ARMURIERS, H A U B E R G I E R S

U67, juin.

Lettres patentes de Louis XI, confirmant les statuts des armuriers et y ajoutant 3 articles. Bannières, iM vol., Y 7, fol. 8y. — Coll. Lamoiynon, t. IV, fol. 533. — Coll. Delamare, 31792, fol. ii2-(>.

Loys, par la grâce de Dieu, Roy de France, sçavoir faisons à tous presens et advenir nous avoir reçeue l'humble supplication des rnaistres et jurez de la conimunaulté des armeuriers, brigandiniers, forbisseurs de harnoys et haubergiers,

de nostre bonne Ville et cité de Paris, contenant (1) En oultre, en iceulx

augmentant pour le bien et entretenement desdits mestiers, leur avons octroyé et octroyons les articles qui s'ensuyvent :

1 . Que nul, de quelque estât qu'il soit, ne se pourra désormais entremectre dudit mestier et appartenances d'icelluy, en nostre dicte Ville de Paris, s'il n'est souffisant ouvrier et congnoissant en icelluy mestier et qu'il ait fait son debvoir envers les maistres, selon les anciennes ordonnances dudit mestier enregistrées en la chambre de nostre procureur au Ghastellet de Paris.

"2. Item, que les marchans qui ont accoustumé ou se vouldront ingérer d'apporter quelques harnoys ou autre habillement de guerre, pour vendre et débiter, en nostre dicte Ville de Paris, ne soient si osez ne hardiz de les vendre ne débiter, sur peine d'amende arbitraire à nous à appliquer, et de confiscation dudit harnoys ou habillement de guerre, sinon que premièrement il ait esté veu et visité par les jurez dudit mestier, pour savoir s'il est tel qu'il doit estre, pour éviter aux dangiers qui en peuvent advenir, parce que lesdits harnoys et habillemens souvenles fois ne sont bons ne loyaulx, ne faicts ne assouviz^' comme il appartient.

3. Item, et pour ce que lesdits supplians nous ont faict remonstrer que on les veult contraindre à payer six deniers pour chacun an à nostre mareschal(:i), et que les fermiers ou collecteurs desdits deniers les veulent comparer aux fevres et mareschaulx, qui jamais ne fust veu, mais seulement a regard sur eulx nostre Grand EscuierW, nous voulions que lesdits supplians soient tenuz doresnavant quictes et paisibles desdits six deniers, et en tant que mestier est, les en avons affranchiz et

affranchissons par ces présentes Donné à Chartres, au mois de juing, l'an

de grâce mil quatre cens soixante sept et de nostre règne le sixiesme.

(1) Suit le lexte des statuts du 20 mars 1 45 1 (v. s.) et des lettres du 27 du même mois.

(2) Assovir, achever, exécuter.

' Ce cliilFre de 6 deniers est celui de la redevance annuelle inscrite aux règlements des fèvres

maréchaux (Livre des Métiers, titre \V, art. 3), dont les heaumiers faisaient alors partie.

(4) En 1/167, 'e Grand Écuyer devait être Jean de Guarguesalle ou Charles de Bigny. (I*. Anselme, Grands officiers de la Couronne.)

IHJ'TtlMI.ME * ITIU1U f .

1562, septembre.

Lettres patentes de Charles IX, confirmant les statuts des armuriers, en 22 articles.

Vrch. nat., Ordonn., 1er vol. de Charles IX, X'a 86ai, fol. 364. — Bannières, (>" vol., Y 1 1, fol. 1 55. Coll. Lamoignon, t. VIII, fol. 37. — Coll. Delamare, 21799, fol. 11 3-1 A.

Charles, par la grâce de Dieu, Roy de France, à touz presens et advenir, salut. L'humble supplicacion de noz chers et bien amez les maistres armuriers et heaulmiers, de nostre bonne Ville de Paris, avons reçeue, contenant que dès l'an mil quatre cens neufW ils auraient obtenu de noz prédécesseurs, roys de France, lettres et ordonnances pour faire créer et ériger le mestier d'armurier heaulmier

en mestier juré Lesquels supplians auraient depuis naguères faict dresser

et mectre par escript certains nouveaulx articles, desquels la teneur ensuyt :

1. Que nul ne pourra à lad venir besongner du mestier d'armurier et heaulmier ny tenir bouticque en ceste Ville de Paris et faulxbourgs d'ycelle, s'il n'est maistre dudit mestier et reçeu selon les ordonnances cy dessoubz escriptes. Pourront neanlmoings, ceulx qui sont pour le présent, tenir bouticques, ycelles continuer à tenir en ceste Ville de Paris et faulxbourgs d'ycelle, sans faire aucun chef d'oeuvre; et seront reçeuz et passez maistres, s'ils le requièrent, pourveu que de longtemps ils ayent besongné dudit estât, et qu'a ce moyen ils soient bons ouvriers; et pour ce monstrer, seront tènuz chacun l'ung après l'autre de faire chef d'œuvre dudit mestier, de la suffisance et experiance qu'ils ont dudict art.

