TITRE XV

[LABOLREURS DE VIGAES.]

1. Item, il est ordonné que les laboureurs de vignes auront et prendront de vendanges passées et accomplies jusques a my-fevrier ensuivant, pour ouvrer es vignes des façons acoustumées en icelluy, c'est assavoir : les tailleurs, xvni deniers pour jour, sans despens, les foueurs, xvi deniers pour jour sans despens; ceulx qui font les autres labours desdites vignes, xn deniers pour jour et au dessoubz sans despens, et non plus; et de my-fevrier jusques a la fin dudit mois d'avril, n sols vi deniers parisis par jour les meilleurs tailleurs, et les autres au dessoubz sans despens, et non plus. Es lieux toutesvoyes ou ilz ont acoustumé l'aire leur journée loyaument, de soleil levant jusques a soleil couchant, et ez lieux ou ilz ont heure acoustumée d'ancienneté, au dessoubz desdits pris, sans despens; et es lieux ou ilz usent desdites heures, au dessoubz selon lediz pris et lesdites heures par delà.