FAISEURS DE POTS ET D'ESCUELLES D'ESTAING

1. Item, nul faiseur de potz et d'escuelles d'estaing ne pourra prendre de changer le marc vielz a neuf, a l'euvre de Paris, que le tiers plus quilz souloient avant la mortalité, et d'euvre d'autre pays a l'avenant et de ce quilz vendront de neuf sans changer, ilz prendront gaing a l'avenant du pris d'échange; et ne pourront vendre nulle euvre d'estaing s'elle n'est faicte a Paris; et les marchans qui les apporteront a Paris les porteront pour vendre en la Halle ordonnée dessusdite, et non ailleurs. Et ne pourra nul acheter a Paris euvre d'estaing ouvrée pour revendre a Paris sur peine de perdre le mestier et d'amende voluntaire.