Nativité de la Vierge, 8 septembre
Item, à lafeste saint Denis ^, l'église est encourtinée en hault et en bas en la manière de Pasques, et ce appelle l'en grant encourtinure.
Et en tout l'an n'a plus de grans encourtinures que à la Pasques et à la Penthecouste, à la my aoust, à la septembre et à la saint Denis devant nommez.
Item, à la saint Marcel en yver^, le cuer est encourtiné des petis draps sanz les apostres, et ce appelle l'en le petit encourtinement.
Item, à la feste des Reliques en yver^, le cuer est encourtiné des petits dras sanz les apostres, et ce appelle l'en petite encourtinure.
Et en tout l'on n'a plus de petites encourtinures fors que à la feste de la croix en aoust et la saint Marcel en esté et la saint Marcel en yver et la feste des Reliques en yver devant nommez.
Item, à la feste de la Goncepcion Nostre Dame en yver-*, le cuer est encourtiné et la nef du moustier dehors le cuer, des mendres draps sanz les apostres, et ce appelle l'en la moienne encourtinure après la grant de Pasques.
Item, à Noël, le cuer est encourtiné et la nef du moustier dehors le cuer de petiz draps sanz les apostres, et ce appelle l'en la moyenne encourtinure après la grant encourtinure de Pasques.
Item, à la Chandeleur^ le cuer est encourtiné et la nef du moustier dehors le cueur, des petis dras sanz les apostres, et ce appelle l'en la moyenne encourtineure après la grant encourtineure de Pasques, et ce sont les m greigneurs encourtineures après la grant encourtineure de Pasques que à la Goncepcion Nostre Dame, à Noël et à la Chandeleur, ne plus ne n'y a en tout l'an de grandes ne de petites ne de moiennes encourtineures.
Le chevecier paye les vu encourtinemens greigneurs, pour chacun II 1. et demie de cire, et l'evesque Regnaut laissa viii s. en son testament pour la sonnerie et pour l'encourtinure de la Goncepcion Nostre Dame, et les paie cellui qui paie et départ l'argent des doubles et des demi doubles en l'église; et le maistre de l'œuvre paie la petite encourtineure des Reliques, et le chamberier clerc de chappitre, ou le maistre de l'euvre devant nommé, doivent paier la petite encourtinure de la feste de la croix en aoust et celle de la feste saint Marcel en esté et celle de la feste saint Marcel en yver.
C'est ce que les marregliers laiz ont accoustumé à faire en l'église
