ET A LA REINE ANNE DE BRETAGNE
Demande de la main de la princesse Claude pour le jeune Charles d'Autriche.
« Vers vous, sire, roy très-chretien, et vous dame, roynne très-excelleute, » sommes venus par l'ordonnance de voz très-humbles cousin et cousine, » monseigneur l'archiduc et madame l'archiduchesse d'Austriche, prince » et princesse de Castille, etc., lesquels nous ont chargié, après vous avoir » fait leurs très-humbles recommandacions, vous dire et déclairier la » continuation de l'entier et parfait amour quïlz ont à voz très-nobles et » très-dignes persoencs, aussi la grande afTeclion et ardent désir qu'ilz ont « de tousjours l'augmenter de tout leur pouvoir. Et pour y parvenir, ont » mis avant leur iceulx trois consideracions, dont la première est, en sui- » vaut la doctrine d'un des enseignemens que le prince des philosophes, » Aristote, entre aultres, donna au roy Alexandre le Grand, que à tous » biens publiques est chose nécessaire d'avoir sotielé et confédération avec » ceulx qui sont très-puissans et qui soient voisins, affin que tost et » promptement, au besoing, l'on puisse secourir l'aultre et estre l'un à » l'aultre utile et prouffilable.
» Oultrc, ont considéré qu'il n'y a sotielé ou confédération plus coujoiucle, m plus convenable, plus certaine et assceurée que celle qu'est contraicté » selon Dieu et nature, qu'est celle qui se fait par lien de saint mariage.
» La tierce, que communément, en contractant les mariages, l'on a re- » gard à quatre choeses : bonté, beaulté, noblesse et richesse.
» Sy se sont, après les dites considérations bien posées, comme bons et » saiges princes, desirans pourveoir a leur postérité, leurs seigneuries, » pays et subjeetz, finablement advisés de se allier avec vous, sire, qui » estes très-puissant et voisin, par confédération qu'est selon Dieu et » nature, assçavoir mariage à celle qui a les quatre qualités dessusdites, « bonté, beaulté, noblesse et richesse, qui est madame Claude de France, » vostre belle a présent unicque, que Dieu, le souverain duquel tous biens » procèdent, par sa divine clemense vous a donné, avec leur filz a présent
consentaient et donnoient libéralement de bon cœur et volontiers a mond' s r de Lucembourg madame dame Claude leur fille, en priant Dieu que ce puist estre a la louange de Dieu, exaltation de sa Saincte Foy, reboutement et destruction des infidèles et au bien, honneur, gloire, proufict et utilité des parties. Et puis chascun se leva et s'en alla l'on disner.
Aprez disner pource que ledict iour mess" avoient par la poste receu lettres de mons r et en icelles encloses certaines lettres que le roy des Romains luy at escriptes dTsbrouck (i), le 22 de julet dernier, où est faicte mention de
»*seul et unicq, monseigneur le duc Charles de Luxembourg, infant et » prince de Castille, correspondant en eage et aux qualités dessusdites.
» Et à cesle fin, sire, nous ont despeschiés nos dits seigneur et dame » archiduc et archiduchesse, du sceu, gré et consentement de très-haulx, » très-puissant et très-excellent princes, roy des Romains, roy et roynue » de Castille, leurs seigneurs pere et mere, et envoié vers vous et madammc » la roynne très-excellente, avec pouvoirs d'eulx souffisans ad ce servans, » pour le plus affectueusement et très humblement prier et requérir que » vostre très-noble plaisir soit leur accorder la persoeue de raadile dame » Claude, vostredite fielle, pour la donner espousse et femme légitime, » elle venue à puberté, à mondit seigneur Charles de Luxembourg, leur filz.
