CHAPITRE XI

Comment le roy partit de Paris , et comme il prit congié au duc de Bourgongne^ et comme ledit duc le reconvoya.

Le roy Loys qut desiroit d'aller veoir sa mère, laquelle estoit à Amboise, là où il luy avoit mandé qu'elle rattendlt, le jour de devant son parlement de Paris, dit à aulcuns de gens , qu'il partiroit le lendemain, et que avant il voulloit dire adieu à son oncle le due de Bourgongne; pourquoy après qu'ils eut disné, il partist de son hostel des Tournelles pour venir à l'hostel d'Arthois, quy estoit l'hostel du duc, on vint dire au duc que le Roy venoit vers hjy ; le duc estoit assis à table et disnoit ; mais dés qu'il ouyt ce, il se leva de la table et alla allencontre du Roy à pied tout au long de la rue; et sytost qu'il rencontra le Roy, il se mit à genoulx et le salua.

Le Roy descendit de cheval, et ramena le duc jusques en son hostel , tous deulx à pieds , et quand ils furent entrés en l'hostel d'Arthois , (oyans touts ceulx qui y estoient) ,Loy8 remercia le duc des biens et de l'honneur qu'il luy avoit faits en luy disant qu'il scavoit que s'il n'y eut esté , il estoit possible que par avanture il ne fut pas en vie : plusieurs aultres parolles moult honorables il dit audit duc , puis après le congié prins , le Roy s'en retourna en son hostel aulx Tournelles.

Le lendemain vingt-quatrième jour de septembre , partist le Roy de Paris ; et combien qu'il euist pris congié du duc, toutesfois le duc le convoya hors ^e Paris bien loing , moult richement et honorablement accompaigné et son (ils aussy , et touts les seigneurs qui estoient avecque luy.

ooo