'2. Nul ne sera doresnavant reçeu à ladicte maistrise dudict mestier d'armurier, en la Ville et faulxbourgs de Paris, s'il n'a esté apprentif, soubz les maistres d'icelluy, le temps et espace de cinq ans entiers, ou bien s'il n'a servy les maistres dudit mestier ledit temps et espace de cinq ans.

.3. Auparavant que de bailler par les jurez chef d'œuvre à ceulx qui vouldronl aspirer à la maistrise, iceulx jurez seront tenuz de s'enquérir de leurs bonnes vye et mœurs, par les maistres lesquels ils auront servys ou fait leur apprentissaige, pour, selon le rapport qu'ils en auront, ordonner ledit chef d'œuvre ou les en refuser; lequel chef d'œuvre après ladicte inquisition faite seront tenuz, les compaignons qui aspireront à ladicte maistrise, faire en la maison de l'ung desdits jurez Ici chef d'œuvre que par les jurez sera advisé, et icelluy faict et parfaict, en feront

"' A cri endroit, In copie do Lamoignon mel en note: rr elles sont du 1/1 mai 1 h 09 ». Nous n'avons pu découvrir ce document. L'inventaire de Dupré (t. VII, fol. 34 1) mentionne celle dale au 6e Livre

des Bannières, par erreur; il n'y a que le présent texte de septembre i56a. On aura peut-être confondu avec les statuts du 3o avril 1^07, insérés ci-dessus, pièce IV.

ARMURIERS, HAURERGIERS. 331

lesdits jurez leur rapport en la chambre du procureur du Roy audit Ghastellet, dedanz vingt quatre heures, après lequel fera le serment pour ce deub et accoustumé à ceulx qui ont esté rapportez suflisans, et payera celluy qui sera reçeu pour maistre, pour ladicte maistrise, quarente sols parisis au Roy; et auxdits jurez, pour leurs peines, sallaires et vaccations pour avoir assisté à veoir faire ledit chef d'oeuvre, huict livres parisis, sanz que lesdits jurez puissent exiger ou prendre autre chose, encore qu'il fust offert, sur peine de privation de Testât et du quadruple.

à. Nul ne pourra faire faict de maistre dudit mestier en ceste Ville et faulxhourgs, et dresser ouvroir dudict mestier en ladicte Ville et faulxhourgs, s'il n'a esté reçeu et institué maistre dudit mestier, et par la forme et manière que dessus.

5. Item, que les fds de maistres qui auront demeuré avec leur père ou autres maistres, par le temps de cinq ans, ne seront tenuz faire aucun chef d'oeuvre.

6. Doi-esnavant, chacun desdits maistres ne pourra avoir plus d'un apprentif, lequel il ne pourra prendre à moindre temps que de cinq ans, et auparavant que le mectre en besongne, sera tenu le faire obliger par devant deux nottaires, à peine de quarente sols parisis d'amende; touteffois, sur la dernière année de l'apprentissage desdits apprentifs, pourra en prendre ung autre.

7. Seront tenuz lesdits maistres, quinze jours après qu'ils auront obligé leurs apprentifs, les faire enregistrer en la chambre dudict procureur du Roy, les jurez dudit mestier à ce veoir faire appeliez, et payeront lesdits maistres pour lesdits apprentifs quatre sols parisis au Roy; sur peine contre le contrevenant qui n'auroit dedans ledit temps fait ce que dessus, de quarente sols parisis d'amende, sans frais sur lesdits apprentifs.

