CHARBON

1. Item, que si tost comme le charbon sera chargé en la nef dedans l'eaue qu'il n'ait que trois jours de séjour; et ceuix qui l'amerront le mectront a la voye de l'amener a Paris ou en la ville ou ilz vouldront venir, se par fortune de temps ne demeure; et quant ilz seront arrivez au port a Paris, ilz l'auront afeuré et mis a taverne dedans le tiers jour au plus tard; et est défendu et cryé de par le Roy que nul n'acheté en rivière ne en ville de Paris, charbon pour revendre a Parisj entre Pasques et la Toussains, sur peine de perdre le charbon et de l'amender au Roy.

2. Item, quiconques vouldra amener charbon a Paris, a charroy ou a sonimaige, faire le pourra si et en telle manière que dès ce quil sera party du lieu ou il sera prins, pour venir a Paris, et sera entré en la ville de Paris, il sera tenu de mener le charbon parray ladite ville et le vendre se il peut, sans descharger ne mectre en sa maison ou granche, ne muer de sac en autre; et ou cas qu'il ne le pourroit vendre icelle journée, ilz seront tenuz de le mener porter et faire descendre en la place de Grève a Paris, devant la maison en la Tournelle, qui est le droit lieu acoustumé a Paris a vendre charbon. Et qui fera le contraire perdra ses denrées, et l'amendera chascune foiz qu'il en sera reprins.

'"' En marge : de non vendre denrées n plus hauUpris qu'elles seront afforées.