TITRE X
BOUCHIERS.
1. ItemW, que nulz bouchiers ne autres personnes, puis que le bestail sera esmeu a mener au marché, ne pourront aler au devant des denrées, ne icelles denrées meues a amener au marché, vendre, acheter aux estables ne en autres lieux, se ce n'est aux lieux a ce acoustumez et ordonnez par toute la viconté de Paris. Et aussi ne les pourra l'on vendre n'acheter a Paris ne es faulxbourgs de Paris, se n'est en la place que l'on dit la place aux porceaulx, et excepté tant seullement bestail de let et après heure de midi, excepté bouchers detaillers qui les pourront acheter dedans ladite heure pour revendre a détail et a estai et non autrement, sur peine de perdre les denrées et d'amende voluntaire.
'2. Item, nulz valetz bouchers ne pourra aler ne acheter denrées en quelque lieu que ce soit, se il n'est tailleur et expert a savoir et povoir acheter et payer. Et quiconques fera le contraire, il perdra les denrrées et l'amendera.
3. Item, se aucun veult partir a aucun marchant, il y peut et pourra partir et paier sa porcion du pris de telle part, comme il y devra avoir, et sans ce qu'il y ait nul encherissement oultre le premier marché.
à. Item, toutes autres manières de bouchiers de la ville, prevosté et viconté de Paris, jureront et affermeront par leurs seremens que loyaument et véritablement ilz mectront en somme tout ce que les besles qu'ilz tueront et vendront a estai leur auront cousté, et que, de chascun xx sols, rabatu tout le prouffit qui desdites bestes leur demourra, il prendront pour leur acquest tant seulement n sols parisis pour livré et non plus; et qui sera trouvé faisant le contraire, il forfera le mestier et sera pugny d'amende voluntaire, et aura l'accuseur la quarte partie de l'amende. Et ou cas ou les bouchers de la ville de Paris seroient de ce faire reffusans et ne le vouldroient faire, ilz seroient privez du mestier, et donrroit l'on congié a toutes manières de gens de fère et lever boucherie, en quelque lieu qui qu'il leur plairoit en la ville de Paris, mais quilz vendent chars bonnes, loyaulx et soulfisantes.
''' Outre les Bouchers et les Chandeliere ce titre nances du roi Jean , les Chandeliers se chargeaient
mentionne encore, à l'article IX, les Moutardiers du commerce de la moutarde et du vinaigre. Évi-
et les Huiliers, qui doivent vendre leurs mar- demment l'épicerie est très étendue, mais c'est in-
chandises dans les mêmes conditions de bénéfice. duire le lecteur en erreur que de formuler une pa-
Lamare {Traité de la police, t. III, p. 434) se fonde reille assertion. sur ce texte pur avancer que, d'après les ordon-
Des bouchiers et chandeliers de suif.
5. Item, nul Chandeliei* de suif ne pourra mectre sain ne oingt, flambeaulx ne autres gresses en leur suif, ne nulz bouchers aussi. Et y aura visiteurs qui visiteront les denrées pardevers les bouchers et les chandeliers qui auront la quarte partie des forfaictures qu'ilz trouveront.
6. Item, quiconques aura plus de trois milliers de suif, qui se cesse d'en acheter plus, jusques a ce quil ait vendu les deux pars. Et quiconques fera le contraire, il perdra les denrées et l'amendera.
7. Item, nul bouchier ne vendra chair sursemée, ne aussi ne gardera cher tuée plus de deux jours en yver, et en esté jour et demy au plus. Et ou cas qu'il fera le, contraire, il l'amendera chacune foiz de vingt solz.
8. Item, pour visiter ledit mestier des bouchiers et cellui des chandelliers, seront establiz quatre preudommes qui jureront par leurs seremens que loyaument et justement, sans depport d'aucun, ilz visiteront et verront es hostelz, celiers, maisons et autres lieux desdits bouchers et chandelliers, et que toutes les deffaultes qu'ils trouveront, sans depporter aucun, le jour mesmes que trouvé l'auront, ilz rapporteront pardevers le prevost de Paris ou l'un des auditeurs, le procureur du Roy et le receveur de Paris, qui en ordonneront, si comme raison sera. Et seront lesdiz jurez renouveliez cliacua an de leurs seremens par ledit prevost de Paris, ou l'un des auditeurs, le procureur du Roy et le prevost des Marchans. Et auront lesdiz jurez, pour leur salaire, le tiers des amendes et forfaictures qui en ystront.
9. Item, lesdiz chandeliers jureront par leurs seremens, et aussi les moutardiers et les huilliers que ilz prendront, sur chacun xx soldées des denrées qu'ilz vendront, n solz parisis de pur acquest, tant seulement; et qui sera trouvé plus en prenant, il perdra les denrées et l'amendera, sans ce quilz y puissent compter aucuns autres despens ou salaires que le pur principal que le suif et lumegnon leur coustera et le labeur de ceux qui feront les chandelles.
