I. LU

ou de confraries pour faire leurdit mestier, mais seront tenus de faire leurdit ouvraige de bons cufs ioyaulx et marchans, sur peine de dix sols d'amende a appliquer moitié au Roy et moitié a la confrarie dudit mestier.

9. Item, que lesdiz pasticiers ne pourront exposer en vente pastez reschauflez sur ladicte peine.

10. Item, que nul dudit mestier ne pourra porter ne faire porter parmy les tavernes, petis paslez d'un blanc, dariolles ou ruissoles, se on ne les envoyé quérir, sur ladicte peine.

11. Item, que lesdiz ouvriers dudit mestier ne pourront avoir que deux aprentiz pour apprendre ledit mestier et ne seront tenus lesdits aprentiz de rien paier d'entrée oudit mestier, et pourront lesdiz ouvriers dudit mestier tenans ouvrouer, avoir tel nombre de variez qu'il leur plaira pour leur aidier en leur besongne dudit mestier, sur ladicte peine.

12. Item, que lesdiz ouvriers dudit mestier tenans ouvrouers, ne pourront fortraire les apprentiz l'un de l'autre, sur ladicte peine.

13. Item, aussi ne pourront fortraire les chalans l'un de l'autre, ne porter ou envoyer messaiges ne cedulles a ceste fin.

\à. Item, que les femmes vefves dudit mestier joyront dudit mestier durant le temps que elles seront vefves. Et n'est point nostre intencion que par le moyen de ces ordonnances les oubloyerset boulengiers, qui de présent tiennent ouvrouers a Paris, ne puissent joïr et user du mestier de pasticerie, ainsi et par la forme et manière qu'ils faisoient*'' paravant ces présentes ordonnances.

15. Item, pour la garde dudit mestier et pour faire visilacion en ycellui et rapporter les faultes qui y seront faites et commises, aura trois jurez qui seront eslcuz par la communaulté dudit mestier et se changeront chascun an,

16. Item, ne pourront doresenavant les pasticiers faire ouvraige de pasticerie aux quatre festes solempnelles, sans autoritté de justice, sur peine de vint solz parisis d'amende a appliquer moictié au Roy et l'autre moictié aux jurez dudit mestier.

17. Item, ad ce que mieulx et plus loyaument lesdiz jurez puissent faire leur

devoir par la manière dessus declerée, nous ordonnons que toutes et quantes fois

(ju'il sera nécessité ou mestier de faire et eslire nouveaulx jurez et gardes oudit

mestier de pasticerie, ung des anciens jurez demourra pour l'année a venir

avecques les autres nouveaulx qui a ce seront esleuz et commis par la mannière

que dessus est dit.

'"' Jusqu'ici les lextes ne citent que les oubloyers liers, fourniers et pâtissiers, leur ordonnant le bon

«l les prescriptions de fabrication de leur métier. clioix des farines avec défense de garder plus d'un

Les présents statuts de i44o relatifs aux pâtissiers jour la viande et les pâles. Les documents qui sui-

montrcnt par cette pbrase l'union existant entre les vent concernent plutôt les pâtissiers jusqu'à i'édit

trois métiers. L'ordonnance du roi Jean (litre III, de Cbarles IX, juillet i5Gf), oii les deux états sont

ci-<lessus, p. 6) avait déjà mis ensemble les ta'eme- ériges en un seul mélier juré.

PÂT[SSIERS. — OUBLOYERS. 379

Et a ce que ainsi soit fait et que icellcs nos ordonnances demeurent en leur stabilité, nous avons fait mectre a ces présentes lettres le seel de ladite prevosté de Paris. Ce fu fait et passé en jugement ou Chastellet de Paris, le quatriesme jour d'aoust, l'an de grâce niii quatre cens quarante.

1479, 5 juin.

Lettres du prévôt de Paris ordonnant aux pâtissiers et oiibloyers le ehânwje de lu Fête-Dieu

et de l'Assomption.

Arcli. nal., Livre jaune pelil Y 5, fol. 68. — Coll. Lamoignon, l. IV, fol. 686.