» Sy vous supplions, sire, et vous madame très-excellente, en toute » humilité, monsieur de Saint-Andrieu, représentant la persoene de mon- » sieur de Bourbou (*), et ad ce par luy commis, monsieur le gouver- » neur de Bourgogne, monsieur le prince d'Orenges, comme parens et » cousins, et nous aultres comme couseilliers, serviteurs et ambassadeurs » ad ce députés par lesdits seigneurs roys et roynue, archiduc et archi- » duchesse, que vostre très-noble plaisir soit leur accorder leur honneste » requeste.
» Sire, et vous, damme très excellente, de la part des seigneurs et » dames, roys et roynue dessusdils, tant affectueusement que faire pou- » vous, vous remercions de celle de monseigneur l'archiduc et madame sa » compaigne, très-humblement, et de la nostre, tant qu'il nous est impos- » sible l'exprimer. »
(1) Inspruck ou Innspruck, ville du Tyrol que l'empereur Maximilien affectionnait particulièrement. C'est là qu'il avait épousé en secondes noces, le 16 mars 1494, Blanche-Marie, somr de Jean Galeas, duc de Milau, et mère de Ludovic Sforce. Elle lui avait apporté en dot 440,000 écus d'or.
(*) Pierre II, duc de Bourbon, qui avait épousé Anne de France, fille de Louis XI.
la paix d'entre ly et le roy, pour en dire ce qu'il appartient au roy, et aussy le prier pour avoir la reste de leurs charges, mesdicts s" les ambassadeurs se trouveront vers ly et pource que i'estois empêché a faire les lettres dudict mariage, ie ne peux estre avecq eulx.
Ledict iour le roy feit courre a son de trompe par Lyon que l'on feit les feux de ioye dudict mariage. Ce que fut faict bien et ioyeusement et se raonstrerent grands et petits tous iouyeulx et contens dudict mariage.
S'ensuivent les articles dudict mariage et adveu de
LARCHIDUCQ.
Philippe et Jeanne, par la grâce de Dieu archiducq d'Austriche, princes de Castille, etc., scavoir faisons à tous présens et avenir, que comme pour traicter, accorder et conclure le mariage d'entre nostre très chier et très amé fîlz Charles ducq de Luxembourg et de nostre très honorée dame et cousine madame Claude de France, fille de Mons r le roy et de madame la royne sa compaigne, nous avons commis, ordonné et député noz ambassadeurs, procureurs et messagiers especiaulx, asscavoir noz amez et feaulx, messire François de Busleiden, archevesque (i) de Bezancon, le s r de Chievre (2) nostre cousyn, chambellan et grand-bailly de Haynau, le s r de Veyre (3), aussy nostre chambellan, maistre Nicolas de Ruter (4), prevost de l'église de S'-Pierre
(1) V. p. 20 et suiv.
(2) Eu marge on Ut : « Le s r de Chievre s'appelloit Guillaume de Groy et fut premier marquys d'Arschot, puis gouverneur et curateur de l'empereur Charles-Quint. » P. 20 et suiv.
