février

OU à faire faire sanz la sonnerie et les encourtinemens, de quoy il fait mencion ailleurs :

Premièrement les marregliers laiz aident au maistre de l'euvre à mettre et à oster les brayes au crucifix le premier dimenche de caresme.

Item, il pendent le drap devant le sépulcre le premier dimenche de caresme, et ostent le vendredi aouré^

Item, ilz pendent le drap devant les Reliques le premier dimenche de caresme et ostent le jour de croix aourée.

Item, ilz mettent le drap pour le sermon toutes les foiz qu'il y doit estre et ostent.

Item, ilz mettent les draps devant l'autel et devant l'aigle du cuer et devant le doyen et chantre et dessus la fourme ou cueur et ostent toutes les foiz que l'en les y met et oste.

Item, ilz pendent les hors en cuer qui vont dessus les sièges derrières les chanoines la veille de Pasques, ou avant se mestier est, et ostent le premier dimenche de caresme, et si les rependent à la feste Nostre Dame en mars 2 et les ostent lendemain de la feste se elle est en caresme.

Item, il tendent la courtine, le premier dimenche de caresme, qui est entre le cuer et l'autel tant que le caresme dure, et destendent en la manière qu'il est acoustumé et ainsi comme il s'ensuit :

Premièrement, le dimenche au soir la courtine est tendue et tirée et demeure tendue jusques à lendemain à l'eure que l'en commence tierce de Nostre Dame, et lors la destent l'en et demeure destendue jusques à tant que la messe de Requiem soit dicte, et lors la retent l'en arrière, et demeure tendue jusques à l'eure que l'en commence midy de Nostre Dame, et lors la retire l'en et demeure destendue jusques à tant que la procession soit revenue et jusques à l'eure que l'en commence nonne, et lors la retent l'en et demeure tendue jusques à l'eure que l'en commence nonne de Nostre Dame, et lors la retire l'en et demeure destendue jusques à tant que la grant messe soit chantée, et lors la retent l'en et demeure tendue jusques à lendemain à l'eure que l'en commence midi de Nostre Dame, et lors la retire l'en et demeure destendue jusqu'à l'eure que l'en commence nonne du jour après la messe de Requiem, et lors la retent l'en et demeure tendue jusque à l'eure que l'en commence nonne de Nostre Dame, et lors la retire l'en et demeure destendue jusques après la grant messe, et lors la retire [sic, corr. retent] l'en et demeure tendue jusques à lendemain à l'heure que l'en commence tierce de Nostre Dame, et de celle heure en avant l'en tent et destent la cour-