8. Les enffans desdits maistres pourront demeurer avec leurs pères pour apprendre leur mestier, sans qu'ils tiennent à leurs pères lieu d'apprentifs, oultre et pardessus lesquels les maistres pourront avoir un apprentif, en la forme qu'il a esté dit cy dessus; touteffois, si lesdits enffans desdits maistres apprenoient leur dit mestier ailleurs qu'en la maison de leur père, ils tiendront lieu d'apprentifs, et en tout cas, soit en la maison de leur père ou autres, feront apprentissaige de cinq ans, auparavant que de pouvoir aspirer à ladicte maistrise.

9. Les vefves desdits maistres, tant qu'elles se contiendront en viduité, joyront de pareil privilleige que leurs maris; si elles se marient en secondes nopccs, elles perdront ledit privilleige et ne pourront s'entremectre dudit estai, mais elles seront tenues de fermer leurs bouticques, sur peine de quarente sols parisis d'amende.

10. Ne pourront les maistres dudict mestier aller porter leurs ouvraiges par la Ville, faulxhourgs et hostellerics de Paris, pour yceulx exposer en vente, mais les tiendront en leurs ouvroirs; sinon qu'ils eussent esté requis par les bourgeois,

marchans ou forains de les emporter en leur logis ou hostelleries , sur pareilles peines.

1 1. Nul rnaistre dudit mestier ne pourra vendre, ne exposer en vente aucunes besongnes concernans le mestier d'armurier et heaulmier, que les esloflesne soyent de bonnes et loyales estolTes, sur peyne de confiscation desdites besongnes et ouvraiges, et de dix livres parisis d'amende pour la première foys, et de plus grande amende et confiscation, s'il y escheoyt, à la discrétion de justice, mectant en leurs dites cstotTes assier venant d'Allemagne et Flandre.

1"2. Feront lesdils maistres armuriers et beaulmiers toutes sortes de liarnovs pour armer l'homme, comme corseletz, corps de cuirasses, baussecols, tassettes, brassartz, gantelelz, barnoys de jambe, babillemens de teste, bourguynonnes servans à hommes d'armes, bourguignotes et morrions servans à gens de pied, tant à l'espreuve que à la légère; harnoys de jouste et tonnelet servans à courir en lice, aultre harnoys, tonnelelz et bassins servans pour combattre en barrière.

13. Les forains qui amèneront ouvraiges dudit mestier d'armurier et de heaulmier en ceste Ville de Paris ne pourront iceulx vendre ny exposer en vente, que premièrement lesdits ouvraiges ne soient veus et visitez par lesdits jurez, pour savoir si lesdits ouvraiges seront bons, loyaux et marchans, et tels que les estolTes du pays le requièrent, sur peine de vingt livres parisis d'amende; mais aussy seront tenus yceulx jurez, toutes choses laissées, d'aller visiter lesdits ouvraiges là où ils seront arrivez, sitost qu'ils en seront advertys par les marchands forains ou autres de par eulx, sur pareille peine, et de payer l'interest et séjour du marchand.

là. Ne pourront lesdits jurez intenter ne commencer un procez touchant le règlement, faict et pollice dudit mestier, sans premièrement advertir la cominunaulté dudit mestier, et que la plus grande et plus seine partie d'yeellui s'accordast d'ainsy le faire, et ce sur peine auxdits jurez de perdre tout ce qu'ils \ mectront et y auront mis, et de porter l'evenemens du procez en leurs noms.

1 5. Doresnavant les femmes vefves des maistres dudit mestier, lesquelles pendant leur viduité besongneront et tiendront ouvrouer dudit mestier, ne pourront , depuis leurdicle viduité, prendre de nouveau ne taire aucuns apprentifs, qui ayent la franchise dudit mestier, comme dit est; bien touteffois, pourront tenir les apprentifs de leurs maris, pour le temps qui restera de leur apprentissage, pourveu qu'elles ne se remarient à autres qui soient d'un autre estât; et si elles se remarient, se pourra leur apprentif retirer en la maison d'ung autre rnaistre pour y achever le temps de son apprentissaige.

I (). Nul rnaistre d'yeellui mestier ne pourra tenir deux ou plusieurs ouvrouers en ceste dicte Ville et faulxbourgs en divers lieux, sur peine de dix livres parisis d'amende.

17. Seront tenuz les maistres dudict mestier de prefferer les compaignons aux apprentifs et ne pourront bailler à besongner dudit mestier aux estrangers,

ARMURIERS, HAURERGIERS. 333

que préalablement les compaignons qui auront esté apprentifs d'ycellui mestier, ne soient mis en besongne, s'ils le requièrent, pour mesme pris que ledit estranger.

