POISSON DE MER
1. Item ii est ordonné, sur le fait de la marchandise de poisson de mer, a Paris :
Premièrement, que quiconques vouldra estre poissonnier de poisson de mer, il convient qu'il acheté le mestier; et le vend de par le Roy a l'un plus et a l'autre moins, et en a selon ce qu'il voit que bien est.
2. Item, tout le poisson fres de mer qui sera apporté a Paris jusques a la Saint Remy sera vendu le jour qu'il vient, soit en groz soit en détal, et qui fera le contraire, il perdra le poisson, et l'amendera de x sols parisis.
3. Item, le saumon et le pourpois l'on ne le gardera que deux jours a compter le jour qu'il sera arrivé a Paris, de la Saint Remy jusques a Pasques, et de Pasques jusques a la Saint Remy, il sera vendu le jour qu'il sera arrivé a Paris; et qui autrement le fera , il payera xx sols d'amende au Roy toutesfoiz qu'il en seroit actains; et le poisson de mer qui sera vendu a Paris, de la Saint Remy jusques a la Pasque, n'aura que deux jours de vente tant seullement de celluy qui le vendra en groz, et celluy qui le vendra a détail, ce jour mesnies le doit vendre : et qui plus le gardera en ces deux saisons si comme il est devisé cy-dessus, le poisson sera perdu et acquis, et en sera en l'amende des xx sols dessusdits.
k. Item, nul poissonnier de mer, ne autres quelconques, nobles, religieux ou autres, ne pourra aller encontre le poisson pour l'acheter, se n'est par delà la rivière d'Oise, ou en ville ou y queure marché, ouquel le poisson seroit descenduz pour vendre; et qui autrement fera, il perdra tout le poisson qu'il achètera toutes les foiz qu'il en sera aclaint, et payera cent sols d'amende au Roy.
5. Item, tout le poisson doit estre mis ou penner aussi bon dessus comme dessoubz et ou meilleu ; et qui fera le contraire , il perdra le poisson.
6. Item, nulz poissonnier de mer ne pourra mectre rayes en penier sur autre poisson, et qui autrement le fera il perdra le poisson.
7. Item, quicon<iues amènera poisson a Paris, meslé ensemble en ung pennier, il perdra le poisson toutes les foiz qu'il en sera actains.
8. Item, tous les macquereaulx et le haren qui seront apportez a Paris, seront venduz a compte et se le marchant qui l'achètera ne le veult compter, il aura le serement de cellui qui l'amènera s'il luy plaist, ou l'estalier qui le vendra se fera creable par sa foy de tel compte, comme il y trouvera.
9. Item, tous ceulx qui amènent poisson a Paris pour vendre a charrecte ou a sommier, ilz le descendront dedans les Halles de Paris, sans entrer en maison ne ailleurs; et s'ilz descendoient ailleurs, ils perdroient les denrées et l'amenderoient de Lx sols et celluy chez qui il seroit descendu d'autant.
1 0. Item , les poissonniers de Paris délivreront les niarchans estrangiers du pris quilz leur devront pour leur poisson, dedans lendemain vespres qu'ilz auront acheté le poisson, et s'ilz en faillent, ilz payeront v sols d'amende au Roy toutesfoiz quilz en seront actains. Et se le marchant dehors gist le lendemain qu'il viendra a Paris, par defiault de payement a l'estallier, l'estalier est tenu a luy rendre ses despens de la nuyt, ou de plus se plus demeure et v sols d'amende au Roy.
11. Item, quiconques araenra haren a Paris pour vendre, en charrecte ou en sommier, il convient que le harent soit d'une sieute, a tel tesmoing comme les marchans l'auront monstre; et se le vendeur et l'acheteur s'accordent que le harent soit compté, le vendeur prendra une mèse, et l'acheteur une autre, par main estrange, et a la revenue que ces deux reviendront doit revenir tout le remanant du harent.
12. Item, quiconques acheté harent de Fronelaye et morues bactonnées et macquereaulx salez de marchant estrange, il convient quilz soient ouvers dedans tierce et cloz dedans vespres; et ce est ordonné pour ce que les marchans s'en aloient trop tard, et qui ainsi ne le fera, tout le poisson sera en la volonté du Roy, toutes les foiz qu'il en seroit atains, et l'amendera de lx sols parisis.
