MESUREURS DE BUSCHE

i. Item, en la ville de Paris n'aura que t mesureurs de busche tant seulement, et ne pourront prendre de compter ung cent de busche ne de moler busche, plus que par ordonnance faicte anciennement ou Parlouez aux Bourgois est ordonné.

2. Item, si tost que la busche et le charbon seront arrivez au port, lesdiz mesureurs vendront pardevers le prevosl des Marchans et aux Eschevins de la ville de Paris pour afeurer la busche et le charbon après le tiers jour, sur peine de perdre leur office et de lx sols d'amende.

3. Item , si tost que la busche et le charbon seront arrivez au port en Grève et en la place aux marchans, cellui a qui la busche et le charbon sera ne le pourra vendre, se n'est par luy, sa femme ou sa mesgniée couchans et levans en son hostel, sur peine de perdre la marchandise; et qui en ce coramectra aucune fraude, il sera puniz comme dessus.

à. Item, nul ne soit si hardy de vendre charbon ailleurs que en la nef; et sera tenu le juré de la nef de bailler mynot et demy mynot, boissel et demy boissel au pris du sac de charbon; et qui trouvera charbon a vendre ailleurs que en la nef, il perdra le charbon et l'amendera de lx sols parisis, se ce [n'est] braise ou charbon venant a somme,

5. Item, nul buschier vendeur de busche ou de charbon, puis que sa busche ou charbon aura esté une foiz a pris ou a feurre, ne le pourra renchérir ne mectre a plus hault pris, mais que chascun en ait pour ledit pris qui prendre en vouldra. Et qui fera le contraire, il perdra les denrées.

6. Item, que toutesfoiz que aucunes denrées seront baillées par compte a quelconques voituriers tant par terre que par eaue, les voicturiers seront tenus de les rendre par compte; et quiconques fera le contraire, il sera en amende voluntaire et rendra le dommaige.

7. Item, puis que busclie est chargée en la nef, qu'elle soit amenée a Paris ou la ou ilz vouldront vendre sans séjourner aussi comme charbon; et quant elle sera arrivée au port, elle sera afTeurée hors feste, dedans le tiers jour, et mise en vente; et que elle soit en la nef ou en la place aux marchans, ou en Grève, et soit vendue dedans le tiers jour après; et que toutes manières de gens ayent de la busche les tiers jours, et sera afeurée par le prevost des Marchans, si comme bon luy semblera.

8. Item, que depuis quelle sera chargée en la nef et mise en chemin pour venir a Paris, et quelle sera arrivée a Paris, que nul ne la puisse acheter pour revendre a Paris, sur peine de perdre les denrées, et d'amende arbitraire.

9. Item, nul marchant puis qu'il aura les choses dessusdites afeurées hors grenier ne les puisse niectre en grenier, mais quil les vende si comme dessus est dit; et qui fera le contraire, il perdra la busche et l'amendera au Roy.