de nostre ville de Louvain, maistre ordinaire des requestes de nostre hostel, Jean de Corteville (1), nostre bailly de Lille, maistre d'hostel de nous archiducesse, tous noz conseilliez, et maistre Pierre Anchemant, nostre secrétaire en ordonnances. Lesquelz se soient transportez devers mesdicts s r et dame les roy et royne, et par vertu du pouvoir par nous a eulx baillé, ayant traicté, passé, accordé, promis, iuré et conclu ledict mariage, et de ce baillé leurs lettres à mesdicts s r et dame le roy et la royne telles et par la manière quil s'ensuict :
Nous François de Busleiden, archevesque de Bezancon, Guillaume de Croy, chevalier, s r de Chievre et d'Arschot, grand-bailly de Hainau, Philibert, dict la Mouche, s r de Veyre et de Conroy, chambellans, Nicolas de Ruter, prevost de l'église de S'-Pierre en la ville de Louvain, tous conseilliez de notre très redoubté s r mons r l'archiducq d'Austriche, prince de Castille, ducq de Bourgogne, Brabant, etc., conte de Flandres, Darthois, etc., Jean de Courteville, bailly de Lille, conseillier et maistre d'hostel de nostre très redoubtée dame madame larchiducesse d'Austriche, princesse de Castille, duchesse de Bourgogne, Brabant, etc., contesse de Flandres, Darthois, etc., et Pierre Anchemant, secrétaire en ordonnance de mondict s r l'archiducq, tous ambassadeurs, procureurs et messagiers especiaulx desdicts s r archiducq et archiducesse, ainsy quil appert par leurs lettres patentes, afixées parmy ces présentes; Scavoir faisons que sur ce que par vertu dudict pouvoir à nous donné, nous avons de la part desdicts s r archiducq et archiducesse entre aultres choses reraonstré au roy très chrétien, et a la royne sa compaigne, que iacoit
ce que iceluy s r archiducq soit yssu et descendu en ligne directe du costé maternel de la maison de France, et par ce soit grandement conjoinct et allié a luy et a son royaulrae, neantmoins, pour le très grand désir et affection que lesdicts s rs archiducq et archiducesse ont de tousiours continuer, entretenir et augmenter la bonne paix et grans amitiés et conionctions des susdicts et de icelle plus confirmer par nouvelles affinitéz et lien de mariage, mons r le ducq de Bourbon et mess ra les comte de Nevers, prince d'Oranges et messire Michei-Joannes Gralla (i), ambassadeur devers ledict s r roy pour les roy et royne de Castille, de Léon, etc., et nous avecq eulx, avons requys a iceluy s r roy très chrestien et à la royne sadicte compaigne, quil leur plaise donner et accorder par mariage madame Claude de France, leur fille, à mons r le ducq de Luxembourg, filz unycque desdicts s r archiducq et archiducesse. Ouye laquelle requeste par ledict roy et royne, et considerans par eulx comme ylz nous ont faict dire et déclarer la singulière amour et entière affection que lesdicts s rs archiducq et archiducesse ont tousiours eu a eulx et aussy les très hauits, nobles et puissants royaulmes, principaultéz, terres et seigneuries qui appartiennent et doibvent succéder et appartenir ausdicts archiducq et archiducesse, au moyen desquelles lesdicts s r roy et royne et eulx peuvent faire l'un l'aultre plusieurs grans et notables plaisirs, aydes et secours a la gloire et louange de Dieu, nostre créateur, exaltation et accroissement de la foy et religion chrestienne; honneur, bien, proufict et utilité de chascun desdicts princes, leurs royaulmes, duchéz, pays, terres et seigneuries, et subiets, iceulx s" roy et royne
(1) Michel-Juan Gralla, ambassadeur de Ferdinaud et d'Isabelle de Castille.
voulons pour ces causes et aultres raisonnables a ce les mouvans, complaire ausdicts archiducq et archiducesse, ont très aggreablement voulu et consenty ledict mariage estre faict, et pour traicter et appoincter les convenances a ce nécessaires, ont commis et député avecq nous raessire Guy de Rochefort, chevalier, s r de Pluvost, chancelier de France, Révérend Pere en Dieu messire Loys d'Amboise, evesque d'Albi, et messire Pierre de Rohan, s r de Gyé, chevalier de l'Ordre, conseillier et chambellan dudict s r roy, mareschal de France. Et aprez plusieurs assemblées et communications par nous eues avecq lesdicts s re députéz, tant en la présence desdicts s rs roy et royne, comme ailleurs, avons d'un commun accord pourparlé, traicté et conclu sur le faict dudict mariage certains poincts et articles, desquels la teneur s'ensuict (*).