A tous ceulx qui ces présentes lettres verront, Jehan de Saint Roumain, licentié en loix, conseiller, procureur gênerai du Roy, nostre sire, et garde de la prevosté do Paris, siège vacquant, salut. Savoir faisons que veue de nous certaine requeste en pappier, a nous fête et présentée par les pasticiers de la ville de Paris, de laquelle la teneur s'ensuit : Supplient humblement les paticiers de c'este ville de Paris, comme par les ordonnances dudit racstier il soit seullement prohibé et deffenduausditssupplians de ne besongner point dudit mestier, es joursdePasques, Penlhecoste, Toussains et Noël, et il soit ainsi que pour la singulière devocion que lesdiz supplians ont es jours et festes de la feste-Dieu et assumplion Notre-Dame, qui sont festes qui doivent bien estre gardées de toutes euvres, icculx supplians se deporteroient voulentiers de besongner iceulx deux jours, et qu'ilz fcussent adjoutez en leur registre, pour estre gardez comme lesdites aultres quatre festes cy-devant declairées, et sur ycelles peines que sont par eulx gardées icelles quatre festes; ces choses considérées, il vous plaise ordonner lesdites deux festes de la feste Dieu et Assumption Nostre Dame estre adjoustées oudit registre, pour estre par lesdits supplians gardées sans besongner de leur mestier, ainsi que Icsdiles quatre festes cy-devant desclairées et vous ferez bien. Considéré le contenu en laquelle requeste, nous avons mandé et fait venir devant nous, Henry Benoist, Guillaume Mignot, NicoUas Delacourt, Pierre Rongnon, Thevcnin Carré, Jehan Dadam, Jehan Lemaire, etc. . . tous maistres oudit mestier de paticier, en la ville de Paris, et faisans et representans la plus grant et seine partie des gens dudit mestier de paticier et aussi du mestier doublayer, a Paris, en la présence desquels lecture a esté fecte de laditte requeste cy-dessus transcripte. Et après ce que tous les dessus nommez et chacun d'eulx ont consenty et esté contens et d'accords que les jours des festes de la Feste Dieu et l'Assumpcion Nostre Dame feussent et soyent doresenavant par eulx festées et gardées, sans aucunement

besongner ou faire besongnes de leurdit mestier de pasticier, ne seniblablement du mestier de oublayer, tout ainsi comme les festes de Pasques, Penthecouste, Toussains et Noël, et sur ycelles peines, ainsi que contenu est en ladite requeste et que tous les dessusdits ont promis et juré garder et entretenir sans enfraindre ladite ordonnance. Nous, aux personnes des dessus nommez, faisans et representans la plus grant et seine partie des gens desdits mestiers de pasticiers et oblayers a Paris, comme dit est, en la présence et par l'advis, conseil et deliberacion des advocatz, procureurs et aucuns des conseillers du Roy, nostre sire, oudit Chastellet de Paris, et aussi du consentement de tous les dessus nommez, avons fait et faisons inhibicion etdeffence, de par le Roy, nostre sire, a tous les maistres et gens dudit mestier de pasticier et oblayer de la ville de Paris, que doresenavant ilz ne besongnent, ne facent besongner desdils mestiers esdits jours de la Feste Dieu et de l'Assumpcion Nostre Dame, mais iceulx gardent, festent, solempnisent et observent sans besongner, tout ainsi et par la forme et manière qu ilz font et ont acoustumé faire les jours de Pasques, Penthecoste, Toussains et Noël, et sur peine de vint solz parisis d'amende qui est pareille peine que declairée sont es ordonnances dudit mestier de pasticier et a applicquer selon le contenu d'icelles. Et avons ordonné et ordonnons que ceste présente deffence sera enregistrée es pappiers et registres dudit Chastellet de Paris, esquelz sont enregistrées les ordonnances desdits mestiers de pasticiers et oublayer, ad ce que chacun en puisse avoir lettres, et n'en puisse prétendre juste cause d'ignorance. En tesmoing de ce, nous avons fait mectre a ces présentes le seel de la prevosté de Paris. Ce fut fait le samedi cinquième jour de juin, l'an mil quatre cens soixante dix neuf.

1485, 16 septembre.

Letlres du prévôt de Paris ordonnant aux pâtissiers et ouhloyers le chômage de la fête de saint Michel, patron de la confrérie.