18. Item, ne pourront lesdits maistres vendre, ne exposer en vente harnois vieil, ou qui ait esté porté, pour neuf, sur peine de dix livres parisis d'amende et de confiscation de la marchandise.

19. Seront tenuz lesdits maistres dudit mestier avoir chacun en son endroict une marque ou empreinte différente chacune l'ung de l'autre, et d'ycelle seront tenus marquer les ouvraiges qu'ils auront faicts, afin, s'il se trouve faulte aux harnois, de faire corriger la faulte de cellui qui l'auroit commise; et où il se trouvera que ledit harnois ne fust marqué, sera le contrevenant en quatre livres parisis d'amende; laquelle marque ils seront tenus prendre par les jurez à leur réception, et seront tenus lesdits maistres d'apporter emprainte en un plomb qui sera en la chambre du procureur du Roy au Chastellet de Paris.

"20. Item, ne pourront lesdits maistres soustraire le vallet ou alloué (l) d'ung autre maistre, le recepvoir en leur service, sans sçavoir du maistre de la maison duquel il sera sorty, s'il est content de lui ou non, sur peyne au contrevenant de soissante sols parisis d'amende.

"21. Item, pour le regard des estofîes qui seront doresnavant admenées en ceste Ville de Paris par les marchands forains, qui sont nécessaires oudit mestier, seront lesdits forains tenus demander les jurez, pour les veoir et visiter; et ne pourront estre exposées en vente, synon après ladicte Visitation ; et icelle faite, sera ladicte marchandise lottie entre les maistres dudit mestier qui en vouldront prendre et avoir.

"2"2. Pour la conservation des présentes ordonnances dudit mestier, aura quatre jurez qui seront esleuz pour chascun an, comme les autres jurez des mestiers de ceste Ville de Paris, par lesquels seront faictes toutes visitations nécessaires à faire oudit mestier, tant en ladicte Ville que faulxbourgs d'ycelle.

Donné à Houdan, au moys de septembre, l'an de grâce mil cinq cens

soixante deux et de nostre règne le deuxiesme.

|1; Ce mot se retrouve déjà , dans le Livre des Métiers, employé quelquefois pour désigner l'ouvrier ayant satisfait à l'apprentissage et qui se loue à gages chez un maître.

1571, octobre.

Statuts des haubergiers , trêfdiers, chaînetiers, en 33 articles, et lettres patentes de Charles IX confirmatives.

Arcb. nat., 2e cahier neuf, Y 85, fol. \ho. — Coll. Lamoignon, t. VIII, fol. 645.

Ce sont les nouveaulx articles que les maistres, jurez et gardes du mestier de hauberger, treffilier, chaisnetier en la Ville de Paris requièrent estre statuez

et adjoustez à leurs anciennes ordonnances pour éviter aux malfaçons,

frauldes, abbus et tromperies qui se font et commectent chacung jour audit mestier :

1 . Que tous compaignons ouvriers dudit mestier de hauberger, treffilier, chaisnetier qui à présent en besongnent en ceste Ville et faulxbourgs de Paris, seront reçeuz et passez maistres dudit mestier, s'ils le requièrent, pourveu que de longtemps ils ayent besongné dudict mestier et qu'ils en soyenl bons ouvriers, pour a quoy parvenir seront tenuz, ceulx qui vouldront estre reçeus maistres dudict mestier, de faire chef d'œuvre en la maison de l'ung des jurez dudict mestier; et payera chacun compaignon, qui sera reçeu maistre, vingt sols parisis au Roy et vingt sols parisis à chacun desdits jurez, pour leurs peynes, sallaires et vaccations d'avoir assisté à veoir faire ledict chef d'œuvre.

2. Item, que les apprentifs qui de présent sont audit mestier, après qu'ils auront achevé leur temps d'apprentissaige, seront reçeuz pareillement maistres audit mestier, s'ils le requièrent , en faisant chef d'œuvre en la maison de l'ung desdits jurez dudict mestier, en présence des autres jurez et quatre bacheliers dudict mestier, en payant les droicts que dessus. Lequel chef d'œuvre, après le rapport et inquisition faicte de ses vye et mœurs, sera tenu, celluy qui vouldra estre reçeu maistre dudict mestier, le faire en la maison de l'ung desdicls jurez, tel qu'il luy sera baillé; et ledit chef d'œuvre estant trouvé bon et bien faict, seront tenus lesdits jurez en faire leur rapport en la chambre du procureur du Roy audit Ghastellet, dedans vingt quatre heures; après lequel fera faire ledit serment pour ce deub et accoustumé, à celluy qui aura esté rapporté par lesdits jurez estre suffizant et capable à estre reçeu maistre audit mestier.