1. Le roy et la royne aucthorisée comme yl appartient, proraectront en parolle de roy et de royne de faire et de procurer par tout effect que madame Claude leur fille, venue en eage de puberté, prendra a mary et espoux mons r le ducq de Luxembourg, semblablement venu en eage de puberté. Et pareillement les ambassadeurs de raons p l'archiduc et de madame l'archiducesse sa compaigne, eulx faisans fors pour mondict s r de Luxembourg, le jureront et promecttrout, si avant que nostre mere S* Eglise s'y consente, et seront obtenues les dispences a ce nécessaires.
(1) L'acte rédigé par les ambassadeurs français se termine ainsi : « Tous » lesquels dessus nommez , commis et depputcz de par nous et nosdits » cousin et cousine d'Austrice, se sont depuis par plusieurs fois assemblez, » tant en uotrc présence que ailleurs, et ont sur le fait dudit mariage traité » et pourparlé certains points et articles, desquels la teneur s'ensuyt. » Négociations diplomatiques, t. I, p. 32. Suit le traité tel qu'il figure dans le manuscrit d'Ancbemanl.
2. Item, pour le bien, contemplation et accroissement dudict mariage, est accordé et promis comme dessus, que madicte dame Claude succédera à ses pere, mere et aultres parens, en tout ce que selon droict et les cousturaes elle debvra succéder, pourveu que le roy et la royne n'ayent enfans masles; car s'il y a enfans masles d'eulx, en ce cas elle aura pour tous droicts paternelz et maternelz la somme de trois cent mille escuz d'or; c'est asscavoir II e mil escuz de la part du roy et cent mil escuz de la part de la royne; et avecq ce la vestiront et enioiailleront ainsy que a fille de telz s rs (que sont lesdicts roy et royne) appartient.
3. Item, et laquelle somme de III e mil escuz (*) lesdicts s rs roy et royne seront tenuz de payer, asscavoir cent mil escuz au iour de la solemnisation audict mariage et les aultres II e mil escuz en trois années ensuivans, par esgale portion, qui sera en chascune année le tiers desdicts II e mil escuz.
4. Item, lesdicts s TS roy et royne seront tenuz et promectront de faire mener et conduire madame Claude honorablement, et comme a son estât appartient, et icelle rendre a leurs frayz et despens es pays de mond* s r larchiducq.
5. Item, et est expressément promis et convenancé que madicte dame Claude sera douée de la somme de vingt cincq mille escuz d'or (2), et aura places et forteresses convena-
(1) C'est par erreur que le texte du traité, que M. Le Glay reproduit, porte : « et laquelle somme de cent onze mil escus lesdits s™, etc. » C'est « trois cent mil escuz » qu'il faut lire.
(2) Dans les Négociations diplomatiques, publiées par Le Glay, il est dit : « vingt ung mil escuz d'or. » La minute originale porte « vingt cincq mille escuz d'or », chiffre conforme à celui qui fut adopté, comme ou l'a vu plus haut, p. 36.
bles, tant pour la demeure de madicte dame Claude que pour la garde et seurté d'elle, de ses biens et dudict douaire; lesquelles places, forteresses et aultres choses a elle baillées, madicte dame sera tenue de maintenir en bonne et convenable estât comme douairière doibt et est tenue. Et se bailleront lesdictes places et douaire ez pays de la souveraineté du roy, se faire se poeult; et le surplus de ce que ne se pourroit bailler et fournir, au pays de Hainau de prouchain en prouchain.
6. S'il advenoit aussy que avant ladicte consommation et solempnisation dudict mariage l'un desdicts conjoincts allast de vie a trespas et que lesdicts s" roy et archiducq eussent lors aulcuns enfans dont l'on poeult faire aulcune alliance de mariage, ylz y entendront et le feront, affin de tousjours entretenir bonne amitié et alliance entre eulx, si les eages le peuvent porter et sont a ce correspondans.
7. Item, et s'yl y a plusieurs enfFans masles venans dudict mariage, l'un sera tenu de prendre le nom et les armes de Bretaigne.
8. Pour l'accomplissement et seurté desquelles choses, seront donnez d'une part et d'aultre telles obligations et scelléz qui seront advisez.
