TITRE IX
1. Item, sur le fait et marchandise de poisson de aue doulce, il est ordonné que nul ne nulle ne peut ne doit aller encontre le poisson d'eaue doulce que on apporte a Paris pour vendre, ne l'acheter pour revendre a Paris ne ailleurs, de trois lieues en tous sens, mais tant seulement a Paris aux bouticles en la saunerie ou es pierres du Roy d'entour Chastellet et lez petit pont. Et qui fera le contraire il perdra la marchandise et l'amendera de lx sols parisis.
2. Item, s'aucun estoit trouvé musse pour vendre son poisson en reppost ou autrement, il perdra le poisson et l'amendera a volenté, et aussi celuy chiez qui il sera muciés luy sachant ou ses genz.
3. Item, nul ne nulle ne pourra son poisson musser, repporter ne retourner ça ne la, puis qu'il est meuz de son hostel pour l'apporter a Paris pour vendre, ains le doit apporter aux pierres le Roy a Paris, et non ailleurs : et se ilz le font autrement, ilz perdront le poisson et l'amenderont au Roy, et illec vendront leurs poissons a toutes manières de gens qui en auront a faire pour leurs vivres, jusques a l'eure de midi sonné a iNostre Dame de Paris, sans ce que marchant ou autres quelzconques en puissent acheter pour revendre en la ville de Paris ne ailleurs, jusques après ladite heure sonnée ou sceue.
li. Item , nul n'yra encontre les marchans de lemproyes acheter pour revendre , et qui autrement le fera, il l'amendera a volenté.
5. hem, toutes main'ères de marchans de lemproyes dès ce qu'ilz seront parliz de leurs hostelz, pour venir a Paris, feront apporter leurs denrées et descendre aux Louticles ou aux pierres le Roy, et ne pourront entrer en la ville de Paris, se n'est de plain jour, sur paine de perdre le poisson et d'amende voluntaire.
6. Item, nul poissonnier de Saint Denis n'achètera nul poisson d'eaue doulce venans a Paris, pour revendre en la ville de Paris, a peine de forfaire le poisson et d'amende voluntaire.
7. Item, pour garder lesdites ordonnances en leur forme et teneur sans enfraindre, seront establiz parle prevost de Paris ou ung des auditeurs de Chastellet, appelle a ce le procureur du Roy et le prevost des Marchans, deux preudoumes qui seront esleuz par le commun du mestier et d'autres bonnes gens autres que du mestier, se mestier est, lesquelz jureront par leurs seremens, la main touchée aux sains Euvangilles de Dieu , tenir et garder fermement lesdites ordonnances sans eu-
fraindre; et aussi leur sera enjoinct de le faire sur peine de leurs biens perdre, et iceulx confisquez et estre appliquez au Roy, a sa volenté ou de ses establissans; et auront la moitié de leurs amendes pour leur salaire lesdiz jurez.