3. Item, que nul ne pourra doresnavant faire faict de maistre d'icelluy mestier, Ix'songncr en chambre, ne avoir apprenty, ne tenir bouticque en la Ville et faulxbourgs de Paris, que pareillement il n'ayt esté apprenty avecq ung maistre dudict mestier, par le temps et espace de cinq ans entiers finiz et accompliz, et reçeu maistre dudict mestier au bout dudit temps, le tout sur peyne de soixante

ARMURIERS, HAURERGIERS. 335

sols parisis d'amende, à applicquer moictié au Roy, et l'autre moictié aux jurez dudit mestier.

h. Item, que nul maistre dudit mestier ne pourra avoir qu'un seul apprenty, lequel il ne pourra prandre à moings de temps que de cinq ans, comme est dit cy dessus, fors et excepté après les premiers quatre ans passez de son premier apprenty, et non plutost, il en pourra prandre ung aultre, et non autrement, pour ledit temps et espace de cinq ans entiers; et lequel maistre, auparavant que de mectre ledit apprenty enbesongne, sera tenu de le faire obliger devant deux noltaires, sur peyne de ladicte amende.

5. Item, nul maistre dudit mestier ne pourra doresnavant prendre aucun apprenti f, s'il ne tient feu et lieu, et lequel maistre, quinze jours après qu'il aura faict et obligé ledit apprentif, sera tenu monstrer le brevet d'apprentissaige aux jurez et le faire enregistrer en la ebambre du procureur du Roy au Chastcllet de Paris, et payer pour ledit apprentif deux sols au Roy pour son apprentissaige; et qui sera trouvé faisant le contraire, il payera l'amende cy dessus.

6. Item, si les enflans masles des maistres dudit mestier demandent à estre reçeuz maistres dudil mestier, les jurez seront tenuz de les recepvoir en faisant expérience, telle qu'elle leur sera baillée par lesdits jurez, affin de monstrer de leur suiïizance, et sans aucune finance payer au Roy pour leur droict de maistrise, mais payeront auxdits jurez à chacun dix sols parisis, pour leurs sallaires d'avoir assisté à veoir faire ladite expérience.

7. Item, pourront lesdits maistres apprendre leurs mestiers à leursdits enffans, sanz qu'ils leur tiennent lieu d'apprentifs, oultre et pardessus lesquels lesdits maistres pourront avoir ung apprentif, en la forme et manière qu'il a esté dit cy dessus; toulesfois si ces enffans desdits maistres apprenoient leurdit mestier ailleurs que en la maison de leurs pères, ils tiendront lieu d'apprentifs; et, en tout cas, soit en la maison de leurs pères ou ailleurs, feront apprentissaige de trois ans entiers finiz et accompliz, sans aucunement discontinuer audil temps d'apprentissaige, auparavant que d' estre reçeus maistres audit mestier.

8. Item, que les femmes vefves desdits maistres, pendant et durant le temps de leur viduité, pourront tenir ouvrouer et bouticque dudit mestier, et avoir compaignons ouvriers d'icelluy, pourveu qu'elles soient femmes de bonne vye et lionneste gouvernement, mais si elles se remarient à d'aultres qui ne soient dudit mestier, elles ne pourront plus joyr dudit privilleige cy dessus, et davantage ne pourront en leurdicte viduité faire aucun apprentif; mais pourront bien iceuk apprentif s parachever leur apprentissaige ez maisons desdictes vefves, qu'ils auraient encommencié du vivant de leurs deiïuncts mariz.

9. Item, que nul apprentif ne pourra racheter de son maistre son temps d apprentissaige, et là où il l'aurait rachepté, il ne pourra tenir le mestier, ny ouvrer ny besongner d'icelluy, s'il n'a premièrement parfaict son temps d'apprentissaige

qui aura ainsy esté rachepté par luy, ou autres de par luy, de son dit maistre, lequel maistre sera condempné en ladite amende de soixante solsparisis, applicable comme dessus.