Arch. nat., Livre jaune petit Y 5, fol. i4a. — Coll. Lamoignon, t. V, fol. 110.

A tous ceulx qui ces présentes lettres verront. Jaques d'Estouteville, chevalier, seigneur de Beyne, baron d'Ivry et de Sainct Andry en la Marche, conseiller, chambellan du Roy, nostre sire, et garde de la prevosté de Paris, salut. Sçavoir faisons que veue de nous certaine requeste en papier, a nous faicte et présentée par les pasticiers de la ville de Paris, de laquelle la teneur s'ensuit :

Supplient humblement les pasticiers de ceste ville de Paris, comme lesdits supplians ayent une belle et notable confrarie fondée de Monsieur Saint Michel,

PATISSIERS. — OUBLOYERS. 381

en la chappelle Saint Michel ou Palais Royal à Paris, en laquelle ilz font chanter et célébrer, par chacune sepmaine, deux messes et autre service solempnel ; et il soit ainsi que pour ce que l'en a acouslumé de besongner dudit mestier ledit jour Saint Michel , la feste et solempnité dudit jour Saint Michel et du bastonW n'est point décorée ainsi que sont toutes les autres confraries des mestiers de cesle Ville de Paris, qui ne font tous riens de leur mestier le jour des bastons des sains de leur confrarie, et a ceste cause cesseroient volontiers de non plus besongner ledit jour Saint Michel, mais ils ne osent ce faire sans voz congé, licence et permission. Ces choses considérées, il vous plaise ordonner et statuer que doresenavant, lesdits supplians, ne leurs successeurs, ne besongnent point dudit mestier ledit jour Saint Michel, sur peine de telle amende qu'il vous plaira et vous ferez bien.

Considéré le contenu en laquelle requeste, nous avons mandé et fait venir devant nous, Jehan Lenffant, Guillaume Mignot, Guillaume Dugué, jurez dudit mestier de pasticier; Thomas Houze, Jehan Jaques, Pierre Poulas, Pierre Garnier, jurez oublayers, Henry Benoist, Jehan Raulant, etc., tous maistres dudit mestier de pasticier en la Ville de Paris, faisans et represenlans la plus grant et seine partie des gens dudit mestier de pasticier et aussi d'oubloyer à Paris, en la présence desquelz lecture a esté faicte de la dite requeste dessus transcripte et après ce que tous les dessus nommez et chascun d'eulx ont consenty et est content et d'accord que le jour et feste de la Saint Michel feust et soit doresenavant par eulx feslé et gardé sans aucunement besongner ou faire besongner de leurdit mestier de pasticier, ne semblablement du mestier d'oubloyer, tout ainsi comme les festes de Pasques, Penlhecoste, Toussains, Noël, la Feste Dieu et l'Assumpcion Nostre Dame, et que tous les dessusdits ont promis et juré garder et entretenir sans enfraindre ladite ordonnance, Nous, aux personnes des dessus nommez faisans et representans la plus grant et seine partie des gens desdits mestiers de pasticier et oubloyer à Paris, comme dit est, en la présence et par l'advis, conseil et deliberacion des advocatz, procureur et aucuns des conseillers du Roy, nostre sire, ou Chastellet de Paris, et aussi du consentement de tous les dessus nommez, avons fait et faisons inhibicion et delfence de par le Roy, nostre sire , a tous les maitres et gens dudit mestier de pasticier et oublayer de ladite Ville de Paris que doresenavant ilz ne besongnent ne facent besongner desdits mestiers ledit jour et feste de Saint Michel, mais icelui gardent, festent, solempnisent et observent sans besongner, tout ainsi et par la forme et manière qu'ilz font et ont accoustumé faire lesdiz jours de Pasques, Penthecouste, Toussains, Noël, Feste Dieu et Assumpcion Nostre Dame, et sur peine de vingt sols parisiz d'amende qui est pareille peine que decleirez sont es ordonnances dudit mestier de pasticier et a applicquer selon le contenu d'icelles; et avons ordonné et ordonnons que ceste présente deffense

<"' On remarquera celte citation du bâton des confréries qui a joué un si grand rôle dans les cérémonies.

feust enregistrée es papiers et registres diidit Chasteliet de Paris, esquelz sont enregistrées les ordonnances desdits mestiers de pasticier et oublayer, a ce que ciiacun en puisse avoir lettres et n'en puisse prétendre juste cause d'ignorance. En tesinoing de ce, nous avons fait mectre a ces présentes le seel de ladite prevosté de Paris. Ce fut fait le vendredi, seiziesme jour de septembre, l'an mil quatre cens quatre vingts cinq.

