MARÉCHAUX

^Blois, Février i5og (n. st.)

Statuts des Maréchaux

Ordonnances et Statuts du Mestier de Mareschal.

oys, par la grâce de Dieu roy de France, sçauoir faisons à tous présens et aduenir nous avoir reçeu l'humble supplications de nos chers et bien amez les maistres du mestier et exercice de mareschal en nostre ville et fauxbourgs de Bloys, contenant que, pour obuier aux faultes et abus qui se sont, par ce dauant, faictz audict mestier et exercice de mareschal, à la requeste desdictz suppliants, par nos officiers audict lieu, en la présence de nostre procureur et de son consentement, ont esté faictz certains statutz et ordonnances desquelz la teneur ensuict.

[i] Et premièrement, a esté statué et ordonné que les maistres dudict mestier de mareschal, qui sont pour de présent demourants en la ville et banlieue de Bloys et qui seront pour l'aduenir, seront tenuz faire leur ouurage, tant de ferteryeque grosserye, de bon fert loyal et marchand ; — et s'ilz sont trouuez faisant le contraire, l'ouurage qu'ilz auront faict

sera confisqué au roy nostre sire; et sera amandable le maistre, qu'il (sic) aura faict ou faict faire ledict ouurage en sa maison, de sept soîz six deniers tournoiz, à appliquer moictyé au roy nostre seigneur et l'aultre moictyé à la confrairye de monsieur sainct Eloy et aux maistres jurez par moictyé.

[2] Jtem, que lesdictz maistres dudict mestier de mareschal seront tenuz faire leur ouuraige, tant de ferterye que grosserye, bien et conuenabiement, sans vice ni fraulde, ou de bon fer conuenable, comme dict est, au dire des jurez qui les visitterons et sur les peynes dessusdictes à applicquer comme dessus.

[3] Jtem, et mesmement seront tenuz lesdictz maistres faire les ouuraiges et instruments esquelz y a testes pour emmancher en boys, comme marre, picz, tranches, socz, marteaux à massons et telz aultres instrumenta bons et conuenables et deuement assérez; et s'il y a aulcun derTault desdictz maistres et que lesdictz instruments faillent et rompent par lesdictes testes ou ailleurs et qu'ilz ne soyent bien assérez, lesdictz maistres seront tenus les réparer à leurs despens.

[4] Jtem, et aussy feront lesdictz maistres des bandes et cloudz pour ferrer les charoites, chariotz, tombereaux et brouettes, bien et conuenabiement et de bon fer, sur peyne de la réparer à leurs despens et de pareilles amendes à applicquer comme dessus. [5] Jtem, que aulcun desdictz maistres ne pourront vendre vieux ouurages pour neufs, jaçoit qu'jlz soyent réparez, mesmement fers à cheval et aultres bestes, sur peyne de cinq solz tournoiz d'amande à applicquer comme dessus.

[6] Jtem, que doresnauant aulcun ne se pourra entremettre dudict mestier de mareschal ne faire ouurage d'jcelluy mestier, soit de ferterye ou grosse-

rye, en ladicte ville et banlieue de Bloys, synon qu'il soit passé maistre mareschal, sur peyne de cinq, solz tournoiz d'amende à applicquer comme dessus.

[7) Jtem, que les maistres mareschaux ne se pourront entremettre du mestier d'œuure blanche, ne les maistres du mestier d'œuvre blanche eux entremettre du mestier de mareschal, mays besongneront chacun de leur mestier, c'est assauoir lesdicts maistres mareschaulx d'œuure noire et lesdictz maistres d'œuvre blanche œuure blanc, ainsi qu'ilz ont accoustumé faire de tout temps et par cy deuant, sans entreprendre l'vn sur l'autre, sus peyne de quinse solz tournoiz d'amende à applicquer comme dessus et de confiscation de leur ouurage touttes et quantes fojs qu'ils seront trouuez faisant le contraire.

[8] Jtem, que lesdictz maistres dudit mestier de mareschal auront chacun une marque de laquelle jlz marqueront les ouuraiges par eux faictz en leurs maisons, tant de ferterye que grosserye, et marqueront les fertz des cheuaulx et autres bestes du costé de deuers la terre en la pince, le tout sur peyne de cinq solz tournoiz d'amende à applicquer comme dessus.

[9] Jtem, et pour congnoistre et corriger les faultes ou abbuz, seront commis, par chacun an, par le préuost de Bloys, quatre desdictz maistres, c'est assauoir deux de la ferterye et deux de la grosserye, pour visitter lesdictz ouuraiges, lesquelz seront tenuz faire rapport desdictes malfassons et faultes qu'jlz trouueront en jceux ouuraiges, sur peyne de dix solz tournois d'amende à applicquer comme dessus.

| 10] Jtem, que aulcun ne pourrra leuer ouurouer dudict mestier de mareschal en ladicte ville ou

banlieue, synon qu'il soit passé maistre dudict mestier et qu'il aye faict et qu'il ayt payé les debuoirs donct cy après sera parlé.

[il] Jtem, que aulcun aprentif ne pourra estre passé maistre dudict mestier ny leuer son ouurouer en ladicte ville et banlieue, synon qu'il ayt servy l'vn des maistres dudict mestier par deux ans entiers.

[12] Jtem, que celluy qui se vouldra passer maistre en ladicte ville et banlieue, qui aura seruy apprenty audict mestier par ledict temps de deux ans, comme dict est, sera tenu faire son chefd'ceuure auant qu'il puisse estre passé maistre d'jcelluy en la manière qui ensuict.

