TISSERANDS

Blois, 21 Janvier i4g4 (n. st.]

Ordonnance du lieutenant du bailli de Blois sur le faict des tisserands.

Ordonnances Tisserantz.

Pgffe^ tous ceulx qui ces présentes lettres ver- !?S%^I ront, Denis Musset, licencié en loix, ""^V*? ^eutenantc^e monseigneur le gouuerneur 1£S^3 et bailly de Blois, salut.

Scauoir faisons que, pour pou[r]uoir aux grans pertes et dommages que par cy-deuant sont aduenuz et de jour en jour aduiennent à noz subgectz de ce pais de Blois et à la chose publicque, que, à l'occasion de plusieurs abuz, larrecins et tromperies qui ont esté et sont commis par plusieurs du mestier de tisserant en toilles demourant en ceste ville et banlieue de Blois et par leurs gens, varletz et seruiteurs, dont plainctes , et doléances sont venues à nous et aultres gens et officiers de la justice de monseigneur le duc d'Orléans, conte de Blois, à Blois ;

Aujourd'huy, par l'aduis et délibération des gens du conseil de mondict seigneur à Blois, et du cou-

sentement de Jehan Arnoul, Jehan Thorion, Guillaume Chérot, Jehan Charretier, Guillaume Bouce, Guillemain Vedeau, Jehan Leféure, Pierre Belot, Estienne Gabillau, Colas Huet, Jehan Martin, Martin Carré, Guillaume Badin, Estienne de Santée, Jehan de Berry, Jehan Thorion le jeune, Robinet Moisant, Dominique Forvaille, Jehan Daudier, Parceual Charron, Jehan Trousset, Estienne Lefort, Juonnet Courtin, Bertheran Vitré, Jehan Mathé, Richart Porcher, Joussequin Charron, André Cheneau, Jehan Cheurier, Pierre Thelouze, Lois de la Bonne, Jehan Dechernes dict de Barry, Jehan Dalippeau et Collin Dalippeau, eulx disant estre la plus grande et seine partie des maistres et tenans ouuriers dudict mestier esdicte ville et banlieue, comparant par deuant nous, nous avons statué et ordonné, statuons et ordonnons par ces présentes, sur le faict et estât dudict mestier, et pour Thonnesteté d'icelluy, ce qui s'ensuict :

[i] Premièrement que aulcun ne sera ou pourra estre dorénauant maistre tisserant ettessier de ligne et en toilles, en la ville et banlieue de Blois, ne tenir ou leuer ouurouer dudict mestier, s'il n'est personne suffisant et ydoine à ce faire et exercer, et que, premièrement, il ne soict expérimenté et examiné par les maistres-jurés dudict mestier, qui seront dorénauent faitz et créez chacun an, et receu et faict ce que cy-après sera déclairé ; et audict examen seront appeliez deulx ou trois maistres dudict mestier; et se aulcun faict le contraire, jlz paiera vingt soulz d'amande, moictié à la justice et l'aultre moictié aux jurez et à la confrairie monsegneur Lois, jadis roy.de France, célébrée en Téglise des Frères mineurs de ceste ville de Blois; et sera confisqué le mestier qui sera trouué auoir esté et estre tenu et leué.

[2] Jtem, et se aulcun ueult estre passé maistre dudict mestier, jl sera tenu faire vng chef d'euure bon et suffisant sans y auoir aulcun deffault, lequel chef d'euure il sera tenu requérir et demander aux maistres jurez dudict mestier qui luy en bailleront à faire en leurs maisons en groux ou en dangé ? (0 ainsy que bon leurs semblera ; et ledict chef d'euure faict sera visité par lesdictz juré et deux ou trois maistres dudict mestier, et, s'il est trouué bon et suffisant, celuy qui l'aura faict, qui sera ydoyne et suffisant pour estre passé maistre, paiera cinq solz pour la peine desdictz jurez et maistres d'auoir uisité ledict chef d'euure ; lesquelz seront tenuz présenter ledict nouuel maistre au préuost de Blois ou son lieutenant pour estre créé et faict maistre et faire le serment de garder ces présentes ordonnances ; et paiera ledict nouuel maistre vingt solz tournois à monsieur et trante solz tournois, moictié auxdictz jurez et l'autre moictié à ladicte contrarie ; et de tout ce sera faict registre par le greffier dudict préuost.

