Les maîtres seuls pourront vendre du vieux

et ce, à peine de leur faire fermer la bouticque, abattre leur forge, et de dix livres parisis d'amende à applicquer comme dessus^1'.

30. Item, que en chascune foire sera esleue une personne suffisante dudict mestierpour sonner le basin à ce accoustumé, lequel bacin sera sonné à heure de prime ou environ; et ne pourra aulcun vendre ne exposer en vente ses denrées, soient neuves ou vielles, jusques à ce que ledit bacin sera sonné, en peine de vingt sols d'amende à applicquer comme dessus, dont l'accusateur dudit mestier sera creu par serement^.

33. Nul marchant forain, dinandier ne autre, s'il n'est ouvrier reçeu et passé maistrc en ladite Ville, ne pourra doresnavant vendre, débiter ne distribuer, en la Ville et faulxbourgs de Paris, aucunes denrées et marchandises dudict mestier de chaudronnerie, sinon en gros; et ne pourra débiter ni vendre, soubz moindre pris que de quarente livres, icelles denrées et marchandises premièrement veues et visitées par les jurez dudict mestier, sur peine de confiscation d'icelles denrées et marchandises, et de l'amende de soixante sols parisis à applicquer selon le contenu desdites anciennes ordonnances.

34. Item, quant Visitation sera faicte par les jurez dudict mestier, la mauvaise marchandise sera séparée d'avec la bonne, et seront contrainctz les marchans qui auront amené icelles marchandises faire amender ladite maulvaise marchandise par l'ung des maistres dudict mestier, dedans le temps qui leur sera prefix par lesdits jurez, auparavant que pouvoir transporter hors la dicte Ville et faulxbourgs de Paris icelle mauvaise marchandise, qu'elle ne soit amendée comme dict est; et s'il se trouve aucune maulvaise marchandise qui ne se puisse amender, icelle maulvaise marchandise sera rompue et cassée par lesdiz jurez sans ce que lesdiz marchans puissent vendre la dite mauvaise marchandise, qui debvra estre amendée jusques ad ce que ledit amendement soit faict, sur peyne de dix livres parisis d'amende à applicquer comme dessus^.

36. Item, quant aucun maistre dudit mestier ou autre aura achepté quelques denrées des appartenances du dict mestier, les maistres d'icelluy mestier en pour-

19. Défense de vench-e les dimanches et jours de fêtes, sauf deux maîtres qui vendent à leur tour.