13. Item, les cueulleurs de Tonlieu des Halles de Paris, ne pourront riens louer hors des couvertures des Halles au poisson : et se ilz font le contraire, ilz doivent payer l'amende de v sols toutesfoiz quilz en seront actains.
là. Item, les vendeurs de poisson donrront chacun plegerie de lx livres parisis aux maistres qui gardent le mestier pardevant le prevost de Paris, avant quilz s'entremectent de vendre ne d'acheter pour nulluy; et ce ont ordonné les preuxd'ommes pour amender les meffaiz que les autres pourroient faire, et se aucun d'eulx le vend avant la pleigerie, il sera a lx sols parisis d'amende; et ce est estably des vendeurs en groz.
15. Item, quiconques est vendeur de poisson de mor a Paris, il ne peut ne ne doit partir, ne avoir part ne corapaignie a poisson qu'il vende ou acheté, ne luy ne sa femme ou mesnie, et se il le fait, il est en la mercy au Roy de tout son avoir, toutes les foiz qu'il en seroit actains.
16. Item, nul vendeur ne peut envoyer hors en son nom, ne avoir compaignie a marchant dehors; et se aucun est trouvé faisant le contraire, il perdra l'olfice et payera xx livres d'amende au Roy, dont l'accusant aura le quart.
17. Item, oudit mestier n'aura que dix vendeurs tant seulement, lesquelz vendront lesdits poissons en leurs personnes sans ce quilz le puissent faire vendre par leurs femmes, par leurs clercs, mesgniées, ne par aucune autre personne que par eulx; et qui sera trouvé faisant le contraire, il payera lx sols d'amende, mais ceulx. a qui les poissons seront, ou ceulx qui pour eulx les auront amenez, les pourront vendre en leurs personnes si leur plaist.
18. Item, toutesfoiz que aucun desdiz vendeurs yroit de vie a trespassement, et y fauldra que aucun y soit mys, celluy qui mis y sera, sera esieu par les commissaires, appelez a' ce les plus souffisans et convenables dudit mestier des harengiers et poissonniers, affin que il soit le plus convenable et expert pour y estre.
19. Item, lesdiz vendeurs auront et prendront de cbacun panier de poisson quilz vendront, vi deniers parisis, et du millier de baren, xu deniers et non plus : et se plus en prennent, ilz payeront x livres d'amende par la manière que dit est.
20. Item, nulz desdils vendeurs ne sera preneur de poissons pour le Roy, pour Madame la Royne, pour nos Seigneurs leurs enfans ne pour autres de nos Seigneurs queizconques ayant droit ne povoir de faire prinses de poissons, ne ne prendront robes ou biens faiz d'aucuns : et quiconques fera le contraire, il sera privé dudit mestier et payera xx livres d'amende, dont l'acuseur, s'il est autre que des jurez, aura le quart.
21. Item, lesdits vendeurs ne les quatre jurez dont mencion est ftn'cte cy-dessoubz, ne aussi celluy qui a gaiges du Roy pour cause des petiz penniers, ne pourront ne devront vendre ne faire vendre poisson a détail, a estai ne autrement, sur peine de perdre leur office et de x livres parisis d'amende, comme dit est.
22. Item, nul poissonnier de Paris ne peut ne ne doit boullier ne gascher poisson, comme morue salée, macquereaulx salez ou liarent blanc salé : et se il le fait, il perdra le poisson toutes les foiz qu'il en sera actains, dont l'accuseur aura le quart.
23. Item, les compteurs et lés pougneurs ne pourront avoir, de cbacun millier de harent compté, que i denier, cest assavoir du vendeur, maille, et de l'acbeteur, maille, excepté de baren en pannier, dont parlé est cy-dessns : et qui plus en prendra, il l'amendera de v sols parisis, toutesfoiz qu'il en sera actaint.
2à. Item, quiconques amènera poissons en pennier a Paris, il convient que ses penniers soyent empliz loyaument, ou a comble ou sans comble, en la manière quil est devisé pardessus; et se il advient que les vendeurs treuvent en ung pennier xxx harens moins quil ne nommera la somme, il sera en v sols d'amende et restituera a partie.
25. Item, nul marcbant de poisson de mer ne soit si hardy quil amené pennieis a Paris, mendres du patron qui est ordonné et signé au seing le Roy, a la fleur de lyz : et se il les amené, il perdra les denrées comme forfaictes et acquises au Roy nostre Seigneur, et sur ce sera l'estalier desdommaigé par celluy qui les cueille pour le Roy, ou cas toutesvoyes ou ilz ne l'auroient apperçeu estre petit en le acbetant, ouquel cas il ne leur seroit riens rabatu, mais l'amenderoient de V sols, toutesfoiz quilz en seroient actains.
26. Item, que les poissons soyent mis dedans les penniers, sans fraude, bien et
loyaument; et se fraude y estoit trouvée, le poisson sera perdu et celluy de qui il sera, l'amendera de v sois, toutesfoiz qu'il le fera.
