TITRE XI
POULAILLERS, ELFZ ET FROMAIGES.
1. Item, nul quelqu'il soit ne pourra acheter pour revendre poulaille, eufz, fromaiges, perdris, cognins, aigneaulx, chevreaulx, veaulx, sauvagines, ne autres vivres quelconques, en la ville de Pai'is, s'ilz ne les achètent es places publicques et lieux ou les marchiez sont, et ont acoustumé a estre, et en plai» marchié; et ne les pourront les poulaillers ou regratiers acheter pour revendre, en la ville de Paris, se n'est après l'eure de midi sonnée a Nostre Dame de Paris; et seront tenuz toutes manières de gens et marchans apporter leurs denrées quelconques,
sans descharger, ne aller aux marchez, ne regratiers aucuns, se ce n'est es places et marchez publicques et acoustumez, afin que chacun s'en puisse garnir, et en avoir pour son vivre, dedans ladite heure, et avant que les marchans les achètent pour revendre , sur peine de perdre les denrées et pugniz de peine et amende voluntaire. Et aura l'accuseur de la deffaulte, la quarte partie du prouffit des amendes. Et ou cas que aucun apporteroit a Paris aucunes des denrées et marchandises dessusdites, et les baillast et livrasta marchans, en faingnant et laissant vérité quilz feussent dudit marchié, et sans mener es places dessusdites, ilz perdroient la marchandise et l'un et l'autre l'amenderont. Et sont les places a vendre poulaille et les deppendences du mestier : en la rue neufve Noslre Dame, devant Chastellet, a la porte de Paris; et es Halles, en la Cossonnerie : et les eufz et fromaiges, devant Saint Cristofle et ou cimetière Saint Jehan, et non ailleurs , sur lesdites peines.
2. Item, et si aucun des marchands des denrées et marchandises dessusdites alloient ou envoyoient par les villes, ou il y a marché, acheter aucunes des marchandises dessusdites, ilz ne les pourront acheter ne faire acheter, a jour de marché, devant feure de prime sonnée et sceue es villes ou le marché est, et se ilz faisoient le contraire, ilz perdroient la marchandise et l'amenderoient d'amende voluntaire.
3. Item, ou cas que aucun marchant de poulaille, d'eufz et de fromaiges s'arresleroit, depuis qu'il seroit party de sa maison ou du lieu ou il auroit prins les denrées, par faveur desdits regratiers, en attendant que ladite heure fust passée, il perdroit les denrées et l'amenderoit.
li. Item, que pour les mestiers des poulaillers et queconniers de la ville de Paris estre mieulx et plus loyaument gardez sans enfraindre, nous avons ordonné que deux preudommes dudit mestier ou autres seront esleuz, lesquelz jureront par leurs seremens que, ledit mestier et les ordonnances faictes sur icelluy, ilz garderont et feront garder bien et loyaument, sans enfraindre, et que tantost et incontinent que aucuns dudit mestier ou autres s'efforceroient de faire ou aler contre les ordonnances, ilz les contraindront et feront contraindre a amender, selon les peines dedans ordonnées, ou les amerront devant le premier juge que ilz trouveront pour les en pugnir, si comme raison devra.
5. Item, que lesdiz jurez, toutes les sepmaines trois ou quatre foiz, vendront et visiteront par les ouvrouez et hostelz desdits poulaillers, tous les congnins, lièvres, perdris, videcos et autres bestes, et oyseaulx sauvaiges que l'on a acoustumé vendre mors a Paris. Et ou cas ou ilz trouveront que lesdits poulaillers, ou aucuns d'eulx, ayent tenu et gardé pardevers eulx aucunes des choses dessusdites sans vendre, tant que il leur appare icelles estre corrompues, ilz seront tenuz, par leurs seremens et a peine d'estre repputez pour parjures, et d'amende voluntaire, de les prendre et les faire ardoir, partie devant l'ostel de celluy
sur qui ilz seront trouvez, et l'autre partie gectée en la l'iviere ou portée aux champs; et ou cas que cellui sur qui ilz seront trouvez vouldroit maintenir que ilz feussent bonnes, que tantost, sans nul delay, il porte lesdites denrées devant le premier juge qu'ilz trouveront, ou Chastellet, et illec appeliez avec lesdiz jurez des autres marchans dudit mestier, en sera ordonné par la manière que dit est.
