CORROYEURS

Taris, Décembre i5'2j.

Statuts accordés aux Corroyeurs de Blois par François Ier, sur l'avis du Grand Conseil.

[i] ...pouuoir et en leur regard, tantost après ces présentes ordonnances décretter et approuuer par justice, pour l'entretènement d'icelle la somme de .xx. s. t. et ausdictz troys maistres jurez la- somme de .xxii. s. .vi. d. tournois, qui est à chacun d'eulx .vu. s. .vi. d. t., le tout pour une foys paier.

[2] Jtem, et ceulx qui seront enffans de maistres dudict mestier feront chef-d'œuvre tel que dessous est déclaré et paieront seullement la moictyé des sommes dessusdictes, pourueu qu'ilz ayent et auront besongné auec leur père ou aultre rnaistre dudict mestier l'espace de troys ans entiers et qu'ilz en facent foy et enseignement et non autrement.

[3] Jtem, et au regard des filles desdictz maistres quj seront mariées à aulcuns d'icelluy mestier, lesdictz mariz seront tenuz faire chef-d'œuvre ; et au surplus auront telle et parelle liberté et franchise que les enfants maisles, c'est assauoir qu'ilz

(1) Les pièces relatives aux corroyeurs commençaient au f° 84 qui a été arraché, ainsi que le f° 85.

payeront seullement la moictyé desdictes sommes.

[4] Jtem, et touchant les vefues des maistres dudict mestier, jouiront durant leur deduicté [1. veduicté] de telz et pareilz droictz et préuilleiges que faisoyent leurs marys ; et pourront tenir leur ouurouer et bouticque d'icelluy mestier par gens expertz et ce, tout ainsy que faisoyent leursdictz mariz, si bon leur semble.

[5] Jtem, et sy lesdictes ne se remarient à gens dudict mestier quj seroyent passez maistres, leurs mariz seront tenuz audict chef-d'œuvre ; mais ilz ne seront tenuz payer que la moictyé des debuoirs dessusdictz, ainsy que ies enfans desdictz maistres.

[6] Jtem, et si lesdictes femmes sont mariées à gens d'autre estât et mestier, elles seront dès lors par cest efTect priuées etdébouttées dudict mestier, sans ce que, jamais elles puissent relleuer comme vefues de maistres dudict mestier de corroyeur.

[7] Jtem, que chacun apprentil qui se vouldra mettre audict mestier, et jcel[!uy] apprendre sera tenu payer cinq solz tournois à ladicte confrairye, de laquelle somme de cinq solz le maistre où il sera en respondra.

[8] Jtem, et sy ausdietz maistres ont aulcuns enfans masles que les veullent faire dudict mestier, jlz les pourront tenir auecq eulx et faire besonguer en leur hostel, combien qu'ilz ayent aultres apprentilz, sans jnfractions de ses présentes ordonnances ; et seront tenuz paier lesdietz enfans aulx maistres de ladicte confrairye deux solz, six deniers tournoiz.

[9] Jtem, que tous lesdietz maistres dudict mestier tenans ouurouer et bouticques se pourront, sy bon leur semble, mettre en la confrayrie dudict mestier et, pour jcelle entretenir, paieront et feront, chacun d'eulx, les debuoirs et choses accoustumées d'an-

cienneté et paier, chacun en ensuiuant, deux solz six deniers tournoiz pour homme et femme.

[10] Jtem, et quant aulcun ou aulcune desdictz maistres dudict mestier jront de vye à trespas, tous les aultres maistres d'icelluy mestier que viueront seront tenuz aller à son obsèque et enterement, à la peine de demye liure de cire à applicquer à ladicte confrairye ; lequel obséque et enterement le procureur de ladicte confrairye sera tenu faire scavoir ausdictz maistres [suppl. fors qu'jlz] soyent absens ou mallades ou ayent [entre] aultre execusation légitime et raisonnable ; lors qu'ilz n'encherront point en ladicte amende et en seront excusez.

[i i] Jtem. que chacun maistre dudict mestier de couroieur qui se mariera nouuellement paiera la somme de cinq solz tournoiz au proffict de ladicte confrairye.

|i2| Jiem que aulcun maistre dudict mestier de courroyeur ne pourra prendre compagnon ne bailler à besongner à aulcun compagnon dudict mestier, qui se sera aceuelly et alloué par journées, sebmaines, moys ou termes, auec aulcun maistre en ladicte ville et banlieue de Blois d'icelluy mestier, sy non qu'ilz aient premièrement parfaict et parachevé ses journées, sebmaines, moys ou termes ou autrement contante celluy ou ceulx maistres ausquelz ledict compaignon se seroyt ainsy alloué ; aussy pendant le temps d'accuellage ne se pourra icelluy compaignon louer ne allouer, besongner auec aultres, sy ce n'estoyt du consentement de celluy ou ceulx qui seront premièrement allouez Isufpl. soulz peine :] c'est assauoir, pour les maistres dudict mestier sachant ledict louage qui receueront et bailleront à besongner à telz ou tel compaignon, de .x. solz tournoiz d'amende ; pour lesdicts cornpaignons ou compaignons qui celleroyent icelluy

louage ausdictz aultres maistres ou qu'ilz besongnoient et s'efiforceroient besongner sans auoir paracheué leur louage, acueillaiges, les maistres ou maistresses à qui jlz se seront alloués, non contant d'eulx, de .x. solz tournoiz d'amende à applicquer comme les aultres amandes cy après déclairées.

