DE L AGNEAU

Qui feut jadis en style prophétique, Soubz telle forme escrite et autentique : 0 Mort, ta mort je seray quand ton mors Mettras sur moy pour me compter des morts.

Toy, Cœur humain, au nom de ton aymant. Grave dens toy comme en dur diamant Comment la Mort par la Mort est férue, Et que par Christ la vie t'est rendue. Par Christ mourant la sentence est esteinte De dure Loy, et la playe restreinte Du viel Péché; le tribut est cessé Du grand tyrant, et son règne abbaissé. Fille Zion, chante la parabole.

Chante treshault le sonnet et le rolle, Comment se fait que le joug tant pénible De l'exacteur et le servage horrible Soit tout soudain comme mort expiré.

Bénis celuy qui t'en a retiré ; Beneis l'Agneau par qui tes ferremens.

Tes durs liens, tes emprisonnemens, Sont tous brisez. Zion, libère et franche, Esjouys toy, porte la noble branche.

Le beau rameau de la palme honorée, Donnant à Christ louenge décorée.

Ayant ainsi tout d'un coup renversé Noz ennemis, et tout oultre percé, Ce grand Vainqueur d'un parler eleganî

A raisonné, devant tout aile gant De son conseil la Parole éternelle, Et d'un légat la manière nouvelle.

Premièrement à la Mort s^addressa, Puis tel propos envers elle dressa.

« Mort, des humains la peste capitale, Qui as voulu par une reigle égale Tous les mortelz profonder aux paluz Des noirs enfers, contre toy sont concludz Nouveaux decretz , tant qu'iceux trespasser Tu ne pourras : par là te fauli passer. Or entens donc le point que te commande : Entens le mot que mon Père te mande : Quand tu viendras appeller mes Esluz, Qui sont en moy tous escritz et reluz, Pour leur monstrer et présenter ta face, Je te defens que n'uses de menace.

Quand tu viendras à eux te présenter, Ne les viens point de des espoir tenter; Ne leur fais pas lamentable ouverture.

Pour présumer leur malheur ou torture.

Je te defens par edict autentique Que de l'Enfer une seule réplique.

Un seul soucy, penser ou souvenir, Scrupule ou peur ne leur face venir :

Pas ne convient qu'ilz soient de ce paoureux, Car d'Enfer point réservé n'a pour eux.

DE l'agneau. 2}

A mes Esluz ne bailleras la geine.

Ne les tourmens, ne la severe peine.

Comme ont tous ceux qui décèdent sans Foy; Car leur salut et seurté prens sur moy. Plus ne viendras pour leur mettre en avant L'ire de Dieu, comme as fait par avant; Plus ne viendras de dueil noire et blesmie, Mais leur seras une courtoyse amye, L'accès, l'apport, la douce messagère De mes amours ; et comme ma portière Leur ouvriras benignement mon huys, Disant : Voicy la fin de vos ennuys.

Venez Esluz (leur diras), sans esmoy, Venez soudain, acourez tous à moy.

Tu porteras un geste sy joyeux Qu'ilz seront tous de te voir envieux; Et leur seras tant gracieuse et belle Qu'en te voyant, sans frayeur ne querelle, D'un franc désir cer cher ont t' embrasser, A fin qu'en toy se puissent délasser.

Tu essuyras les larmes de leurs yeux, Et leur diras qu'onques ne furent mieux. Bref, toy qui f eut leur malédiction.

Seras muée en bénédiction.

Et quand auras assez servy de port A mes amis {sans te faire nul tort).

Mort, tu mourras d'une mort éternelle.

Tant que de toy ne sera plus nouvelle. »

Apres ces ditz, au Péché se tourna, Et puis ainsi sa bouche d'or tonna :

<( Monstre nourry en l'obscure sentine, Au bas bourbier et puante latrine, Yssu du fondz du confusible gouffre, Noir, ténébreux, plus puant que n'est soulphre, Produit et né des monstres serpentins, Puis allaité des pestilens tetins Du viel Dragon., vigilant, tortueux; Entrer tu sceuz au lieu voluptueux.

Pour encharner en la povre nature Du Serf Adam ta venimeuse ordure.

Tu ras bien sceu, comme chancre rongeant, Au Coeur toucher, jusqu'aux os le mangeant. Tant que sa chair, sa force et volonté Par toy decheut de sa nayve bonté :

Pensant en ce que parviendrais au but D'avoir îousjours de ses œuvres tribut ; Dont chair et sang des hommes aggravez Furent par toy poluz et dépravez.

« Or maintenant tu verras de combien Plus grand que toy de ma grâce est le bien : Si ceste chair de ta peste redonde, Infiniment ma grâce plus abonde.

Situ as fait le comble surmonter De tes poisons, et jusqu'au Ciel monter,

DE l'agneau. .25

J\}y Terre et Ciel de ma pitié remply, Ayant le vueil de mon Pereacomply.

