TITRE V

MELSINYERS'".

1. Item, pour ce que mainteffoiz est advenu que ceulx qui font mouldre blé es moulins de Paris et ailleurs ne treuvent pas bien leur compte de la farine, quant le blé est moulu, et s'en sont plusieurs doluz et dolent de jour en jour, est ordonné, pour le prouffit commun, que en certains lieux de ladite ville de Paris sera fait et estably poix, auquel l'on poisera le blé quant l'on l'emportera au moulin, qui aler et porter le vouldra; et a celluy mesme poix sera pesée la farine qui ystra dudit blé,aflin que se deffauit y a, que le mesnier rende ycelluy deflault'^'; et seront certaines personnes ordonnées en chascun desdits poix pour peser et escrire le poix du blé et de la farine; et recevront pour l'émolument de peser, c'est assavoir, un denier ou trois oboles, ou deux deniers pour sexlier au moins.

2. Item, les meusniers auront et prendront, a Paris, de mouldre ung sextierde blé \n deniers parisis et non plus, ou ung boissel rez du blé qu'ilz mouldront : et s'ilz font le contraire , ilz l'amenderont et rendront le donimaige a partie.