[i3j Jtem, c'est assauoir, s'il veut estre passé maistre du mestier de ferterie seulement, sera tenu faire quatre fers au cheval qui luy sera monstre par les jurez et deux austres des maistres à ce présent, et, lesdicts fers faictz, ferrer ledict cheual bien et conuenablement, en la présence desdictz jurez et maistre comme dict est, et serrer les quatre veines d'vn cheual et lui sauoir bailler le feu.

[14] Jtem, et ceux qui se voudront passer maistres de grosserie seront tenus de faire vne marre large à vng soc, et s'il y a aucun qui se vueille faire passer maistre tant de ferterye que grosserie sera tenu de faire lesdictz deux chefs d'œuvfes, le tout en la présence desdictz jurez et de deux maistres.

|i5| Jtem, que celui qui se vouldra faire passer maistre dudict mestier, et qui sera trouué suffisant par lesdictz jurez et maîtres, sera tenu payer vingt solz tournoiz au roy nostre sire, pareille somme de vingt solz tournoiz ausdictz maistres jurez et vingt solz tournoiz à ladicte confrairie ; et sera présenté ledict maistre nouveau au préuost de Bloys, qui lui fera faire le serment en tel cas accoustumé.

[16 1 Jtem, que filz de maistre, qui auront

demouré en la maison de leur père ou d'autre maistre en ladicte banlieue par l'espace de deux ans, comme dict est, pourront leuer leur ouurouer dudict mestier de mareschal en jcelle ville et banlieue en faisant demi chef d'euure et payant les deuoirs dessusdictz, c'est assauoir vingt solz tournoiz au Roy nostre sire, pareille somme à la confrairie de sainct Eloy et autres vingtz solz tournois ausdictz jurez.

[17] Jtem, et si aucun prend à femme vne des filles desdictz maistres, qui sera demouré en la maison desdictz maistres en ladicte ville et banlieue durant ledict temps de deux ans, jl ne sera tenu faire que demi-chef d'euure et payer les deuoirs tels que dessus.

[18] Jtem, que la femme veufue d'vng desdictz maistres pourra tenir ouurouer dudict mestier durant sa viduité, pourueu qu'elle ait gens suffisants pour excercer jcelluy mestier, pour lesquelz elle sera tenue respondre des faultes qu'jls pourroient et pourront commettre.

[19] Jtem, et si ladicte veufue se remarie à aucun dudict mestier de mareschal qui ait demouré deux ans auec l'vng desdicts maistres, comme dict est, et serui audict mestier, ou qui soit trouué suffisant en faisant son chef d'œuure et payer les deuoirs telz comme dessus.

[20] Jtem, que les fers à cheual, jumens, muiles. mulletz, asnes et asnesses seront approuuez par les maistres jurez qui les visiteront, en faisant leur Visitation, sur l'enclume, de trois coups de marteau.

[21] Jtem, que si lesdictz maistres mareschaux ou leurs seruiteurs demourants en leurs maisons encloues quelque cheual ou austre beste cheualine, jiz seront tenuz le desclouer et habiller au dire des

jurez, en le menant en la maison dudict mestre en laquelle jla esté encloué pour le appareiller, et sans ce que, pour ledict appareil, ledict maistre en ait aucun sallaire.

[22] Jtem, que quand aucun maistre dudict mestier prendra vng apprenti! en sa maison pour lui apprendre ledict mestier, l'vng des autres maistres ne le pourra prendre ne receuoir en sa maison pour besongner dudict mestier jusques à ce qu'il ait paracheué le temps de son apprentissaige, et s'il n'i a cause suffisante.

[23] Jtem, s'il aduient que aucun desdictz maistres, par fortune de malladie, vieillesse, ou qu'il n'aye de quoy viure, lesdictz maistres dudict mestier qui seront en ladicte ville et banlieue seront tenus, et ainsi promettent, bailler ausdictz maistres, qui ainsi seront en nécessité, la somme de deux deniers tournoiz chacun, pour chacune sepmaine, qui sera jour de sabmedy et les aller quérir ou enuoyer quérir par chacun sabmedy en l'hostel desdictz maistres.

Lesquelz statutz et ordonnances déclarées, lesditz suppliants nous ont requis jceux ratifier et approuuer et sur ce leur jmpartir nos grâce et prouision ; pour quoy, nous, ces choses considérées, jnclinant librement à la supplication et requeste desdictz suppliantz, lesdictz statuts et ordonnances cy-dessus déclarées auons louez, ratifiiez et approuuez, et, par la teneur des présentes, de nostre grâce spécial, pleine puissance et authorité royalle, louons, ratifiions et approuuons, voulons et nous plaist jceux estre entretenus, gardez et obseruez, etc., etc

Si donnons en mandement, etc., etc. . . .

Et afin que ce soit, etc., etc. . . .

Donné à Bloys, au moys de feuurier, l'an de

grâce mil cinq cens et huict, et de nostre règne le onziesme.

Signé sur le reply : par le Roy, à la relation du Conseil : Demoulins. A costé : Visa contentor : Demoulins. Et scellé en grand seau de cire verte, sur lacs de soye verte et rouge, et attaché auec plusieurs lettres de confirmation soubz le contre-sel.

(Registre de la Prévôté, ff1 141 et ss.)

PfôWûWoW