De ceste verge à tous tant agréable Ay fait saillir par façon admirable La fleur sur qui repose sans partir Mon saint Esprit, c'est la fleur amiable. Et qui la sent peult ma douceur sentir.
Nazarien fleurissant et la fleur Est mon Enfant, duquel la douce odeur A rappaisé contre l'homme mon ire.
Qui le peult croire et goutter sa senteur. Il changera crainte, tristesse et peur En tout plaisir, remply d'immortel rire. Ceste senteur fait porter tout martyre, Car qui la sent n'est jamais périssant; Le cœur dévot qui l'ayme et la désire, Fust il désert, il sera florissant.
0 doux Esprits, si jamais me compleustes Et désirants de m' obéir vous feustes, Soyez joyeux; prenez vos instruments,
Harpes et Lucz, Orgues, Cymbales, Fluttes, Et racomptez comme charge vous eustes De rendre doux tous les quatre Eléments ; Tigres, Lions, Serpens doux et cléments. Et le Désert feistes fructifier.
Sans que mon Filz eust faulte d^ aliments. Chantez qu'il fait bon en moy se fier.
Le Premier Ange.
// serait bi<n serviteur trop meschant Qui maintenant espargneroit son chant Pour hault louer tes bontés et tes dons.
Le H. Ange.
Nully de nous n'a garde de se feindre; Combien, Seigneur, que ne povons atteindre D'assez louer toy Dieu, le bon des bons.
Le IH. Ange.
Ta grand' vertu en nous hault te louera, Et ta bonté la louenge advouera.
Puis que tu es dedens nous ta louenge.
Le IIII. Ange.
Puis qu'il te plaisî de te louer par nous, Nous chanterons en tous lieux devant tous Ta gloire et loz, chacun de nous s'y renge.
Le V, Ange.
Ciel, Terre et M er sont tousplcins deta gloire^ Mais il en fault refreschir la mémoire Incessamment, par voix continuelle.
Le VL Ange.
De tous les biens qu'à l'Ange aussi à l'homme As fait. Seigneur, dont nul ne sçait la somme, Louenge à toy en soit continuelle.
Sur Tous ensemble.
le chant :
Pourtant
que je suis Chantons tous la congnoissance
homme. Qu'avons de l'affection
De Dieu, qui en abondance Monstre sa dilection.
Son Filz il donne à la terre Pour faire la terre Dieu :
Par sa Mort fine la guerre, Et donne paix en tout lieu
A ceux qui ont asseurance Que par son Election Auront de luy jouyssance Sur le hault mont de Zion.
;^er6«t"
T. I, Introduction, pages xxvj, liv, xciij, xcviij. — Auxindications données là sur divers emblèmes ou devises dans le goût de l'époque, il n'est pas inutile de joindre celle-ci, au sujet de la reine Éléonore ou Aliénor d'Autriche, sœur de Charles- Quint et femme de François i*"''. C'est un passage de L'entrée de la Royne faicte en l'antique et noble cité de Lyon, l'an mil cinq cens trente et troys, le xxij de may. — Jehan Crespin. (Titre gothique et vignettes). Il y est question d'une inscription portant :
La Royne Alienor.
Car A. lie en or es auec France,
Aussi ton nom se dict Alienor.
Suit l'indication des emblèmes du roi et de la reine : pour François I*"", la fameuse salamandre; pour la reine, Y autruche symbolisant {'Autriche.
« Et premièrement estoient en divers lieux une Salamandre., d'ung costé de la rue, et de l'aultre une Aultruche. »
On peut voir, t. IV de notre édition des Marguerites, p. i6j (texte) et p. 289 (notes), l'emploi du mot autruche dans un sens allégorique dont l'emblème historique ci-dessus décrit donne la clef.
Ibid., p. xcvj. — Le Robert Hayus ou de La Haye, auteur du quatrain extrait du Tombeau de la reine de Navarre, est sans doute le même que Joachim du Bellay, dans une des pièces.
de vers jointes à sa Monomachie de David et de Goliath, appelle du nom d'amy, et qu'il vante pour son Sybilet,
Dont le docte artifice Nous rechante si bien Du Roy Mycénien Le triste sacrifice.
Cette pièce est adressée « Au Seigneur Rob. De la haye, pour estrene ». Une autre porte ce titre : « Estrene à D. M. De la haye. » Une pièce du même recueil, intitulée : Les Deux Marguerites, exalte justement avec Marguerite de France sa tante Marguerite d'Angoulême, louée par le Rob. de La Haye cité dans notre Introduction.
T. II, p. j. Rimes à noter : chose, espouse, s'expouse. Sur la prononciation de chose comme chouse, v. t. IV, p. 294, Remarques diverses.
P. i3. « Par un seul commander ». Voir la note du t. IV, p. 295, sur d'autres infinitifs pris substantivement.
P. 2}, etc. BERGERIE.
