Annonciation, 25 mars

tine qui est entre le cuer et l'autel, tant comme caresme dure, en la fourme et en la manière qu'il est devant dit, excepté les festes de double et de demi double et de feste de ix leçons que elle demeure destendue jusques à tant que la procession soit revenue jusques à l'eure que l'en commence nonne [de] Nostre Dame, la veille des festes devant nommées jusques au soir, le jour de la feste à l'eure que on appelle les lampes du cuer, et lors la retent l'en et demeure tendue jusques à lendemain à l'eure de tierce [de] Nostre Dame quant il y a procession, et quant il n'y a procession jusques à l'heure que l'en commence midi de Nostre Dame, et tous les samedis de caresme la courtine demeure destendue dès que re[n] commence nonne [de] Notre Dame jusques au dimenche au soir que l'en alume les lampes du cuer, et lors la retent l'en arrière et demeure tendue jusques à lendemain à l'eure et en la manière qu'il est devant dit.

Item, les iiii marregliers laiz ont acoustumé à estre toujours 11 en sepmaine, l'un en hault et l'autre embas, et avoir 11 variés en l'église, l'un clerc et l'autre lay, qui facent le service pour eulz qu'il doivent faire en ladite église, le clerc embas, pour sonner et pour appeller des petis sains du clocher toutes les heures de l'église si comme il est acoustumé, et qui alume et estaingne la penne où l'en met les cierges et le luminaire l'evesque, entre le cuer et l'autel, et le grant cierge de Pasques et de la Penthecouste et les ix grans cierges de la Chandeleur et les ix pointes et le sierge de la feste de la croix en aoust, dont le remenant est aux marregliers laiz, la feste de la croix passée, et alumer toutes les lampes de l'église, et riens plus les marregliers ne doivent alumer en l'église ne faire alumer fors la penne et les cierges, les pointes et les lampes devant nommées, et si sert le clerc aval en nom de marreglier de mettre et d'oster les draps devant l'autel à la messe et de apporter le feu pour les messes et pour les ancenciers et de l'eau ou lavoir de revestiaire et ou lavoir du cuer emprès l'autel, en la manière qu'il est acoustumé, et si sert le clerc ou nom des marregliers d'estre tousjours en l'église et que on le truisse toutes les foiz que on ara afaire de ses maistres ne de lui et de garder le cuer quant mestier est, et especialement tous les samedis de l'an, et doit faire tout plain d'autres offices qui sont afaire aux marregliers comme d'edier à fremier [al. fermer] le moustier et à faire la cherche et à ouvrir à matines les deux huys devers le cloistre et apporter le sel aux dimenches en l'eurcel plain d'eaue ou cuer pour faire l'eaue benoite.

Et le varlet lay désert de faire sonner les gros sains et les petis de la tour en hault à toutes les heures du jour et de la nuit, si comme il est acoustumé en l'église, et de garder la tour et les sains, et de mettre les cordes et d'oster quant mestier est, et de prendre [al.

pendre] les batiaux des cloches, et d'oindre les sains, et de faire toutes les autres choses qui aux marregliers appartiennent à faire en la tour. Et si doit le varlet d'en hault fremer le moustier et aidier au clerc à faire la serche quant le moustier est fermé et à rendre les clefs quant la serche est faicte aux gaites du moustier si comme il est acoustumé; et si doit estre le clerc d'aval et le varlet de la tour une mesme chose et estre compaignons et amis et garder l'un l'autre; et si doit le varlet d'en hault faire les encourtinemens de l'église.

C'est comment les marregliers laiz ont acoustumé à estre et à servir en l'église de jour et de nuit si comme il s'ensuit :

Premièrement, l'un des marregliers qui est en sepmaine doit estre à la grant messe à l'autel et à l'uys du cuer aval, et l'autre marreglier qui est en sepmaine doit estre à l'uys d'amont de lez le doyen si comme il est acoustumé.

Item, les ii marregliers qui sont en sepmaine doivent estre à vespres à Puis du cuer, l'un amont et l'autre aval, en la manière devant dicte, et si comme il est acoustumé, et si doivent commander à l'evesque ou à son. penancier à commencier toutes les heures des jours si comme il est acoustumé.

Item, les ii marregliers qui sont en sepmaines doivent estre en la serche et aidier à faire fremier le moustier et gésir en l'église, l'un en hault et l'aultre embas si comme il est acoustumé.

Item, les ii marregliers qui sont en sepmaine doivent estre à toutes les processions de l'église, soient solempnelles, ou simples, et se l'en y porte chappes ou vestemens à chanter en coffre ou dehors coffre, les marregliers les font porter, et cellui qui départ l'argent de la procession, se argent y a départi, paie les porteurs et les marregliers lais autant comme le commun si comme il est acoustumé.

Item, les marregliers lais font rere et nestoier l'église m foiz l'an : premièrement, à Pasques, le moustier est rez et nectoyé et houcié le hault d'une perche, les alées d'en hault par où on l'en encourtine et la nef du moustier et la croix et entour le cuer et le revestouere et par toute l'église aval, excepté les chappelles si comme il est acoustumé.

Item, à la mi aoust, l'en ret et nectoie et housse en hault es alées et la nef du moustier aval et entour le cuer et le revestouere et par toute l'église, excepté les chappelles, en la manière que l'en ret, nectoie et housse à Pasques si comme il est acoustumé.

Item, à Noël l'en rest et nectoie la nef^ du moustier et la croix et entour le cuer et par toute l'église aval sanz housser ne en hault ne en bas, excepté les chappelles, si comme il est acoustumé, ne en