TITRE XXIV

VIGNERONS

Les vignerons ont été considérés comme un métier parisien; l'ordonnance du roi Jean (titres XV et XVII) fixe le prix de leur journée de travail et donne de très curieux renseignements sur l'ouvrage. Pour assurer la culture, on obligeait les vignerons à travailler deux jours par semaine à la tâche chez les particuliers.

En ) /167, Louis XI reconnaît leur communauté et les autorise à élire tous les ans quatre jurés enregistrés au Châtelet, pour visiter les labourages et façons des vignes, ayant droit de toucher des salaires et d'imposer des amendes.

Ces statuts furent transcrits sur les registres du Châtelet comme ceux des autres métiers et confirmés en 1 488.

La confrérie, dédiée à saint Vincent, était établie dans l'église Saint-Merry.

Collections de la Ville et de la Monnaie.

-îJ<S><i-

1467, a4 juin. — Chartres.

Lettres patentes de Louis XI contenant les premiers statuts des vignerons.

Arch. nal., Livre jaune petit, Y 5, fol. 18I1. ■ — Bannières, 1" vol., Y 7, fol. 7a. Coll. Lamoignon, t. IV, fol. 687. — Traité de la police, I. III, p. 537.

Loys, par la grâce de Dieu, Roy de France, à tous ceulx qui ces présentes lettres verront, salut. Reçeue avons l'umble supplicacion des maistres de la con-

VIGNERONS. .701

frarie, ensemble de la communaulté des vignerons de nostre ville et cité de Paris, contenant que par cy devant, à l'occasion de ce qu'il n'y a eue quelque Visitation ne regard sur le labouraige et façon des vignes d'entour nostre ville de Paris, y ont esté faictes et commises pluseurs faultes et abuz en diverses manières, dont se sont ensuiz maintes pertes et dommaiges, perdicion de vignes et des fruitz d'icelles, et autrement en plusieurs manières ou préjudice et lésion de la chose publicque, et dont plaintes et doléances ont esté faictes et se font chacun jour ausdits supplians, lesquelz n'y ont peu ne pourront mettre ne donner provision ne y faire visitation, parce qu'il n'y a aucuns jurez en leur meslier. A ceste cause, et que ce redonde en leur charge et deshonneur, et non pas seullement de ceulx qui font lesdites faultes, mais aussy de toute la communaulté d'entre eulx, ilz nous ont humblement fait supplier et requérir qu'il nous plaise leur impartir notre grâce et provision sur ce. Pourquoy nous, ces choses considérées, par l'advis et délibération des commissaires par nous ordonnez, en nostredicte ville de Paris, pour ce assemblez en la chambre du Conseil, avons ordonné et ordonnons, par ces présentes :

1. Que doresnavant lesdits maistres de la confrairie, appeliez avec eulx telz autres gens dudit mestier et artiffice qu'ilz verront estre à faire, esliront par chacun an quatre prudeshommes dudit estât, les plus expers et souflisans qu'ilz pourront; lesquelz ainsy esleuz, auront puissance de visitter lesdiltes vignes de tout le vinoble d'entour nostreditte ville de Paris, rapporteront à justice les faultes et malfaçons qu'ilz trouveront avoir esté faictes en icelles, toutesfois qu'il leur sera ordonné par justice et que les parties a qui ce touchera le requerront.

2. Item, lesdits quatre jurez ainsy esleuz que dit est, seront enregistrez ou Chastellet de Paris, et feront le serment es mains du prevost de Paris ou son lieutenant, de bien et loyaument visiter, et de rapporter et dire vérité desdites malfaçons.

3. Item, chacun d'iceulx jurez, pour leur peine et salaire, auront chacun par jour, aux despens de ceulx pour qui ilz vacqueront à faire visitation, quatre solz parisis, lesquels se recouvreront sur celuy qui aura la faulte, se faulte y a, et paiera avec ce l'amende, telle qu'elle sera ordonnée par justice, à appliquer moittié a nous et l'autre moiltié a la confrairie et bannière dudit mestier.

li. Item, a faire laditte visitation n'aura que deux jurez, s'il n'estoit ordonné par justice qu'ilz y fussent tous quatre, ou que partie le requist, ouquel cas la partie, ce requérant, paiera les fraiz desdils deux jurez sans les recouvrer, supposé qu'il obtenist à sa fin.

Lesquelz articles cy dessus escriptz nous voulons estre tenus et observez par lesdits supplians et leurs successeurs oudit mestier, par ordonnance et statutz doresnavant à touz jours, estre enregistrez es livres et registres de nostredit Chastellet de Paris avec les autres ordonnances et statuz des mestiers d'icelle

nostre ville W Donné à Chartres le xxuii" jour de juing, l'an de grâce mil

cccc soixante sept et de nostre règne le sixiesme.

''' 1488, 12 janvier. — Lettres patentes de Charles VIII confirmant les statuts des vignerons :

(T Charles par la grâce de Dieu Roy de France, a tous ceuix qui ces présentes letres verront, salut. L'uinble supphcacion des maistres de la confrarie de Saint Vincent, en l'église monseigneur Saint Merry, de nostre ville de Paris, et de la communauté des vignerons d'icelle ville , avons reçeue , contenant : que pour obvier aux faultes et abuz qui se pouroient commectre chascun jour en maintes manières sur la façon des vignes d'entour nostredite ville de Paris, ou grant préjudice et lésion de la chose publicque et a la charge et deshonneur desdits supplians , feu nostre très chier seigneur et père , que Dieu absoille , a la requeste d'iceulx supplians, feist et eslablit certains statuz et ordonnances touchant le fait et visitacion desdites vignes

et vinoble d'entour nostredite ville de Paris, et sur ce leur octroia ses lettres patentes en forme deue, desquelles la teneur s'ensuit :

ffLoys par la grâce de Dieu. . . (Suit le texte de la charte de i^ôy.)»

rf . , . Pourquoy nous... approuvons par ces présentes, voulans et octroyans que icelles ordonnances soient entretenues et observées, et que lesdits supplians et leursdits successeurs oudit mestier en joissent et usent, tout ainsy que lesdites letres de nostredit feu seigneur et père le contiennent et qu'ilz en ont par cy devant joy et usé . . . Donné à Paris ie xji" jour de janvier l'an de grâce mil cccc quatre vingt et sept et de nostre règne le cinquiesme.» (Arch. nat., Livre jaune petit. Y 5, fol. iSi. — Coll. Lamoignon, t. V, fol. i68. — Traité de la police, t. III, p. 527.)