Pourtant seras comme rien réputé, Sans estre plus auxEsluz imputé.

Comme un bien peu d'amertume et de fiel Ne monte rien en un tonneau de miel.

Ainsi seras en l'abysme fondu De ma douceur, et ton mal confondu.

Si le ruysseau contre la Mer n'est rien, Trop moins tu es contre le povoir mien. Par toy la Chair est rebelle et contraire^ Etveult selon Concupiscence faire :

Donc son Esprit désormais cessera.

Le vieil Adam plus maistre ne sera ; Nous lui faisons un Sabbath à tousjours Pour reposer et faire ses séjours; Mais en son lieu tandis besongnera Le mien Esprit et pour lui soingnera.

Et ce pendant comme au lict de ta mort, Dedens la Chair, où tu t'es mis à tort , Par ma vertu enchaîné, languiras, Et, languissant, sans force vieilliras.

Un temps tu peux en la chair habiter De mes Esluz; mais pour te limiter Un terme dit, celle mort qu'engendras Sera par qui definemenf prendras. »

Estant finy ce grave parlement..

Vint à la Loy proposer pleinement

Qjic nonobstant que mise fust d'enhaulî,

Sy failloit il qu'elle vinst en default.

«■ Loy, je congnois, lui dist il, que du style

Du Père mien feut faite la postille

De ce qui est en ta lettre compris ;

Mais dessoubz toy leur couverture ont pris

Mort et Péché, sy que ne fut jamais

Desfllz d'Adam, ne sera désormais

Homme vivant qui sceust par toy venir

A la Justice ou parfait devenir :

Dont suis venu pour ton faix abroger^

Car tu ne peux au vouloir déroger

Du Dieu de paix et d'éternelle grâce.

Tu ne peux pas faire bannir la race

De ceux qui sont au grand heur appeliez

DesFilz de Dieu, combien qu'ilz soient mcslez,

Confitz, trempez au sang contagieux

Du vieil Adam : car le religieux

Signe de Dieu, aux vieux Pères donné,

Feut avant toy plusieurs ans ordonné.

Tu feuz jadis mise par testament,

Non pas ainsi que sans definement

Deusses durer, car rimbecillité

Du veil Adam ainsi débilité

Monstroit assez que ton appointement

Ne donnoit pas au cœur contentement.

DE l'agneau. 27

En promettant, tousjours tu as un Si ; Mais le povoir de l'homme est sy transy , Qu'à dire vray plustost sentir luy fais Le sien péché, voire aggraver son faix, Qjie luy donner quelque léger moyen Pour le jetter dehors de son lien.

A cause donc qu'engendres tel servage, Et que sur toy espoir l'humain courage Prendre ne peult, à présent je metz sus Un testament éternel de là sus, Qiii s'estendra jusqu'aux derniers anglett Des régions et peuples tous seuletz :

De rOrient touchera jusqu'au ternie De l'Occident, Isles et terre ferme.

Tant que par tout sera congnu mon nom, Par tout aura mon Testament renom.

Et quant et quant pour le parfaire stable, Perpétuel et tousjours immuable, Moy testateur par ma mort le conferme : Jurant par moy Eternel, je l'afferme; Ainsi sera par mort et par serment Fait stable et fort le Nouveau Testament. Nouveau je dy, tout autre que le Vieux, Qui fut donné à Moïse des deux ; Car iceluy par toy la Loy queroit A mort l'humain, tantost qu'il pecheroit. Ains ce nouveau Concordat que je metz

Est par lequel la.coulpe je remette Le consacrant en mon sang précieux :

Donc cesseras pour faire place à mieux. Ce que je dy nest posé sans raison, Car est venu le temps et la saison Que mon esprit franchement poulsera Le cœur humain, et bien l'addressera, Sans que besoing luy soit d'un pédagogue Comme tu es, ou d'une synagogue. »

Après avoir tous ces propos finiz, Aux Rachetez ses grans biens infiniz Il déclara mot à mot, par parcelle^ En leur disant : « Mon Espouse et ancelle, Ma mieux aymée, ô ma tr esc hère Espouse, Voicy le temps qu'il fault que vous espouse ; Voicy le temps, gratieuse Colombe, Où tout florist, quand le froid hyver tombe ; Voicy le temps que jouyray de vous, Et vous de moy; tant qu'ensemble nous tous Un corps ferons. 0 belle Sulamithe, Escoutez moy, que ma Parole habite En vostre ouyr; que mon esprit ressorte Jusqu'au profond de vostre cœur ; en sorte Que d'un baiser nous n'ayons qu'une haleine. Escoutez moy, car ma bouche est tant pleine De doux parler! Escoutez que je suis : Je suis celuy qui vostre bien poursuis,

DE l'agneau. 29

Vostre saluî, rostre justice et paix, Qui vostre cœur de toute grâce paist.

