TITRE XIV

MARCHAINS FORAINS.

1 . Item , il est ordonné que tous marchans forains qui apporteront en la ville de Paris aucunes marchandises et denrées pour vendre, les porteront pour vendre es haies et marchiez publicques etacouslumez, et ailleurs ne les pourront descendre ne ailleurs vendre, sur peine de perdre les denrées et d'estre en amende de volenté. Et pour ce que aucuns marchans tant brabançons que autres apportent souvent et ont acoustumé apporter en la ville de Paris, souliers, houreaux, chappeaux de bievre et de feutre, selles, brides, galoches, chandelles de suif et autres, patins, espérons, toilles, armeures et autres denrées pour vendre, ceulx qui telles choses achèteront pour revendre en la ville de Paris, ne les pourront porter en leurs maisons pour revendre, fors que esdiz marchiez et places publicques, sur les peines dessusdites; et ou cas que l'on rappelleroit en double que aucunes des dem-ées et marchandises ne soyent loyaulx et souffisant, les niaistres des mestiers n'en pour-

IMPKIWKire ^ITIOXILI.

ront congnoistre sans appeiler le prevost de Paris, ung des auditeurs de Ghastellet, le procureur du Roy et le prevost des Marchans; et s'aucuns faisoient le contraire, ou V conimectoient aucune fraude, ilz perdroient la marchandise et l'amenderoient a volenté, et cellui qui les accusera aura la quarte partie de l'amende; et pour ce que chascun saiche ou il devroit descendre et vendre leurs marchandises, il est ordonné qu'ilz les descendront et vendront en la halle neufve, partie devant la halle au blé. Et s'aucuns des marchans de Paris alloient ou envoyoient en aucuns pays estranges acheter aucunes marchandises, ilz ne les pourront porter, descendre, vendre ne faire vendre en la ville de Paris, fors que en la Halle et places dessusdites ou en celles qui a la marchandise sont pieça ordonnées, sur peine de l'amende dessusdite; et aussi le pourront faire tous marchans forains et autres et non autrement; et tous marchans dehors, qui marchandise vouldront ainsi faire, il pourront venir seurement et sans aucune double en la ville de Paris.