FOURBISSEURS. — ARCHERS

VIII(c). Nus ne puet ne ne doit conmencier le mestier devant dit que il ne jure serment et garantie seur Sains, par devant les nu preud'omes jurez du mestier ou par devant les u au mains, que il le mestier fera et gardera bien et loiaument, en la manière desus devisée. Et se li un preud'ome voient aucune persone qui vuele comencier le mestier devant dit, qui ne soit pas reseans ne soufissable, ou qui soit mal renommée ou soupeçonneuse d'aucune vilonie, il ne le doivent pas faire jurer, ains le doivent feire savoir au prevost de Paris; et li prevoz de Paris icele persone porra veer a conmencier le mestier devant dit, se il li plaist et il li semble bon, se la persone ne done pièges de leauté.

IX. Et ce ont eslabli li preud'ome du mestier et ordené pour les perieus'fj et pour les domages de riches homes, et pour le blasme du mestier qu'il ont veu avenir quant aucun hom qui n'estoil pas bons ne leauz conmençoit le mestier devant dit, et prendoit l'oevre d'aucun preud'ome et s'enfuioit a toute la chose que on li avoit baillie a apereillier.

X'c). Quiconques mesprandra ou fera encontre aucun des articles desus diz, il Amcmies. amendera de x s. de parisis au Roy, toutes les fois qu'il en sera reprins; des quex x s. li mi preud'ome juré devant dit doivent avoir u s. par la main au prevost de Paris, pour les couz et pour les despens qu'il font et metent el mestier garder.

XPe). Nus des un preud'ome[s] devant diz ne doit point de gueit pour le service Guet et redevances, que il font au Roy de son mestier garder, ne cil qui ont passé lx ans de âge, ne cil a cui sa famé gist d'enfant, tant corne ele gise ; mes il sont tenu de fere le savoir a celui qui le gueit garde de par le Roy.

XII K Li preud'ome Forbeur de Paris doivent le gueit et la taille et les autres redevances que li autre bourgois de Paris doivent au Roy.