27. Item, nul ne soit si hardy qu'il mesle rayes ne chiens de mer avec autres poisson en ung pennier; et pour ce que les raarchans de la mer en ont esté et sont encores trop coustumiers, qui le fera, tout le pennier et les poissons seront forfaiz au Roy en nom d'amende.
28. Item, et pour ce que les voicturiers qui amènent le poisson de la mer sçevent bien lesquelz penniers sont petiz, et pour ce qu'ilz ont esté et sont coustumiers d'amener petiz penniers, ilz en seront pugniz trop plus griefment qu'ilz n'ont esté au temps passé, au regard des jurez.
29. Item, nulz vendeurs ne estalliers ne pourront vendre ne acheter poisson de mer, ne harent mis en pennier ou en charrectes, ne autres poissons, sans responce d'amende des deflaulx ou fraude qui y seroient trouvez, ne ne pourra ne devra le vendeur leisser partir le poisson de devant luy, sans savoir et avoir pris loyal [avis] sur la vente d'icelluy, sur peine de perdre les denrées et d'amende voluntaire.
30. Item, tous les marchans voicturiers de la mer qui amerront saumons ou autres poissons de mer, quelzquilz soyent, harent de Garnisy ou autre harent, les amerront tout droict, sans fraude, es Halles ou lieu acoustumé, sans aucun d'iceulx descendre en nul hostel ne ailleurs : et qui fera le contraire il perdra les denrées. Et se ainsi estoit que lesdits saumons ou autres poissons ou harens ne puissent estre venduz en la journée qu'il seroit venu , quil soit mis en la garde des Halles et non ailleurs, sur la peine dessus dite.
31. Item, nul ne soit si hardy que il acheté ou vende poisson que es Halles ou es lieux accoustumez, soit de Paris ou dehors; et qui fera le contraire perdra les denrées et v sols d'amende.
32. Item, tout selerin sera vendu a compte, ainsi que le harent et macque-' reaux, si comme il est dit cy-dessus.
33. Item, en ung pennier de macquereaux doit avoir lx macquereaulx frès, et se le macquereau est goulfis, si en doit avoir ou pennier l macquereaulx du moins, par droit compte.
34. Item, en ung pennier de troites doit avoir xn troites de moison du moins, et doit avoir chacune troite pié et demy entre queue et teste, du moins; et se ils sont trop menues, on en doit compter deux pour une en la xn"".
35. Item, tout le harent, le selerin, les morues et les mellens salez qui seront amenez en brouecte et en mannes, seront venduz a brouecte ou a mennes ou a tressoumel.
36. Item, nul marchant ne pourra remuer poisson de pennier en autre, puis quilz serorit enpennerez en la mer, ne ne pourra faire de deux penniers, trois, sur peine de perdre toutes les denrées.
37. Item, nulz ne nulle ne pourra sorir harent, se n'est harent frès ou harent de Garnisy, et que le harent soit avant veu par deux des jurez dudit mestier, savoir mon s'il est boil et souffisant pour sorir, sur peine de perdre le harent et de LX sols d'amende.
38. Item, nul ne pourra gascher harent pour vendre que au jour la journée, sur peine de perdre le harent.
39. Item, tous marchans qui amainent poissons a Paris viengnent dedans heure de prime Saint Magloire, ou leurs denrées ne seront vendues jusques au lendemain, et seront mises en la garde des Halles, se les poissons ne viennent de chasse de jour a autre, ou se ilz ne pevent raonstrer loyal essoine.
àO. Item, nul ne nulle ne face ne dye villenie ne despitz aux jurez du mestier ne a aucuns d'eulx, en gardant les droiz du Roy, les forfaictures, les droictures et ordonnances dudit mestier, sur peine d'estre encheuz en grosses amendes envers le Roy, toutesfois que on s'en plaindra et ilz en seront actains.
àl. Item, nuls garsons ne autres personnes doresnavant ne voisent ne allent contre les marées, hors des Halles de Paris, ne ne preignent poissons en penniers se ilz ne l'achètent, sur peine d'estre étournez ou pilory, et d'estre privez de la marchandise, et banniz de la ville de Paris, jusques au rappel du prevost de Paris.
à2. Item, toutes manières de gens vendans poissons a estail auront et prendront gaing convenable pour leur peine, selon l'ordonnance du poisson cy-dessus escripte.
43. Item, nulz poissonniers ou marchans, venans de la mer a Paris et apportans poissons de la mer, ne pourront mectre ne apporter en leurs penniers a poisson frès, foin, feurre ne autres choses quelconques que poissons, sur peine de perdre les poissons et estre acquiz au Roy.