[3] Jtem, et s'il y a toutesuoix aulcun filz de maistre de ladicte ville et banlieue de Blois, ou fille, ou vefues de maistre et mariées à aulcun compaignon dudict mestier qui soict doresnauant passé maistre, ilz ne paieront que demie mestrise et moictié des sommes dessusdictes, sauf qu'ilz paieront lesd et vingt solz à mondict seigneur.

[4] Jtem, les vefues dudict mestier, durant leurs viduité seullement, pourront tenir mestier à faire ouurer d'icelluy par compaig[n]ons et variez suffisants et ydoines pour besongner.

[5] Jtem, que les maistres dudict mestier pourront auoir tant d'aprantilz que bon leur semblera, en aiant, en l'absence desdictz maistres, continuel-

(1) Ce mot a été surchargé, et est devenu à peu près illisible.

lement à l'euure desdictz apprantilz varletz suffisants pour leur monstreret garder qu'ilz ne failjent.

[6] Jtem, (') et ne pourra aulcun desdictz [maistres] tessiers et tessières fortraire ne prandre [aprantil] de l'autre, durant le temps de son [dict] apprantisaige, sur peine de paier l'in[térêt] et de partie, et vingt soulz [d'amende] à applicquer moictié à monsieur [et Tautre] moictié à ladicte contrarie et aux jurez.

[7] Jtem, que le plain ouurage dudict mestier sera faict de la maison d'une verge de fer que lesdictz jurez garderont et dont l'estallon et mesure sera gardée deuers justice ; et sera mesuré l'euures sur le mestier pour sçauoir se elle est de ladicte maison entre le temple et le roux, et convient ladicte verge et mesure quatre quartiers de long, et en icelle sont signez les poinctz du large de tous les ouuraiges en plain dudict mestier.

[8] Jtem, que cy est trouué par lesdictz jurez que est rouu[r]aige plin, aux trois roux plus ou trois roux moings, jl n'y aura poinctz d'amande; et s'il y est trouué plus ou moings le quart en porte l'amend(r)e et, pour chacun roux, com[me] ce que dict est, jl aura douze deniers d'amende, à applicquer moictié à justice et moictié aux juré.

[9] Jtem, et ne pourra ouurer aulcun maistre tessier, tessière ne besongnier en ladicte ville et banlieue de Bloys sinon en troys lez, c'est assauoir en trois quartiers et demy et en plaine œuure qui est de quatre quartiers, comme dessus est dict, excepté en quatre tiers et en laise de tourallons; et qui fera ou vouldra faire le contraire sans le congé de justice, jl payera dix solz d'amande, moictyé à justice et moictié ausdictz jurez et confrairye.

(1) Les lacunes de cet article proviennent des mutilations du registre.

[10] Jtem, et ne pourra aulcun faire ou faire faire aulcane pièce d'ouurage qui ayt esté ourdye en autre ouurier, sinon que celluy qui auroyt ourdy ladicte besongne fust hors du pais ou mallade ou que ne la voucist pas faire, ouquel cas sera tenu celuy qui vouldra faire ledict ouurage en demander congé à justice; et qui fera au contraire, il payera dix solz d'amande applicquables moictyé à justice et moictyé ausdictz jurez et confrarye, et payera à celuy qu'il la aura ourdye vng denier pour chacune aulne pour desceller le dossaige. (0

[n] Jtem, que aulcun ne pourra auoir ne tenir deux ouurouers, sinon qu'il puisse aller de Fun en l'autre sans yssir hors de sa maison.