Tous lesquels poincts et articles et chascun d'iceulx, nous et chascun de nous par vertu dudict pouvoir a nous donné cy dessus inséré, avons promis et juré, promectons et iurons de bonne foy que iceulx s r archiducq et archiducesse les garderont et entretiendront, et par effect fermement garder, tenir et observer a tousiours, sans les corrompre ne souffrir corrompre ou enfraindre par eulx ne par aultre en manière quelconque pour quelque contemption, cause ou occasion que ce soit. Et pour les choses dessusdictes et chascune d'icelles garder,
entretenir et accomplir fermement et perpétuellement comme dict est, avons obligé et obligeons par ces présentes p), tous les biens presens et advenir desdicts s rs archiducq et archiducesse, consentans quilz ys oient contraingts par touttes censures ecclesiastiquez ausquelles les avons submis et submectons et par touttes aultres voyes et manières de contrainctes dont l'on pourra user envers eulx. Et avecq ce avons promis faire ratifier par lesdicts s r et dame tout le contenu en ces présentes et d'en bailler leurs lettres audict s r roy très chrestien deuement expédiées de dans six mois prochainement venans. En tesmoing desquelles choses, nous lesdicts archevesque, s" de Chievre, de Veyre et de Courteville avons signé ces présentes de noz mains et seellé de noz seaulz, et nous lesdicts provost de Louvain et Pierre Anchemant les avons signées de noz
seings manuelz en absence de noz seaulx, le iour
d'aougst Tan mil cincq cens et ung.
Pource est yl que nous avons pour aggreable tout ce que par nosdicts ambassadeurs a esté faict en ceste partie;
(1) Dans les Négociatiom diplomatiques, t. I er , p. 54, on lit à la suile de : « par ces présentes » ces mots : « mesmement nous ladite royne, de » l'auclorité que dessus, nous et nos biens quelconques presens et advenir, » voulans et consentans d'y eslre constraincts par toutes censures ecclesias- » tiques, auxquelles nous et chacun de nous nous sommes submis et sub- » mectons, et par toutes voies et manières de contrainctes dont l'on pourra » user envers nous. Et affin que ce soit chose ferme et estable à toujours, » nous avons fait mecire noz seaulx à ces présentes. Donné à Lyon, au mois » d'aougst, l'an de grâce mil cincq cens et ung, et de noslre règne le qua- » trieme. Ainsi signé Loys et Anse; et sur le reploy : Par le roy et la » royne, nous, l'cvesque d'Alby, le sieur de Gyé, mareschal de France, et » autres présens. Robertet. Encoires au bout dudit reploy est escript : » Visa, lecta, publicata et registrata in caméra computorum domini nosiri » régis. Parisiis, quarta die januarii anno millesimo quingentesimo primo. » Sic signatum Leblanc Ceste copie a esté collationnée et accordée à » son vray original par nous, Haneton, Verderue. »
et desirans de tout nostre cœur l'accomplissement et consommation dudict mariage, afin mesmement de tant mieulx entretenir et augmenter la bonne paix et grands amitiés, alliances et confédérations estans entre mesdicts s™ et dame, les roy et royne et nous ; Nous et chascun de nous mesmement Nous ladicte archiducesse de l'aucthorité de mon très redoubté s r et mary mons r l'archiducq dessus nommé a nous donnée et octroyée en ceste partie, et laquelle nous avons très aggreablement receu; avons de noz certaines sciences, pures, franches et libérales volontéz lesdicts traité, alliance, promesse et conclusion de mariage ensemble lesdicts articles et lettres cy dedans insérées et baillées par nosdicts ambassadeurs a mesdicts s u et dame les roy et royne, et de tout ce que dedans est contenu et déclaré, loué, grée, ratifié, confermé et approuvé, louons, gréons, ratifions, con fermons et approuvons par ces présentes, par lesquelles avons promis et iuré, promectons etiurons de bonne foy et en parolle de princes faire, procurer, entretenir et accomplir entièrement et par effect garder et faire garder, tenir et observer a tousjours tout le contenu ez articles et lettres dessus insérées, sans les corrompere ne souffrir corrompre ou enfraindre par nous ou par aultre en manière quelqonques, pour quelque cause ou occasion que ce soit. Et pour les choses dessus dictes et chascune d'icelles garder, entretenir et accomplir fermement et perpétuellement, comme dict est, avons obligé et obligeons par ces présentes, mesmement nous ladict archiducesse et l'aucthorité que dessus, nous et noz biens quelconques presens et advenir. Voulans et consentans d'y estre contraingts par touttes censures ecclesiastiquez ausquelles nous et chascun de nous, nous sommes submis et submectons, et par touttes voyes et manières de contrainctes dont l'on pourra user
envers nous. Et afin que ce soit chose ferme et estable a tousiours, nous avons signé ces présentes de noz mains, et a icelles faict mectre noz seauix. Donné, etc.