VU

1^89, 19 octobre.

Sentence du prévôt de Para prescrivant aux pâtissiers de n'avoir qu'une boutique, de ne faire colporter que par les apprentis seulement, et de ne pas assister sans droit aux festins de confrérie.

Arcli. nat., Livre vert neuf Y 6', loi. lig v°. — Coll. Lnnioignon, I. V, fol. a là.

A touz ceulz qui ces présentes lettres verront Jacques d'Estouleville, chevalier, seigneur de Beyne. . . garde de la prevosté de Paris, salut. Savoir faisons que oye la requeste aujourd'hui faicte en jugement devant nous ou Chastelet de Paris par les jurez et gardes du mestier de pasticier a Paris, disans qu'il n'estoit loisible à aulcun maistre dudit mestier en ceste ville de Paris de tenir deux ouvrouers, pour vendre et débiter leurs denrées, et aussi de avoir et tenir en son hostel plus de deux apprentiz, et avecques ce d'aler au disner de ceulz qui ont faict chief d'euvre en ycellui mestier senz y estre convoquez ny appeliez. Ce nonobstant plusieurs desdits maistres de ladite ville tenoient ouvrouer ouvers et table estaléé en ceste dite ville, pour estaler et vendre lesdites deni'ées de leur mestier et pour ce faire les mettoient en plusieurs rues d'icelle ville, et aussi tenoient plus de deux apprentiz d'icellui et qui pis estoit, tenoient plusieurs hommes et femmes pour ce faire en empeschant les aultres maistres dudit mestier de pasticier qui estoient de présent en grant nombre de gaigner la vie d'eulx, leurs femmes et enfans; qui n'estoit a tolérer ne permectre, requerans sur ce nostre provision. Considéré laquelle requeste, nous, en la présence et du consentement des advocats et procureur du Roy noslredit seigneur, jour de Chasteliet , avons ordonné et ordonnons quant a présent et jusques ad ce que aultrement en soit ordonné que inhibition et défense sera faicte de par nostredit seigneur, a touz les pasticicrs de ceste ville de Paris, de ne tenir doresenavant que ung ouvrouer ou estai pour vendre leurs denrées de pasticerie, excepté ez jours ordinaires de marchié, c'est assavoir le mercredi et le samedi, ausquels jours ils pourront avecque leurdit ouvrouer, avoir et tenir un estai seuUement pour vendre leursdites denrées ez halles ou aultres marchez et lieux a ce ordonnez; et aussi de non faire doresnavant

PÂTISSIERS. — OUBLOYERS. 383

comporter leursdiftes denrées de pasticeries par la ville , sinon que par leurs apprentis ou par deux de leurs facteurs seulement, et ce pour obvier a la grande confusion et desordre qui a esté par cydevant oudit mestier, au moyen de ce que auicuns pasliciers ont faict par cy-devant, comme encores font de présent, comporter lesdites denrées par plusieurs genz nonalouez et mauves garçons incongnus, lesquels vendent lesdites denrées secrètement à pouvres gens et pelis enfans, combien qu'elles soient le plus souvent incertaines et non dignes de user au cors humain. Et oultre inhibicion et deffence sera faicte ausdits pasticiers de ne eulx trouver ez festes et convis que feront liberallement les compaignons qui auront de nouvel acquis la franchise dudit mestier, s'ilz ne sont a ce par exprez convoquez et appeliez par lesdiz compaignons et de leur ordre; tout a et sur peine de vingt sols parisis d'amende, a applicquer au prouflit du Roy nostredit seigneur. Si donnons en mandement. . . En tesmoing de ce, nous avons fait mectre a ces présentes leseel de la prevosté de Paris. Ce fu fait le lundy, douziesme jour d'octobre, mil quatre cens quatre vint et neuf.

