DES XXIIII MESUREURS DES HALLES
1. Item, en la place et ou marché ou l'on a acoustumé a vendre les blez, farines et autres grains, es halles en Champeaux, pour toute ladite place servir et faire l'ofiice de mesureur, aura xxuu mesureurs tant seulement et non plus.
Des XVIII de Grève.
2. Item, en la place et ou marché la ou l'en a acoustumé vendre les blez, farines et autres grains, en Grève, aura xvni mesureurs et non plus.
Des XII de la Prevosté.
3. Item, en la place et ou marché la ou l'en a acoustumé de vendre blez, farines et autres grains, en la Juisrie, aura xn mesureurs.
Des heures de vendre.
II. Item, en la place et ou marché des Halles, en la place et ou marché de Grève, en la place et ou marché de la Juisrie, esquelz l'on a acoustumé de vendre blez, farines et autres grains, en chascune desdites places et marché, seront ordonnez certains signez et certaine personne qui icellui signet monsirera et .sonnera, aux heures cy-après escriptes, avant que nul puisse deslier ne vendre.
De l'ofiice des mesureurs.
5. Item, que nul qui se porte clerc, ne nulle femme, n'ayent ne ne puissent avoir l'oHice de mesuraige.
6. Item, nul mesureur ne pourra estre marchant de farines, blez et autres grains, pour revendre pour luy ne pour autruy.
7. Item, nul mesureur ne pourra porter clef d'autruy grenier, ne hebergier en son grenier pour autruy, blez, farines ne autres grains.
8. Item, nul mesureur ne autres, ne pourront mesurer esdites places et marchiez, jusques a tant que lesdiz signez establiz en chascune place sera sonné ou monstre par celluy qui sera estably.
9. Item, quelconque mesureur fera ou vendra encontre les ordonnances cy-
escriptes ou aucunes d'icelies, il perdra l'office de mesuraigc et payera lx sols d'amende.
10. Item, quiconque sera mesureur de grain, il bauldra et donrra caucion et seurté de x livres parisis, par devers le prevost des Marchands.
De non aier au devant des grains.
11. Item, nul ne nulle de quelque estât ou condicion qu'ilz soyent, marchans ou autres, ne pourront aller a l'encontre d'aucuns blez, farines ou autres grains venans esdites places ou marchez pour vendre, pour iceulx acheter par tesmoings ne en autre manière, fors que esdites places et marchez de Paris dessus escriptz : et qui fera le contraire, le vendeur perdra la marchandise, et l'acheteur le pris de l'achat, tout acquis au Roy.
De non acheter hors place. — Des heures de vendre.
12. Item, nul qui amené blez, farines et autres grains a charroy ou a doz ne pourra iceulx deslier ou vendre, fors que esdites places ou marchez et a heure déterminée, et que lesdits signez a ce establiz soyent monstrez ou sonnez par celluy qui a ce sera establiz, lesquelz signez ordonnez et establiz seront es Halles, entre tierce et midi; en Grève, a heure que prime a Nostre Dame sonne; en la Juifrie, entre prime et tierce; et qui fera le contraire avant l'eure, il perdra la marchandise. Et puis qu'ilz auront amené et deschargé ou destellé les blez, farines ou autres grains, ilz ne les pourront celle journée mener ne transporter de marché en autre pour vendre, et s'ilz ne les pevent vendre celle journée, ilz les porteront héberger pour revendre quant il leur plaira; et qui fera le contraire il perdra la marchandise.
13. Item, quiconques amènera esdites places et marchez, blez, farines ou. autres grains ou il ail emboucheure, cest assavoir quilz ne soient aussi souffisans et aussi bons dessoubz comme en la monstre, il perdra les denrées, et le mesureur qui les mesureroit en ladite malefaçon, ne diroit ou accuseroit a l'acheteur et a la garde du marché pour le Roy, perdra son office et payera lx sols d'amende.
ià. Item, nul revendeur qui revende blez, farines ou autres grains, ne pourra iceulx mesurer oultre ung sextier le jour; et se plus en rêvent, il conviendra qu'il soit mesuré par ung mesureur juré autre que luy. Et quiconques fera le contraire, il perdra les denrées et seront forfaites.
15. Item, avecques les autres peines dessus dites et sans celles diminuer, quiconques sera trouvé trespassant l'ordonnance et establissement dessnsdit ou aura fait un oukraige par fraude en aucune manière, le vendeur perdra les denrées, et l'acheteur le prix de l'achapt.
ORDONNANCE DU IlOI JEAN.