Sensuivent les articles projetez par les susdicts
AMBASSADEURS POUR LA PAIX D ENTRE LE ROY DES RO- MAINS ET LE ROY DE FRANCE, AVECQ LA RESPONCE DUDICT ROY SUR ICEULX.
C'est en brief ce qui a esté mis avant par les ambassadeurs de mons r l'archiducq pour trouver une bonne et perpétuelle paix, amitié et intelligence entre les roy des Romains d'une part et le roy très chrestien d'aultre (i).
I. Premier que lesdicts s rs royx se tiendront et demeureront doresenavant l'un avecq l'aultre, comme bons frères, cousins et parens; et comme telz s'aymeront, honoreront, chériront, serviront, ayderont, assisteront l'un l'aultre envers et contre tous, saulf que ledict s r roy des Romains nentend poinct que iceluy s r roy de France, soit en ayde, assisté ne servy de luy allencontre des roy et royne de Castille (2).
IL Et quant audict s r roy très chrestien, yl pourra aussy choisir un roy contre lequel yl ne sera tenu faire aulcune guerre, ayde et assistence, a l'appétit, requeste ou proufict ou dudict roy des Romains.
III. Sera aussy tenu ledict roy très chrétien de (pour le bien et seurete de ladicte paix et amitié), ayder ledict roy
(1) On lit eu marge : « Maximilien, depuis empereur, père de l'archiducq Philippe depuis roy de Castille de par sa femme Jenoe. »
Nota. Que ceslc paix at esté seulement conclue A° loOt et les conditions d'icellc sont couchez par Ponlus Heuterus, Rcr. Austr., lib. VI, cap. vi. »
(2) On lit en marge : « Ferdinand et Elizabelh, roy et royne des Espaignols, desquels l'archiducq Philippe avoit espousé la fille Jeune. »
des Romains en ses affaires particulières, quant yl en sera requys, de v c lances fournies d'archiers et de nn m Alleraans a pied. Le tout pour un et aux despens dudict s r roy très chrétien.
IV. Item sera aussy tenu de ayder, assister et favoriser ledict s r roy des Romains a sa coronation impériale, comme son bon frère, parent, amy et allié.
V. Pareillement aprez, que ledict s r roy très chrétien aura faict le serment de fidélité quil est tenu de faire a cause de la duché de Milan et ses appertenances, yl sera tenu de ayder, assister et favoriser ledict s r roy des Romains de toutte sa puissance, pour réduire le S 4 Empire a son premier estât, et iceluy ayder à augmenter, et semblablement a ce que le S 1 Siège apostolyque face et se acquicte envers ledict S* Empire, ce quil est tenu de faire de toutte ancienneté et au surplus sacquycter et employer en touttes choses comme bon et leal vassal duc de Milan est tenu de faire à son seig r et prince.