1497, 6 juin.

litres (h Jacques (FEstouteville, prévôt de Paris, conlemnt une requête des pâtissiers,

avec sept articles de statuts.

Arch. nat.. Livre bleu Y 6', fol. ya v°. — Coll. Lamoignon, t. V, fol. 365.

A touz ceuls qui ces présentes lettres verront Jacques d'Estouteville. . . garde de la prevosté de Paris. . . Savoir faisons que, veue la requeste a nous faicte par les jurez pasticiers de ceste ville de Paris, de laquelle la teneur ensuit :

Supplient humblement les jurez pasticiers de ceste ville de Paris, comme jaçoit ce que nul dudit mestier ne puisse faire porter vendre parmy ceste dite ville de Paris, flannelz, tartelettes, ratons, cassemuseaulx, tartes a pommes, pastez, tallemouses, eschaudez et autres nienuz ouvrages dudit mestier, sinon parleurs apprentilz obligez, néanmoins de présent plusieurs maistres dudit mestier en cestedite ville et pareillement plusieurs pasticiei'S et autres gens de divers estalz eulx meslans dudit mestier es fauxbourgs de ceste dite ville de Paris se sont ingérez et ingèrent chacun jour de faire porter et vendre parmy ceste dite ville lesdits menuz ouvrages dudit mestier par autres gens que par leurs apprentilz obligez, et en ce faisant y applicquent gens de divers estatz et qui ne sont dudit mestier et bien sou vaut par maraulx, larrons, pipeurs, crocheteurs, couppeurs de bourses et inliabilles et dont les aucuns sont banniz et les autres de meslier honteux et des-

38i LES MÉTIERS DE PARIS.

honnesle ou répugnant a icelluy niesticr, ou autres hazardeurs, joueurs çtpipeurs dont est advenu par cydevant, advient et peult advenir chascun jour grands inconveniens; niesmes trouvent telles manières de gens plusieurs moyens jeux et piperies pour attraire enfens de bonne maison, de mcstier et autres, a jouer, comme de bouter des fèves, des poix, des espingles et autres choses en leurdits petis ouvrages, pour jouer a tirer et trouver lesdittes fèves, pois ou espingles et a ce faire induisent plusieurs jeunes enfens, comme dit est, leur prestent leurs denrées, et après les contraingnent a desrobcr leurs pères, mères ou maistres pour les paier et prennent souvant les biens que lesdits enfens desrobent en payement, et aucunelfois leur ostent leurs chapeaulx, bonnetz ou autres choses, au moyen de quoy vient de grandes noises et questions, et dont peult advenir meurtres ou autres grans inconveniens, ou grant dangier, lezion et dommage de la chose publicque et des corps humains, honte, vitupère et deshonneur dudit mestier, et encores plus sera, se de vostre grâce n'est sur ce pourveu. Ces choses considérées, il vous plaise ordonner par forme de edict et ordonnances les articles cy après declairez et estre joincts avecques les ordonnances dudit mestier en la manière qui s'ensuit, c'est assavoir :

1. Que nul dudit mestier ne envoyé doresenavant ou face porter aucunes denrées ou marchandises dudit mestier, parmy cestedite ville de Paris pour vendre se ce n'est par leurs propres apprentiz obligez et non par autres, sur peine de quarente solz parisis d'amende et de perdre l'ouvrage.

2. Item, pour obvier aux frauldes que lesdits pasticiers pourroient en ce faire et commectre et afin que lesdiz jurez aient congnoissance de ceulx qui seront apprentiz oudit meslier, que nul dudit mestier ne puisse mectre en besongne ne tenir apprentiz oudit mestier plus tost et jusques a ce qu'ils aient fait savoir ausdits jurez et monstre leurs obligacions et lettres d'apprentissages pour savoir le temps a quoy ils les prendront. Et se besoing estoit leur en bailler coppie et après l'apprentissage fait que lesdits apprentiz paient a leur nouvelle entrée oudit mestier, au Roy deux solz parisis, et a la confrairie dudit mestier deux solz parisis.

3. Item, que nul quel qu'il soit ne puisse ouvrer, lever ne tenir ouvrouer, ne estre reçeu, ne passé maistre oudit mestier, s'il n'a esté apprentilz trois ans du moins sur ladictc peine.