Je suis celuy qui vous viens révéler ?4on doux esprit, pour tout renouveler.

Si vous estiez le temps passé jadis Estrange et loing de ce beau Paradis, Par moy serez en ce saint lieu remise, Car près de moy place vous est promise. Si vous estiez souillée de Fordure Ou infectée en l'antique ladrenre, fay de mon sang un lavoir préparé, Dens quoy sera vostre corps reparé.

Puis vous feray de mes biens telle part Qu'ainsi que l'eau de sa source s'espart, Ainsi seront eslargis mes thresors Tresamplemenî sur vous et mes consorts.

Comme jadis du noble chef d'Aaron Le riche unguent couloit à l'environ.

Si que le bord et la brave bordure, La frange aussi et toute sa vesture, Estaient trempez de la sainte liqueur : Ainsi serez, ô le gré de mon cœur, Ainsi serez de ma grâce sy pleine.

Qu'en vous n'aura ouverture ne veine Là où l'odeur de mon esprit n'abonde, Et qui ne soit de mon sang nette et munde. Ainsi prendrez de mes larges torrents

30 LETRIOMPHE

Grâce pour grâce; et quand viendra aux rengs

De confesser dont vient vostre innocence,

Justice et paix, en pure conscience

Lors vous direz que non par voz bienfaitz.

Par œuvre ou ditz, ne par biens qu'ayez faitz.

Mais que par moy vostre justice vient

De vive Foy, laquelle pas n'advient

Par volonté, par choix, ou par plaisir

De Chair ou sang; car, avant que loisir

Soit d'y penser, comme un don du Treshault

Elle descend à cil à qui n'en chault.

Ce bien vous vient seulement de mon gré ;

Outre, n'y a eschelle ny degré

Pour parvenir au repoz éternel.

Ne pour avoir quelque bien paternel.

Fors par moy seul. Ainsi de moy tiendrez

Vostre salut. Et puis, quand vous viendrez

A bien peser l'Escriture et la Loy,

Vous congnoistrez qu'en nul autre qu'en moy

Jamais ne doit vostre espoir reposer.

Et s'il advient qu'on vueille supposer,

Bastir, jetter quelque autre fondement,

Soit hault ou bas, vous direz promptement

Que sur moy seul peult durer l'édifice

Du temple saint, et que d'autre artifice

Point ne voulez. En outre, je vous dis,

Espouse cherc et noble, que tandis

DE l'agneau. JI

Qji'icy serez en ce monde pervers, Vos ennemys par supplices divers Vous assaudront en telle cruauté, Qu'ilz rougiront vostre teinct et beauté De vostre sang coulant à grans ruisseaux, Et forgeront tortures à monceaux, Mille tourmens pour emplir leur courage FA mettre à chef leur felonnie et rage. Les uns feront en la flambe rostir, Et par charbons de ce monde partir ; ' Prenans plaisir à dresser de telz jeuz, Et repaissans de telz actes leurs yeux. Cordes, liens, chaisnes, seps et cousteaux, Escorchement, desrompement, posteaux, Roues, tourmens, Chevaux, Lions, Serpens, La terre et l'eau, les flambes et les vents, Rien n'y aura de ce que le Ciel cœuvre Que tout ne soit contre vous mis en œuvre. Bref, Hz feront mille petis enfers.

Où tant de maux seront par vous soufferts, Jusques à tant qu'à moy ressemblerez, Et qu'à ma chair semblable vous serez.

Mais rien pourtant ne doit vostre asseurance Faire fléchir, car après telle outrance, Bien tost viendrez en mon Palais royal, Là où. sçaurez combien je suis loyal.

Et quand auront les hommes bien maudit

Vous comme moy, et d'entr'eux interdit, Forgeant des maux contre vous à milliers, Heureuse vous et tous voz familiers, Heureuse vous, car par la vostre croix Vaincrez les bras des primats et des Roys, Puis entrerez par elle en la cite Où l'on ne sent aucune adversité. »

Après avoir ce parlement finy Ce saint Sauveur, et tout bien diffiny, Splendidement illustré de l'enseigne De sa vertu, comme la Lettre enseigne.

Se prépara en estât solennel Pour triompher d'un honneur éternel.

Le Ciel feut lors de liesse esjouy, La terre aussi tantost qu'elle eut ouy Qu'on mettait sus un règne, qui seroit De grâce et paix, où l'Agneau regneroit; L'Agneau, qui seul nous a sceu deseeller Le livre cloz, et les ditz demesler Des grans secrets et divins sacrements, Qui n'estoient cheuz aux humains pensemens.

Ce doux Agneau, ce Rédempteur, ce Roy, Portoit au chef un diadème, en quoy Estaient escritz trais filtres singuliers En lettres d'or, à luy particuliers.

Par l'un se dit Médiateur tresdoux , Par le second, le Grand Prestre pour nous,