[12] Jtem, sy aulcun maistre dudict mestyer de tessier ou tessière auoyent ourdy en fillet vue ou plusieurs pièces d'ouurages plain ou ouuert et que le fillet fust trouué ars et pourry, tellement que l'on n'en peust faire bonne et raisonnable oîuure et qu'il ne peust faire ouurage dudict fillet pour le pris pour lequel jl auroyt marchandé, jceulx jurez le visiteront et y mettront vng bon ouurier pour sçauoir; et l'estoffe est trouuée bonne et suffisante à mectre en œuure et sy elle est prouuée telle, ledict maistre tessier ou tessière du mestier sera tenu faire l'ouurage à ses despens, sans autre récompense que du pris conuenu ; aussy, si elle est mauuaise, jl en sera récompensé par ceulx à qui ledict fillet appartiendra, à l'arbitre de justice, sur ce oy le rapport desdictz jurez.

[i3] Jtem, que aulcun dudict mestier, soyt maistre vallet ou apprentil, ne pourra, en quelque temps que se soyt, besongnier ne ceuurer dudict mestier de tessier après neuf heures au soir et poinct plus

' (i) Ces 4 derniers mots, peu lisibles, sont douteux.

tost que quatre heures au matin, aussy ne pourra ouurer ne besongnier dudict mestier au jour de feste que le commvng de la ville garde et a accoustumé chommer et garder, sur peine de cinq solz tournois d'amende, applicable moictyé à justice et moictyé aux jurez et confrairye: et de ce respondra le maistre pour ses varletz et apprentilz.

[14] Jtem, que aulcun ne pourra tenir ouurouer en ceste ville et banlieue de Bloys, auant qu'il ayt esté receu et admis par justice à la manière dessusdicte et qu'il ayt juré garder ces présentes ordonnances et soyt en la confrairye Sainct-Loys.

[i5] Jtem, que aulcun ne fortraira ne mectra ouurier en besoigne en autre ouurouer, jusques à ce que la besongne qu'il a commancé soyt paracheuée ou que Touurier ayt pris congé de son maistre, sur peine de .x. solz demande à applicquer moictyé à justice et l'autre moictyé ausdictz juré et confrairye.

| 16 1 Jtem, que aulcun dudict mestier de tessier, demeurant hors la ville et banlieue, qui n'ayt esté passé et faist maistre par la manière dessusdicte, ne pourra venir ne enuoier quérir fillet à faire thoille ne ouuraige dudict mestier en ladicte ville et banlieue de Bloys, pour les abuz qui y sont de jour en jour, en faisant vne thoille trop estroicte et l'autre trop large et autrement, sur peine d'amande à la discrétion du juge; et s'ilz sont trouuez avec leur croiset et aulne en portant fillet ou en portant toille qu'il auront ainsy faicte, leique^z jurez ou aultres maistres dudict mestier les pourront prendre ou faict faire prendre par justice et apporter à justice, pour en faire telle punition et correction que au cas appartiendra.

[17] Jtem, et s'il aduenoyt que aulcun ouurier de destrange pais viensist en la ville et banlieue de Bloys pour ouurer dudict mestier et amenast aulcune

femme, soyt qu'il la dye estre sa femme espouzée ou non aueques luy, vng des maistres tessiers ou tessières ne luy pourront bailler à besongner et ouurer plus tost. jusques à ce que, premièrement et auant tout œuure, n'ayt faict foy à justice, qu'ils ayent esté mariez ensemble en face de saincte église, et obtenu congé de justice pour ouurer et besogner, sur peine d'amende à ia discrétion de justice.

[18] Jtem, que s'il aduenoyt que aulcun compaignon, soyt maryé ou à marier, se vousist passer maistre dudict mestier, et jls soyt mal renommé et de mauuaise vye, comme bordelier, larron, renieur, blasphemeur de Dieu, jl ne sera poinct passé maistre jusques à ce qu'il soyt adestiné et corrigé desdictes vyes.

[19] Jtem, sy aulcun maistre dudict mestier o^ui soyt larron, bordelier, regnieur ou coustumier à blasphémer le nom de Dieu, jl sera priué de sa maistrise d'icelluy mestier, sy des choses dessusdictes ou aulcunes d'icelles jl est et a esté reprins par justice par troys fois ; et, on cas dessusdict, après congé de justice obtenu par les jurez, jceulx jurez pourront abatre sondict mestier.

