TITRE LXXIII

C'est le registre des Estuveurs (a>.

I. Quiconques veut estre Estuveur en la ville de Paris, estre le peut franchement, pour tant que il euvre selonc les us et les coustumes du mestier, faites par l'acort du commun, qui telz sont :

II. C'est a savoir que nuls ne nule ne crie ne face crier leurs estuves jusques a tant que il soit jour, pour les perilz qui pevent avenir en ceus qui se lie vent au dit cri pour aler aus estuves.

III. Item, que nuls ne nule du dit mestier ne soustiengne en leurs mesons (b> ou estuves, bordiaus de jour ne de nuit, mesiaus ne meseles rêveurs, ne autres genz diffamez de nuit.

IV. Item, que nuls ne nule ne chauffe estuves en jour de dimenche, ne en jour de feste que conmun de ville foire. Et paiera cbascunne personne, pour soy estuver^, deus deniers; et se il'se baigne, il en paiera quatre deniers. Et pour ce que en aucun temps bûche, charbon sont plus cbiers une fois que autre, se aucun se douloit, atrenpement convenable y sera mis par le prevost de Paris, par le rapport et serement des bones genz du dit mestier, selonc la qualité du temps.

(,) Ce titre est d'une écriture du siv° siècle. — (b) Ms. Lara, en leurs hostieusc. — c) Ms. Chût, qui s'estuvera.