VI. Item, renouvelleront les vieilles alliances qui tousiours ont estees entre les empereurs et royx des Romains, le S 1 Empire et les royx de France.
VII. Assistera aussy (si raestier est et requys en est) envers et contre tous en ses affaires de Hongrie et de Bohême, quant le cas escherra, afin que lesdicts royaulmes puissent succéder et escheoir au roy, a mond* s r archiducq et a mons r de Luxembourg ses enfans, comme vrays héritiers desdicts royaulmes, nonobstant touttes alliances a ce contraires.
VIII. Semblablement sera tenu ledict s r roy très chrétien d'assister et ayder mond* s r l'archiduc pour parvenir et avoir la succession des roy et royne de Castille, quant le cas y escherra.
IX. Fera, parfera et accomplira au surplus tout ce qui reste des promesses, consentemens et accords faiz par cy-devant audict s r roy des Romains par les feuz royx de France ses prédécesseurs et par luy, comme lors duc et s r de la maison de Bourgogne, a cause des traictéz et paix précédentes. Et mesmement la somme de cent mil escuz d'or, accordée et consentie par le traicté de Ulme et dont entant moings yl a receu XX m desdicts escuz.
X. Et entant que touche ledict s r roy des Romains, yl sera semblablement tenu de servir ledict s r roy très chrestien, quant requys en sera, de XV e chevaulx montéz et habilléz a la façon d'Allemaigne ; et avecq ce de les contenter pour un an de leurs gaïges, souldes et monture a la mesme façon.
XI. Semblablement le servira de gens a pié aussy allemans de pareil nombre de XV e hommes pour ledict temps d'un an.
XII. Sera aussy tenu de investir et recevoir a foy et homage ledict s r roy très chrestien, pour les duchéz de Milan, contéz de Pavie, Denglere et s rl6 de Crémone, avecq leurs appartenances et dépendances, ainsy que les empereurs prédécesseurs dudict roy des Romains ont faict les prédécesseurs dudict roy très chrestien ducqs de Milan. Parray payant pour les droicts en tel cas pertinens une gracieuse somme d'argent. Toutevoyes l'on n'entend poinct que la Valteline et la ville de Lucque y soient comprinses, mais que lesdicts lieux demeureront tousiours audict s r roy des Romains et a ses successeurs.
XIII. Et ne fera, ne souffrira faire ledict s r roy des Romains aulcun empeschement directement et indirectement audict s r roy de France au faict de la conqueste de Naples.
Responce sur lesdicts articles (i).
Pour faire responce aux 3 articles premiers ensuivans, le roy at tousiours désiré sur touttes choses avoir bonne et vraye fraternité et amitié au roy des Romains, et sera a tousiours prest de luy faire tous les plaisirs que bon frère, amy et allié peult et doibt raisonnablement a l'aultre; mais, en tant que touche de luy bailler l'ayde de cincq cens homes d'armes et ÏUl m Allemans en ses affaires particulières, le roy ne le peult aulcunement faire, tant pource quil est allié au Pape et quasi a tous les royx, princes et puissances chrestiennes, par façon quil ne luy est permis (en gardant les obligations et promesses ce qu'il veult et entend faire a tousiours), de bailler ayde audict roy des Romains, ne a aultre directement ne indirectement pour quelconque cause et occasion que ce soit ou peult estre, contre sesdicts alliéz, desquelles alliances et obligations le roy des Romains at esté cause; car yl a meu et contrainct le roy par les termes quil luy a tenu, a faire et passer icelles alliances, comme aussy parce que ledict s r n'est iamais délibéré (si ce n'est pour la deffence de ses pays et subiectz), faire guerre aux chrestiens; mais pour l'affection et désir quil a de augmenter et accroistre ledict s r roy des Romains, si c'est son plaisir de (en continuant son bon propos quil a eu par cy devant en ensuyvant sa promesse, et aussy ce que sa dignité et son bien particulier requièrent), de entreprendre la defence de la chrestienté et aller sur les Turcqz, le roy s'employera très grandement, moyennant que les aultres royx et princes de la chrestienté se aydent aussy, a ce que ledict roy des Romains soit accompagné de gens d'armes, et fourny
(i) Voir p. 49.