[20] Jtem, et, sy aulcun maistre dudict mestier vénoyt à estre viel et ancien ou qu'il fust attainct de malladye tellement que ne peust ouurer ne besongner dudict mestier, tous les maistres tei.ant ouurouer en ladicte ville et banlieue de Bloys, seront tenus bailler, toutes les sebmaines, chacun vng denier audict ancien ou malade.

[21] Jtem, et quant aulcun maistre ou maistresse dudict mestier jra de vye à trépas, sera dict et cellébré vne messe pour [ledict] trespassé, ausdictz despens de ladicte confrairye ; et aura le luminaire d'icelle confrairye ; et sera tenu le procureur de ladicte confrairye faire venir quérir Je corps dudict

trespassé, jusques à la maison où jl sera, par les prebstres de l'église on lieu où sera célébrée, sy ainsy est que les gens et héritiers dudict trespassé requièrent et veullent ce que dict est estre fait; onquel cas lesdictz parens ou héritiers seront tenuz payer et bailler audict procureur cinq solz tournoys seullement au proffict de ladicte confrarye.

[22] Jtem, que, par chacun an, seront faictz et pris lesdictz troyz maistres dudict mestier qui seront jurez durant l'année : et à ce faire seront appeliez tous les maistres dudict mestier ou la plus grande et séné partye d'iceulx, par deuant ledict préuost de Bloys ou son lieutenant, par deuant lequel lesdictz jurez feront le serment de bien et loyaulmant garder ledict mestier, à leur pouuoir, et que les faultes, maléfices et abus qu ilz y trouueront et sauront en feront rapport à justice, sans depport ou faueur et sans commettre exaction ne pillerye, et en tout garder et obseruer ces présentes statuz et ordonnances.

[23] Jtem, et lesquelz jurez seront tenus faire Visitation des ouuraiges qui seront faictz par lesdictz maistres en ladicte ville et banlieue de Bloys ; et des faultes et maluersations qu'ilz y trouueront feront bon et loial rapport à justice, pour en estre faict correction telle que au cas apartiendra ; aussy pourchasseront, à leur pouuoir, faire garder ces présentes statuz et ordonnances, sur peine d'amande arbitraire.

Et après ce que les dessus nommez maistres et ouuriers dudict mestier nous ont jurez et affermé par leur serment que nosdictz statuz et ordonnances sont bien et deuement faict pour le bien, proffict et utillité de la chose publicque et pour Fhonnesteté dudict mestier, les auons condampné et condampnons, de leurs dict consentement, à tenir, garder et

obseruer aux statuz et ordonnances, selon et ainsy quecy-dessus est dict sur ce par nosdictes sentence et jugement.

Si, mandons par ces présentes au préuostde Bloys ou son lieutenant que sesdictes nos ordonnances et statuz jl face publier en son auditoire et ailleurs où jl appartiendra, à ce que aulcun n'en puisse prétendre juste cause d'jgnorance, et sauuegarder et obseruer de poinct en poinct selon la forme et teneur.

Donné soubz le scel aux causes dudict bailliage le vingt-vng,ne jour de januier, l'an mil quatre cens quatre vingtz et treize.

Ainsy signé : A. Druillon.

[24] Jtem, (0 que sy aulcun seruiteur veult besongner en ladicte ville et banlieue de Blois, et jl y fauct rouuer plus d'une pièce de thoille, jl paiera vng denier tournois à ladicte confrairye sainct Loys, pour vne fois seullement.

[24] Jtem, que tous apprentilz seront tenus paier à ladicte confrairye, chacun, la somme de cinq solz tournois vne foyspaiée ou vne liurede cire, excepté les filz et fille de maistre qui n'en paieront que moictyé.

(Registre de la Prévôté, fus 60 et ss.)

(1) Ces articles sont ajoutés à la suite dans le registre de la Préuotcy de même main et de même encre.