1 0. item, si aulcun apprenty se deffaut et s'en va d'avecq son dict maistre ])our avoir esté trouvé eu l'aulte et qu'il puisse estre convaincu de ladite faulte, ledit maistre en pourra prandre ung aultre, si bon luy semble, et ne pourra jamais ledict apprenty ouvrer ny besongner en ladicle Ville et faulxbourgs de Paris, d'icelluy mestier, sur peyne de ladite amende applicable comme dessus.

11. Item, ne pourront lesdits maistres substraire les serviteurs ou apprentifs les ungs des aultres, ny retirer ny baillier à besongner à iceulx que premièrement ils n'ayent apporté bonne et valable descharge des maistres qu'ils auront servys, et aussy que les maistres, qui les recepvront en leurs maisons et services, ne se soient enquis des causes pour lesquelles ils ont laissé leursdits maistres, et si ledit maistre est content de leur service, le tout sur peyne de ladicte amende de soixante sols parisis, applicable comme dessus.

12. Item, nul maistre dudit mestier ne pourra bailler à besongner à ung compaignon estrangier, que premièrement les compaignons qui auront esté apprentifs d'icelluy mestier à Paris ne soient mis en besongne, s'ils le requièrent, pour le niesme prix que l'estrangier.

13. Item, seront faictes deflenses à tous maistres dudit mestier et à aultres de ne travailler ny besongner d'icelluy aux jours de dymenches et festes; ensemble de ne tenir deux bouticques, ny estaller aulcunes marchandises, ny ouvrer ycelles, sur peyne de confiscation de la marchandise qui sera trouvée estallée, et d'amende arbitraire.

là. Item, que nuls compaignons dudit mestier ne pourront doresnavant aller travailler ny besongner d'icelluy mestier ailleurs que en la maison, sanz le congé des jurez que bailleront les maistres auxdits compaignons dedanz huict jours, s'ils le requièrent, et ce sur peyne de l'amende applicable comme dessus.

15. Item, que doresnavant aulcun, s'il n'est maistre dudit mestier, ne pourra tenir ouvrouer, ny establie, ne entreprendre à faire ouvraiges dudicl mestier, ne tenir à soy huis ou bouticques, mectre ne estaler haubergeon, ne aultre chose qui appartienne ou despende dudict mestier, ny pareillement tenir bottes à tourner, ny eclaircir mailles, le tout sur peyne de ladicte amande de soixante solsparisis, applicable comme dessus.

1 6. Item, que tous les maistres dudit mestier seront tenuz de faire les haubergeons, chaisnes, agraphes et amerons, de fer, et aultres ouvraiges dudict mestier neufs, bons, loyaulx et marchans; le tout d'une mesme matière et estofïe, c'est à sçavoir tout de fer ou tout d'acier, bien et deuement faict, sur peyne de confiscation desdicts ouvraiges et de ladicte amende de soixante sols parisis, applicable comme dessus.

ARMURIERS, HAUBKRGIERS. 337

17. Item, que tous les maistres dudit mestier pourront faire et œuvrer de toutes sortes de haubergeons, chaisnes, agraffes, ameçons et aultres ouvraiges despendans dudit mestier, tant de fer que d'acier, soit qu'ils soient ronds, quarrez ou platz que de toutes aultres diverses et nouvelles façons, en quelque sorte et manière que ce soit, pourveu que lesdits ouvraiges et marchandises soient bien et deuement faicts, bons, loyaulx et marchans.

18. Item, pourront lesdits maistres haubergers, trefïîliers, chaisnetiers, traire et tirer leurs fils de laton et de fer, pour leur user et servir à leurdit mestier, ou bien, sy bon leur semble, le feront traire et tirer par leurs serviteurs ou apprentifs.

19. Item, que nul maistre dudict mestier ne pourra exposer en vente aulcune marchandise dudit mestier, si elle n'est bien et deument faicte et de bonne estoffe, loyale et marchande, sur peine de confiscation et de ladicte amende de soixante sols parisis, applicable comme dessus.

20. Item, que doresnavant les maistres dudict mestier et autres, qui vendront ou exposeront en vente aucun ouvraige et besongne dudit mestier, seront tenuz de desclairer, en vendant iceulx ouvraiges à ceulx qui les achepteront, qu'ils sont tout de fer ou tout d'acier, et ce sur peyne aux contrevenans de confiscation desdits ouvraiges et de ladicte amende de soixante sols parisis, applicable comme dessus.