àà. Item, nul ne soit si hardy de vendre caque harent a détail ne en groz, que silost comme il sera mis en vente il ne dye a son marchant se ledit harent est de la présente année ou de l'année précédente, et ceulz qui desdits grossiers auront acheté cclluy qui sera suranné, ilz ne le pourront vendre que il ne le dye estre tel comme il sera, et non pas avec le nouvel, mais sera le suranné vendu devant la Croix des Halles et non ailleurs; et qui sera trouvé faisant le contraire, il perdra les denrées, si l'amendera de diz sols parisis, toutesfoiz qu'il en sera actaint, et l'accuseur aura le tiers.
A5. Item, toutes manières de gens vendans poisson de mer a estail en la ville de Paris, seront tenuz d'acheter les poissons quilz achèteront le jour mesmes. Et ou cas ou ilz se chargeront de en plus acheter que raison, ou que ilz s'efforceroient de le plus vendre que juste pris, par quoy il leur en demourroit a vendre jusques a Teure de couvrefeu sonnant en toutes saisons, nonobstant ce que de la Saincte Croix en septembre jusques a la Saincte Croix en may ilz ayent deux jours
iMPHiNr-Hie :iAit<tTtLK
de vente, l'estalier a qui il en demourra l'eure sonnée sera tenu de le porter et faire porter en la garde, ou l'on a acoustunïé mectre les poissons en garde; et pourra monstrer ce quil y portera a la garde du mestier qui, a peine de v sols d'amende, sera tenu de rendre tout ce qui par telle manière luy sera baillé; et qui sera trouvé le portant en sa maison, ou autrement faisant le contraire, il perdra les denrées, et payera dix solz d'amende, toutesfoiz qu'il en sera actains, dont l'accuseur aura le tiers.
46. Item, celliiy qui demourra a Petit Pont, a la porte Baudoyer, comme dit est dessus, sera en semblable manière et sur les peines dessusdites, mis en garde.
M. Item, il est ordonné que quatre preud'ommes seront esleuz chascun an doresnavant par le prevost de Paris ou l'un des auditeurs au Chastellet, appelé a ce le procureur du Roy et le prevost des Marchans et plusieurs des plus loyaulx et souffisantes bonnes gens de la ville de Paris, estans et demourans es Halles de Paris et environ, tant jurez vendeurs, estaliers comme autres, lesquelz quatre preud'oumes ainsy establiz, jureront parleurs seremens, leurs mains mises, tenues et touchées aux sains Euvangilles de Dieu , que lesdites ordonnances et tous les poins dudit mestier, cy-dessus nommez et esclarciz, ilz tiendront et feront tenir plainement sans enfraindre, ne ne le lairront pour raison de depport, de faveur, de frère, de seur, de cousin, de parent, ne autrement en quelque manière que ce soit. Et ou cas qu'il seroit trouvé que saichamment feissent le contraire, ilz seroient privez dudit mestier, reputez pour parjures et pugniz d'amende voluntaire.
48. Item, lesdiz jurez seront tenuz par leursdiz seremenz, toutesfoiz que aucun encourra en aucune peine ou fera contre aucuns des poins dudit mestier, de le rapporter par devers le prevost de Paris ou l'un des auditeurs et le procureur du Roy, pour les punir en la manière que dessus est dit et aultrement, semestiers est et le cas le désire. Et chascun an, par quatre foiz et a quatre termes, se présenteront pardevers lesdits establisseurs ou l'un d'eulx pour savoir se aucune correction sera a faire oudit mestier.
49. Item, quant se vendra au bout de l'an que iceulx jurez establiz auront ainsi servy et gardé ledit mestier, comme dit est, ilz seront tenuz de retourner et eulx retraire pardevers lesdiz establissans et leur présenteront leurdite commission, et lesdits establissans seront tenus de savoir comment lesdiz jurez establiz se seront portez en leurdit temps, et par manière dessusdite feront, establiront et institueront deux de ceulx et autres nouveaulx preudommes que ilz prendront en icellui mestier ou d'autres, se il semble que bon soit, pour ledit mestier garder, comme dit est; et ceste mutacion fait l'on pourceque lesdiz jurez ne soyent acointez de trop de gens, ne que ilz ne prengnent faveur avec lesdiz poissonniers ou autres, si comme on a fait le temps passé.
50. Item, pourceque les quatre jurez dont parlé est cy-dessus n'ayent cause d'eulx douloir pour leur labour et service, pour lequel ilz ont laissé toute marchandise de poisson, ilz auront la moitié des amendes qui par eulx viendront a clarté.