[i3j Jtem, que aulcuh couroieur ne pourra couroyer cuirs, sy non que se soyt en la maison desdictz maistres dudict mestier, et aussy si aulcun estoyt trouué faisant ou auoir faict le contraire, il paiera vingt solz tournoiz d'amande, et sera le cuir confisqué au Roy nostredict seigneur.

[14] Jtem, que tous les maistres dudict mestier de courroieur auront chacun vng marc différant l'un de l'aultre qu'il bailleront par jmpression auec leur nom audict préuost, dont jlz seront tenuz marcquer tous les cuirs qu'ilz couroyeront tant pour eulx que pour aultres, desquelz marcques les jurez dudict mestier auront le patron par deuers eulx mis et apposé en plomb. Lesquelz jurés se renouvelleront dans vn an, comme dict est, qui auront la Visitation de tous les cuirs gras qui seront tenus tant chez lesdictz maistres qu'ailleurs, quelque part que se soye, excepté chez lesdictz cord#nniers, comme dessus est dict, et tant ceulx que vienne dehors que d'autre en ladicte ville et banlieue ; et lesquels cuirs, par eulx veuz et visités, jlz manqueront comme deuant est dict; ausquelles visitations jls seront tenuz appeller auec eulx l'un des sergens du bailliage de Bloys.

[i5] Jtem, que aulcun marchant ne autre quel

qn'ji soyt (0 jl soyt ne vendra ne pourra

vendre, soyt à cordonnier ou aultres, tenir et exposer en vente esdites ville et banlieue ; semblablement

(1) Illisible.

ne pourra personne aulcune, quelle qu'elle soyt, achapter ou prendre en paiement ou par eschange ou aultre contract aulcuns cuirs gras, que premièrement jlz n'ayent esté veuz et visitez et marcquez desdictz marcqs desdictz jurez à eulx baillé par justice, à peine de .x. solz tournoiz d'amande, à appliquer moictyé au Roy nostre dict seigneur et l'aultre moictyé à ladicte confrarye et ausdictz marchans et jurez, de perdition desdictz cuirs achaptés ou leuez et exposez en vente ou prins par eschange en paiement ou aultre contract, respectiuement à applicquer comme dict est cy-dessus.

[16] Jtem, que cuir couseu soyt de bœuf ou de vache posé près, qu'il soyt bien ou mal tanné, ne sera receu par lesdictz maistres courroieurs pour estre mis en gresse ne courroy, et semblablement ne sera par eulx ne par aultre mis ne exposez en vente en ladicte ville et banlieue de Bloys, à semblable peine de .lx. solz d'amende, à applicquer comme dessus, et de perdition desdictz cuirs pour lesdicts vices, deffection et mauuaisetyé qui est en tel cuir, ce à applicquer comme deuant.

[17] Jtem, que les marchans forains qui amèneront cuirs courroiez de dehors esdicies villes et banlieue seront tenus de les mener, mettre ou faire mener et mettre en la place et lieu où l'on a accoustumé les mettre, c'est assauoir aulieude la Foullerye deuant l'image Nostre-Dame, pour les voir et visiter et estre marcquez par lesdictz jurez, auant les vendre ne exposer en vente, ausdictes peine de .lx. solz tournoiz à applicquer comme dessus et aultres peines contenues en cesdictes présentes ordonnances.

[18] Jtem, et si lesdictz maistres jurez dudict mestier trouuoyent ou trouuent aulcuns cuirs qui ne feussent que tanés ou a peu et moings que

— IOO —

de demye gresse gressez, et aussy ne fussent et ne soyent bons et marchans, exposés en vente, lesdictz maistres jurez le feront prendre et mettre en justice par ung sergent du bailliage de Blois, et payeront ceulx qui ainsy en seroyent trouuez saisiz ou les seigneurs desdictz cuirs la somme de .lx. solz tournois d'amande à applicquer comme dessuz, la main de justice sur, jusques au payement de ladicte somme ; et seront réparez et amendez lesdictz cuirs, sy faire se peult, aux despens de ceulx qui les auront exposez en vente; sinon jlz seront bruslez et artzou distribuez à l'ordonnance de justice.

[19] Jtem, et pour ce que aulcuns dudict mestier ne sont encores expers ne sçavans en icelluy ont oy dire que en voullait faire ledict mestier jurez se sont efforcez leuer leur mestier et bouticque dudict mestier, dont se pourroyent ensuiure grands jnconuénians pour la chose publicque, a esté statué et ordonné que ceulx qui ont leué leurdict mestier depuis an et jour en ça, que ne sont sçavans et expertz en jcelluy mestier, seront tenuz faire chef d'œuure seullement sans rien paier, assauoir s'jlz sont expertz ondict mestier ou non, nonobstant qu'jlz aient leué leur mestier deuant ces présentes ordonnances.

[20] Jtem, et pour lesdictz statutz et ordonnances dessuz déclairées esdictz articles et en chacun d'iceulx estre entretenues, gardez et observez jnuiolablement sans les enfraindre par les maistres dudict mestier et aultres, sur les peines contenues et déclairées esdictz statutz et sur peine de .lx. solz tournois d'amande pour ceulx qui viendront au contraire, comme jnfracteurs des statutz, et aultre peine que l'on verra juste de faire par raison.

[21] Jtem lesdictz maistres dudict mestier sont d'accord et consentent que doresnavant jlz seront