21. Item, que nul dudit mestier ou aultre qui face faict de marchandise de haubergerie, ne mectra ou fera mectre doresnavant sur haubergeons ne aultres marchandises deppendantes dudit mestier, venans d'Allemaigne ou aultres pays, marque et seing, que celle du maistre qui aura faict ladicte marchandise de haubergerie, et ce sur peyne de soixante sols parisis, applicable comme dessus.

"2 "2. Item, que tous les maistres dudit mestier auront marque et enseigne particulière et différente l'une de l'autre, dont ils seront tenus de marquer leurs ouvraiges qu'ils feront, auparavant que de les mectre ny exposer en vente, à cause des abbus qui se font de jour en jour audit mestier; et pour ce faire y aura, en la chambre du procureur du Roy audit Chastellet de Paris, une table de cuyvre en laquelle lesdits maistres et ceulx qui le seront, le jour et au temps de leur réception à l'advenir, frapperont leursdictes marques et enseignes, laquelle ils ne pourront plus après muer ny changer, le tout sur peyne de ladicte amende de soixante sols parisis, applicable comme dessus.

23. Item, que tous les maistres dudit mestier, auparavant que de vendre leurdites marchandises, ne ycelles exposer en vente, seront tenuz de les faire veoir et visiter par les jurez dudit mestier, et davantage seront tenuz les maistres de dire et déclarer aux achepteurs de ladicte marchandise, s'ils le demandent, de quel lieu et pays elle est, soit qu'elle soit faicte de mailles clouées ou de mailles placquées;

lUI'lMULniC NATIONALE.

et qui sera trouvé faisant le contraire, il payera ladicte amende de soixante sols parisis, applicable comme dessus.

24. Item, que tous marchans forains ne pourront exposer en vente aucune sorte de marchandise, concernant ledit mestier de hauberger, treffilier, chaisnetier, que premièrement elle n'ayt esté veuc et visitée par les jurés dudit mestier, à cause des abbus et déceptions qui se commectent de jour en jour en ladicte marchandise; le tout sur peyne de confiscation et d'amende arbitraire; lesquels jurez seront tenuz de visiter ladicte marchandise dedanz vingt quatre heures après qu'ils auront esté advertis par lesdits marchands forains, ou aultres de par eulx, et lesquels jurez feront leur rapport desdites visitations en la chambre du procureur du Roy, en la manière accoustumée, et comme font les autres mestiers de ceste Ville de Paris, sur peine de ladite amende de soixante sols parisis, applicable comme dessus.

25. Item, nul maistre dudit mestier ne pourra aller ni envoyer au devant des marchands forains pour achepter d'eulx aulcune marchandise foi-aine dudit mestier, et ce sur peyne de ladicle amende de soixante sols parisis, applicable comme dessus.

26. Item, que les maistres dudit mestier de hauberger, trefîilier et chaisnetier, auxquelles ladicte marchandise foraine s'adressera, seront tenuz, sitost et incontinent que ladite marchandise leur sera arrivée en ceste Ville et faulxbourgs de Paris, d aller le dénoncer au clerc dudict mestier ou à l'ung des jurez; lesquels seront tenus aller ou envoyer advertir tous les maistres dudit mestier pour, si bon leur semble, avoir leur part de ladicte marchandise qui sera entre eulx lottic et departie, sur peyne aux contrevenans de ladicle amende de soixante sols parisis, applicable comme dessus, et de confiscation de la marchandise qu'ils auront achaptée.

27. Item, ne pourront lesdits maistres contreporter leurs marchandises dans Paris, pour ycelles exposer en vente, mais les vendront en leurs ouvrouers et houticques, synon qu'ils soient requis par les bourgeois ou marchands forains porter la marchandise qu'ils auront achaptée en leurs logis et hostelleries, sur peyne de ladite amende de soixante sols parisis, applicable comme dessus.

28. Item, pourront lesdits jurez faire prendre et arrester tous les contreporteurs qui contreporteront aucune marchandise de leur mestier, et les admener en la chambre et par devant le procureur du Roy avec leur marchandise, pour à l'encontre d'eulx estre proceddé à la confiscation d'ycelle, ou autrement en ordonner, ainsy que de raison.

29. Item, seront faites delfenses à tous maistres dudit mestier et autres personnes, de quelque estât et mestier que ce soit, de n'exposer en vente aulcuns faulz ouvraiges et marchandise contrefaicte, deppendante dudit mestier, sur peyne de confiscation et de ladicte amende de soixante sols parisis, applicable comme dessus.

