TITRE VII

DESCUARGEURS DE VINS.

\. Item, les dechargeurs de vins ne pourront avoir et prendre, pour ung tonnel de vin deschargé en celier, en terre et a degrez, que ix deniers, et de la queue que VI deniers et non plus, et tonnel en eaue que vi deniers, et de la queue un deniers et non plus; et en celier sur terre, a l'avenant; et a peine de lx sols d'amende qui plus en prendra ou donrra.

2. Item, lesdits deschargeurs ne pourront prendre ne avoir, d'un tonnel de vin ou de deux queues, pour ung tonnel labourer, oster des nefz et mener en l'ostel de celluy a qui y sera, du grant port de Grève partout dedans les portes de Paris pardeça grant pont et par toute la cité, que mi sols au plus hault et non plus : et oultre lesdites portes deçà grant pont et oultre petit pont dedans les portes, que VI sols et non plus, et des lieux qui seront au plus prez au dessoubz desdiz pris : et qui meilleur marché en pourra avoir, si le preigne.

3. Item, ilz ne prendront ne auront, d'un tonnel de vin ou de deux queues pour ung tonnel labourer, oster de nefz, mener à l'ostel, du petit pont de Grève partout deçi\ petit pont, dedans les portes de Paris, que ni sols vi deniers au plus loing, et déplus près a l'avenant; et hors des portes et delà petit pont; soit dedans, soit dehors, m sols au plus hault et non plus; et qui meilleur marché en pourra avoir, si le preigne; et le deschargeur qui fera le contraire sera a lx sols d'amende, et le marchant qui plus en donrra, a xx sols d'amende.

à. Item, ilz n'auront ne prendront, d'un tonnel de vin deschargier et chargier, que xn deniers au petit port; et de celluy qui sera mis en nacelle au grant port, que II deniers au plus hault et non plus, sans mener : et ou cas ou il ne feroit fors que charger seulement sans mectre en nacelle, il auroit xii deniers.

5. Item, se aucun desdits mestiers reffusoit par fraude les mestiers dessusdits ou aucuns d'eulx a faire et labourer, pour le pris dessusdit au plus, puis qu'il en sera requis, il perdra le mestier et sera banniz de Paris et de la banlieue ung an, et payera lx sols d'amende.

CervoiSfe.

6. Item, nul en la ville de Paris ne pourra vendre servoise plus hault de VIII deniers le sextier, c'est assavoir i denier la pinte : et qui fera le contraire, il perdra le brasser et sera a lx sols d'amende.