ET ENSEIGNEMENTS
Au Dieu qui ne meurt point et qui est sans naissance. Dieu tout bon, tout puissant, qui de sa seule voix Façonna l'Univers, paye selon les loix L'honneur qui luy .est deu : Adore sa puissance.
Ton serment soit entier, maintien Tinuiolable, Des sceptres esleuez reuere la grandeur.
Au Prince, au Magistrat défère leur honneur Et rends aux vertueux vn respect venerabJe.
Fay aussi le deuoir d'honorer père et mère :
De tes proches parens respecte Tamitié :
Pour vn petit forfait ne porte inimitié A quelque tien amy, et domte ta colère.
Supporte de Tamy autant qu'il t*est possible, Veu qu'à ce pouuoir là se ioint nécessité.
Sois doux en ton parler. Et à Tvlilité S'adressa ton- labeur: vain labeur est nuisible.
Dresse tes mœurs ainsi : A vaincre t'estudie Le ventre en premier lieu : puis le morne sommeil : La sale volupté : et dVn effort pareil Les autres appétits. Surmonte aussi Tenuie.
Soit que tu sois tout seul, ou bien en compagnie Ne fay rien de vilain : Que mesme ton penser Soit honneste : et tousiours essaye à te dresser Au respect de toy-mesme. Acheue ainsi ta vie.
Au faire^ comme au dire exerce la iustice.
Accoustumant tes mœurs à suiure la raison :
Car la mort doit tomber vn iour sur ta maison Et Dieu puissant vangeur punira Tiniustice.
Si quelquefois adulent que dVne main contraire Fortune ait retiré ses biens que tu tenois :
Et si des maux communs quelque part tu reçois, A bien patienter consiste la victoire.
Employé toutefois vne viue prudence A preuenir le mal autant que tu pourras :
Car ainsi de ses traits moins atteint tu seras. Le sage scait chasser du malheur la nuisance.
Ne te laisse emporter au bruit d'vne commune Soit que d'un bon propos elle honore ton nom : Soit qu'elle aille souillant ton illustre renom, N'en reçois en ton cœur quelque aigreur importune.
DVn œuure^ ou d'vn parler la mignarde apparence Ne te face abuser en faisant ou disant Chose qui n*est séante^ ains tousiours aduisant Appuyé de conseils tes faits et de constance.
Ne sois précipitant, ce n'est le £Eiict du sage De n'auoir poinct pensé à ce qu*il faict ou dit, Mais bien vise à cela que repentir ne suit, Ainsi tu passeras heureusement ton âge.
Ne mesprise aussi point la santé corporelle.
Mais en tout mesuré par vn certain compaS Règle bien ton labeur, ton boire^ et tes repas : A ne s'offenser point la mesure est tres-belle.
Que ton viure soit pur et non reprehensible.
Et la iuste valeur de ton bien mesurant Despen non par excès, libéral, et fuyant Le deshonneste nom d*auare contemptible.
Car si mal aduisé tu cherches plus paroistrc Que tu n'as en effect, et prodigues tés biens : Tu te fais enuier appauurissant les tiens.
Mesure fait partout le sage recognoistre.
Sans y auoir pensé ton œuure ne commence^ Et de tes yeux au soir le sommeil ne reçois, Que n'aye chacun iour médité par trois fois Tes faicts de tout le iour pour dresser ta prudence.
Quay-ie fait, qu*ay-ie dit, quelle a esté ma voye. Qu'ay-ie obmis du deuoir par ordre racontant: * Si que d'auoir bien fait ton esprit soit content, Et du iuste sentier iamais ne te foruoye.
De la belle vertu c'est la voye tres-seure, Et du ciel que tu vois en ses sages aduis.
Certes par cettuy-là qui en nostre ame a mis L'admirable quatrin source de la nature.
Deuant que commencer à fkire quelque chose Prie Dieu de la faire : et le tout acheué Dy que c*est de Dieu seul, et n*en sois esleué DVn vent ambitieux ; car de tout Dieu dispose.
Mais recognois aussi Testroitte conuenance Entre Dieu immortel, et les hommes mortels, Dont tu vois dependans tous les humains conseils Pourquoy dois inuoquer la diuine assistance.
La Nature tousiours à soy mesme ressemble; Ne va donc recherchant chose qu'elle ne peut, Mais borne ton désir, car ce que Dieu ne veut, Et ce qu'elle ne peut d'un pied marchent ensemble.
Tu en verras plusieurs sans esprit, misérables A leur propre malheur qui d'eux mesmes courants Ne voyent pas le bien deuant eux ignorants, Âueugles, abbrutis, du bonheur incapables.
Enuelopi^ez du mal ne s^en peuuent desfaire, Leur esprit s*en c£Pense, et cylindres routeurs D*vi^ mal passent à l'autre auec mille douleurs^ Discord ils ont au cœur de repos aduersaire.
O Dieu que ne fais-tu aux hommes bien entendre Leur misère ! ou pourquoy ne viuent ils exempts De tant et tant de maux ! sur le cours de leurs ans Fay leur gouster ta grâce, et ta iustice apprendre.
Lors ils seront heureux affranchis de leurs peines. Plus adroits retiendront le cours de leurs malheurs. Plus sages tariront les ruisseaux de leurs pleurs^ Moissonnants les doux fruicts des ioyes plus certaines.
Fay donc que la raison au plus haut establie Maistresse de tes sens bride leurs appétits : Cest par ce seul moyen quUls sont assubietis, La raison est tousiours de prudence suiuie.
Mais asseurë ton cœur, n^es tu pas de la race Des Dieux, et n'es-tu pas du ciel icy venu?
Tu n'es que pour vn peu en ce corps retenu Et le ciel te soustient du secours de la grâce.
Ainsi ayant. laissé ceste chair corruptible Quand plus haut esleué tu seras dans les cieux : Lors à plein tu boiras le dous nectar des Dieux Et seras immortel, diuin, incorruptible.
