OUVRIERS EN CUIRS
1. Item, que les conrrayeurs de cordouen. ne pourront estre marchans de cordouen et corroyeur ensemble, mais correur par soy, sur peine d'amende arbitraire. Et pourront prendre et avoir tant d'apprenliz comme ilz vouldront, lesquelz apprentiz pourront avoir leur mestier quant ilz auront esté aprentiz deux ans; et lesdiz correurs sur ladite peine ne pourront prendre de la xu™ du plus grant et du plus fort cordouen, que xu sols de corroyer, et de l'autre cordouan plus petit, a la value; et qui fera le contraire, il l'amendera a volenté, et sera privez du mestier.
Baudroyeurs.
2. Item, les baudroyeurs pourront ouvrer de nuyt depuis la Toussains jusques a my-inars et pourront avoir tant d'apprentiz comme ilz vouldront; lesquelz apprentiz quant ilz auront esté apprentiz deux ans, pourront avoir leur mestier et gaigner la ou ilz vouldront. Et ne pourront prendre de corroyer ung doz, de la taille de Paris et de Ponthoise, que u sols vi deniers, et de tout autre cuyr, de quelque taille que ce soit, a la value. Et qui fera le contraire, il perdra le mestier et l'amendera a volenté.
Cordonniers.
3. Item, les cordonniers pourront avoir et prendre pour soliers de cordouau a clercs ou a bourgois des meilleurs, ii sols nu deniers et non plus, et les autres moins fors, a l'avenant, et ceulx a femme, xx deniers, et les plus fors a femme n sols, et ceulx des autres gens, a la value, et ceulx a gens de ville, m sols ou m sols VI deniers; et ne pourront vendre les fors et les meilleurs de cordouan ou de vache, que un sols et non plus. Et ne pourront vendre en leurs maisons nulz soliers ne houreaulx que ceulx quilz feront en leur ouvrouer; et se ilz vendent autre ouvraige que celluy qu'ilz feront en leur ouvrouer, ilz le porteront en la Haie et place ordonnée et non ailleurs; et ne prendront les valetz desdits cordouenniers de couldre et de tailler une douzaine de souliers renduz prestz, que nu sols et non plus, et qui fera le contraire, il sera en amende voluntaire. Et ne pourront les cordonniers estre marchans de cordouan et cordonniers ensemble, mais marchans par soy ou cordonnier par soy. Et se ilz font le contraire, ilz perdront les denrées et payeront x sols d'amende, dont l'accuseur aura le quart touteffoiz quilz seront actains.
à. Item, les tanneurs de cuirs tanneront les cuyrs en la guise et en la manière, et aussi bien comme l'on les souloit tanner anciennement, sur peine d'amende.
5. Item, nul ouvrier et faiseur de souliers de basanne a Paris ou es faulxbourgs ou en autres villes de la prevosté, viconté et ressort d'icelle, ne pourra mectre en euvre ne faire souliers de peaulx demoton ou de brebis, ou de cliiès tanné, ne les vendre, mais tant seulement de basanne d'Auvergne et de Provence bonne et .fine; et qui fera le contraire il perdra la marchandise et sera privez du mestier, et l'amendera de x sols pour chascune foiz qu'il fera le contraire. Et celluy qui l'accusera aura le quart, et seront visitez lesdites basannes par certaines personnes a ce ordonnez.
6. Item, nul faiseur de souliers ou de houreaulx de cordouan ou de vache ne pourra faire souliers ne houzeaulx de veaul , ne vendre en son hostel , mais en la
Halle cy-dessoubz ordonnée , et lors il le vendra comme de veau ; et se il fait le contraire, il perdra Ja marchandise et sera en amende de x sols pour chascune foiz qu'il le fera; et seront ordonnez certains preudommes qui visiteront souvent le mestier desdits cordonniers, et aura l'accuseur le quart de l'amende.
Savetiers.
7. Item, le savetier ne pourra avoir ne prandre, de mectre en souliers de son cuyr de chascune ante que u deniers et non plus; et de couldre d'autruy cuir de chascune ante i denier; et de y mectre quatre quarreaulx de son cuir les meilleurs xn deniers et non plus, et d'autres a l'advenant; et de couldre d'autruy cuyr u deniers et non plus; et de mectre ung rivet en ung solier, une maille. Et qui fera le contraire il l'amendera de vi sols, dont l'accuseur aura la moitié; et de rappareillier en autre manière, a l'avenant.
8. Item, combien que en aucun temps pour ce que en la ville de Paris avoit grant habondance de cordouan d'Espaigne qui est meilleur conrroy des autres, eust esté ordonné que nul conrroy de Flandres ne feust venduz, pour ce que ceulx de Flandres estoient partie conrroyez en tan, et l'on a trouvé, par le serment des marchans de cordouen en groz demourans a Paris, des tanneurs, baudroyeurs, corroyers et cordonniers, que lesdits cuirs de Flandres sont bons, loyaux et prouf- (itables, pour en user en la ville de Paris et ailleurs, et que icelle ordomiance ne feust faicte fors seulement par la grant habondance de cordouan d'Espaigne qui lors estoit et venoit a Paris, ordonné est que toutes manières de cuirs de cordouan soulTisant seront doresenavant venduz et achetez et mis en cuirs par les ordonnances de la ville, prevosté et viconté de Paris, nonobstant ordonnances, statuz a ce contraires,