ARMURIERS, HAURERGIERS. 339

30. Item, et pour faire observer, garder et entretenir ces présentes ordonnances, y aura quatre personnes jurez qui seront esleus pardevant le prevost de Paris ou le procureur du Roy, en sa chambre, en la manière accoustumée, par la communauté dudit mestier, lesquels seront changez par chascun an, comme les autres jurez des autres mestiers de ceste Ville de Paris, par lesquels seront faictes toutes Visitation s nécessaires à faire audit mestier, tant en ladicte Ville que faulxbourgs de Paris, sanz que pour visiter ez dicts faulxbourgs ils soient tenuz de demander licence, placet, visa ny pareatis, aux hauts justiciers desdits faulxbourgs, quelque privilleige de droit de haute justice qu'ils ayent ez ditz faulxbourgs, attendu qu'il est question de l'aict de pollice, de laquelle la congnoissance appartient seulement au prevost de Paris ou à ses lieutenans.

31 . Item, pourront lesdits jurez, sitost et incontinent qu'ils auront esté esleus par ladite communaulté et installez audit estât de jurez par nostre procureur audit Chaslellet, se transporter ez maisons et, par devers ceux qu ils sçauront et congnoistront de présent, se mesler desdits mestier, ouvraiges et marchandises, et les contraindre d'aller servyr les maistres dudit mestier ou bien du tout renoncer à icelluy mestier, si mieulx ils n'aiment se faire recepvoir maistres dudit mestier de hauberger, treflilier, chaisnetier.

32. item, deffenses sont faictes à tous maistres haubergers, trefliliers, chaisnetiers, tant de ceste Ville que faulxbourgs de Paris, de ne bailler leurs fils de fer et de laton, et autres ouvraiges deppendans de leursdits mestiers, à frizer, vernir ne mectre en couleur d'eaue, synon que aux maistres de leurdit mestier, sur peine de ladicte amende de soixante sols parisis, applicable comme dessus.

33. Item , pareillement sont faictes delfenses à tous lesdits maistres haubergers, trefliliers, chaisnetiers et autres, de quelque mestier que ce soit, de ne porter vendre à la foire de la lepvrière qui se tient en la rue Saint Denis, près le ponceau aucune sorte de marchandise deppendante de leur mestier de hauberger, treflilier, chaisnetier, et ce sur peyne aux contrevenans de ladicte amende de soixante sols parisis et de confiscation de leurdicte marchandise.

Charles, par la grâce de Dieu, Roy de France, à tous presens et avenir, salut. Sçavoir faisons Nous avoir reçeu l'humble supplicacion de nos chers et bien amez

les maistres jurez et gardes du mestier de haubergers contenant que de tous

tems ledit mestier a esté conduict, mené et exercé en mestier juré, sous les ordonnances de nos prédécesseurs roys (et entre autres) celles données à Paris le

dernier jour d'apvril mil quatre cens sept avons ordonné que lesdits nou-

veaulx articles cy-attachés seront, avec lesdits anciens privilleiges , entretenus, gar-

(1) Un peu au-dessous de la porte Saint-Denis, le grand egout traversait la rue, au droit de la rue du Ponceau (aujourd'hui passage); la foire dont il

est question devait se tenir en cet endroit. La rue de la Haumerie se trouvait beaucoup plus bas, entre les Saints-Innocents et l'église Saint-Jacques.

dez et observez de poinct en poinct Donné ù Blois, au mois d'octobre, l'an

de grâce mil cinq cens soixante onze et de nostre règne le onziesme

(l) 1610, mai. — Lettres patentes de Louis XIII confirmant purement et simplement les statuts des haubergiers. (Coll. Lamoignon, t. X, loi. 096. — Mention du 10" vol. des Bannières, fol. 3q.)

Les haubergiers disparaissent en tant que communauté isole'e; ils se seront confondus avec les métiers travaillant les petits objets en fer, comme les chameliers, tréfiliers, épingliers, éguillers,

alesniers, etc. En 1 65 4 , on verra un accord entre épingliers et chaînetiers haubergeonniers, puis cet arrêt à la demande des orfèvres :

1739, 29 avril. — Arrêt de la Cour des monnaies qui fait défense aux chaînetiers haubergeonniers de faire aucuns ouvrages d'or et d'argent, ou de tirer les mêmes métaux. (Arch. nat., Coll. Hondonneau, AD, XI, 2 3.)