^. Item, que nulz pasticiers forains qui ne sont maistres en ceste dite ville de Paris, ne pourront comporter ne vendre parmy ceste dite ville aucuns ouvrages dudit mestier, fors es places et es jours de marché accoustumez pour les forains en ceste dite ville de Paris et n'y puissent envoyer que leurs apprentiz obligez, ainsi comme dessus est dit, sur ladite peine.

5. Et a ce que le divin service qui se fait par ledit mestier soit tousjours de mieulx en miculx continué, a esté ordonné que nul maistre dudit mestier ne

PATISSIERS. — OUBLOYERS. 385

mectra en besongne aucuns compagnons dudit niestier, qui auront fait et aprins ledit mestier hors cestedite ville de Paris, jusques a que celluy qui vouldra besongner dudit mestier, ait paie pour entrée, deux solz parisis a la confrairie dudit mestier, sur peine de vingt solz parisis d'amende.

6. Item, et afin que les jurez qui sont et seront oudit mestier soient plus enclins a vacquer et entendre a corriger les faultes qui par telles manières de gens seront commises, qu'ilz aient le tiers des amendes qui viendront a cause de leurs prinses et denonciacions.

7. Item , que nul dudit mestier ne puisse tenir que ung ouvrouer dudit mestier, sur ladite peine, a applicquer comme dessus.

... En tesmoing de ce, nous avons fet mètre a ces lettres le seel de la prevosté de Paris. Ce fut fet le mardy, sixiesme jour de juing, l'an mil quatre cens quatre vins dix sept.

1522, 27 novembre.

Lettres du prévôt de Paris contenant une requête des pâtissiers avec un nouvel article de statuts.

Arch. nal., Livre rouge neuf Y 6', fol. 98. — Coll. Lamoignon, t. VI, fol. 48. Traité de la Police, t. 111, p. 47.

A tous ceulx qui ces présentes lettres verront, Gabriel, baron, seigneur d'Allègre. . . garde de la prevosté de Paris, salut. Savoir faisons que, veue la requeste a nous présentée par les maistres, jurez et communaulté du mestier de pasticier en ceste ville de Paris, que de tous tems et ancienneté aucun maistre du mestier n'a fait, ne ne peut faire pastez au dessoubs de quatre deniers parisis, parce que a moins l'on n'en peult; et s'aucuns en estoient l'aicts pour double de perte, convendroit achetter chars es basses boucheries et chars gardées et délaissées du jeudy ou de la semaine esdittes basses boucheries puantes et corrompues, non dignes de user a corps humain , lesquels pastez que l'on fait de quatre deniers parisis et audessus sont pastez faits de bonnes chars. El pour ce qu'il est a la cognoissance desdits jurez que aulcuns hommes et femmes vendent et exposent en vente, en panniers couverts, petis patez de deux deniers, trois deniers et un denier, de chars corrompues et puantes, non dignes de user a corps humain, esquels est mis de l'oignon, donnant ou ostant le goust de laditte corruption, dont jeunes enfans de maison et autres personnes sont plus enclins pour le petit prix en achepter, et les mangent et usent, au moyen de quoy souventes fois engendrent en eux corruxe et maladie de telle peste, tendant par lesdits supplians a ce que esdittes ordonnances fust adjouslé l'article qui s'çnsuit :

IMritIHEBIE HATIONiLI.

Item, que nul niaistre pasticier ne autre ne face vendre et colporter par la ville de Paris petits pastez ne en leurs hostelz pastez au dessoubs de cinq deniers sur peine de confiscation de la marchandise et estre jettée en la rivière et de soixante sols parisis d'amende a appliquer moitié au Roy nostre dit seigneur, et l'autre moitié aux jurez et confrairie dudit mestier.

Nous, par considération du contenu en ladite requeste, avons ordené et ordenons que ledit article dont cy-dessus est faict mencion sera adjousté avecques les ordonnances jà pieça faictes audit mestier de pasticier. . . En tesmoing de ce nous avons fait mectre a ces présentes le seel de la prevosté de Paris. Ce fut fait l'an mil cinq cens vint deux, le jeudy vint septiesme jour de novembre.