TIREURS D'ARMES

Blois, 2g Novembre -2 Décembre 16 55.

Autorisation d'exercice.

A Messieurs,

Messieurs les Conseillers', juges et magistratz au siège présidial de Blois, commissaires de la banlieue.

uplie humblement Dauid Burguere, tireur d'armes demeurant en cette ville, jl vous plaise le recepuoir etadmettie à exercer ledict art en ceste dicte ville et y tenir salle d'armes publicque pour Instruction de ceux qui voudront aprendre ledict art, offrant en cas que vous l'ordonniez faire encore espreuue de son expériance comme jl Ta desia fait en particulier a ceux qui sont desia establis en ceste dicte ville et au surplus y vivre et se conduire selon les règles d'jcelluy art. Et vous ferez justice.

Signé : Baignoux.

Et au basd'icelle : soit la présente requeste communiquée au procureur du Roy pour, ses conclusions veues, ordonner ce que de raison. A Bloys, le 29 novembre i65 5. De Reméon.

Veu la requeste et tout considéré,

Je consens, pour le Roy et monseigneur, ledict supliant estre reçu et admis à faire l'exercice de maistre tireur d'armes en ceste ville, pour enseigner en salles et maisons priuées en cette dicte ville, en prestant le serment de bien seruir au faict dudit art, et sans que ledict suppliant soit tenu de faire assaut et le nommé Le Blanc, ayant esgard à la déclaration que m'a faict ce jourd'huy ledict Le Blanc, qu'il ne le ferait point. Faict à Blois, le ier Décembre 1 65 5 .

Signé : Baudry.

Veu la requeste et conclusions du procureur du Roy et de S. A. R.,

Nous, ayant égard à la déclaration faite par Le Blanc, maistre tireur d'armes, demeurant en ceste ville, qu'il ne veut faire ny soustenir assaut avec le suppliant, avons permis audict suppliant de faire l'exercice de maistre tireur d'armes en cette dicte ville et fauxbourgs, et d'enseigner son art au public tant en salle ouuerte que dans les maisons priuées. Fait à Blois, le deuxiesme jour de décembre i655.

Signé : de Reméon, Hérisson.

(Registre de la Prévôté, f 346).

t^^^j^Ki^x^y^^^^*