MARCHANS DE FOING

1. Item, nul marchant de foing ne autre ne pourra aler contre le foing qui vient a Paris par terre ou par eaue, pour acheter ne marchander, avant que ledit foing soit venu au port a Paris ne quant il sera venu au port, pour le revendre en groz au port, sur peine d'amende. Et auront les lyeurs de foing pour lyer ung

millier de foing de l'euvre de Paris a deux lyens, n sols, et a trois liens ii sols vi deniers parisis, et de l'euvre de Rouen, m sols, et non plus n'en pourront prendre; et qui plus en prendra et donrra, il l'amendera a volenté.

2. Item, nul ne pourra descharger nef ou charrecte a charge de foing que l'on portera pour vendre a Paris puis que la première foiz sera chargée, jusques a tant que ladite nef ou charrecte soit venue en la ville ou au port de Paris, se ce n'est en cas de nécessité. Ne n'osera aussi nul mesler foing avec celluy qui sera en la nef, sur peine de perdre le foing et d'amende, et ne pigner, deslier, ne deschargierle foing de Rouen pour apetisser, mais le vendront tel comme il sera venu, a la peine dessusdite.