de ce qu'est nécessaire, tant par mer que par terre, a parfaire une telle et si vertueuse entreprinse. Et combien que le roy soit celuy qui fournira et fera plus que nul aultre a ce qui sera a ce nécessaire (comme desja yl a commencé à faire), neantraoings veult-yl et entend que l'honneur et le proufict de la conqueste en soit et demeure entièrement audict roy des Romains; le bien, honneur, gloire et accroissement duquel yl ayme et appete comme le sien propre. Et avecq ce, sil y a aulcuns des alliez du roy qui face ou esmeuve guerre au roy des Romains, le roy s'employera par tous moyens a luy possibles, a y trouver quelque bon appoinctement, et y fera garder a son pouvoir l'honneur et raison dudict roy des Romains.
Au marge du VI e article estoit escript :
« Le roy, aprez quil sera investy de la duché de Milan, fera tout ce quil doibt a cause de ladicte duché, et que ses prédécesseurs ducqz de Milan ont accoustumé faire pour le bien et accroissement dudict empire, selon quil sera conclu et ordonné par lesdicts roy des Romains et empire. Et quant au surplus du contenu en ceste article, le roy fera pour luy, tant pour son couronnement que en touttes aultres choses, tout ce qu'il pourra et debvra et a quoy les ducqz de Milan sont tenuz. »
Au marge du VII e article estoit escript :
« Le roy est très content de faire le contenu en cest article, comme desjà yl l'at faict dire et offrir a mess ra les ambassadeurs de l'Empire qui ont esté l'an passé devers luy. »
Au marge du XII e article estoit escript :
« Combien que pour les investitures des princes ne soit accoustumé de prendre aulcuns deniers, fors les debvoirs et services quilz doibvent faire, ce que le roy veult et peult
mieulx faire que nulz ducqz de Milan n'ont peu faire par cy devant, parquoy semble que le roy des Romains et l'Empire s'en debvroient contenter. Neantmoings le roy, pour l'affection et désir quil a de faire chose qui soit a plaisir dudict roy des Romains, sera content pour satisfaire a son désir a ce quil luy demande par cest article, de luy donner une gracieuse somme, telle quil fera de brief scavoir et déclarer à mons r l'archiducq, pour l'amour duquel principalement yl est meu le faire, en recevant ladicte investiture, selon qne le contient ledict article. Mais, en tant que touche la Valteline, veu que c'est partie de ladicte duché de Milan, et aussy que ceulx qui ont par cy devant tenu et occupé ladicte duché, ont tousiours tenue et possédée icelle Valteline comme estant dudict duché, et en a trouve possesseur et saisy le dernier détenteur dudict duché. Le roy n'est délibère de soy en départir, et doibvent estre aussy contens lesdicts roy des Romains et empire, que ledict s r la tienne a bonne et iuste tytre, que ceulx qui par cy devant l'ont indeuement occupée, ausquelz neantmoings ylz l'ont patiemment souffert et tolère. »
Sensuivent les lettres de larchiducq au s r de Vergy,
POUR SE IOINDRE AUX DESSUS DICTS AMBASSADEURS DONT EST FAICTE MENTION CY DESSUS F° 21 V° (p. 45).
Très chier et féal cousyn, nous avons receu présentement lettres de mon très redoubté s r et père mons gr le roy, par lesquelles yl nous a escript et adverty entre aultres choses quil vous a ordonné et commandé vous trouver et transporter a diligence devers noz ambassadeurs estans en France, dont avons esté et sommes bien joyeulx; et vous requérons et neantmoings ordonnons bien a certes que en ensuivant
le plaisir et commandement de mond 1 s r et père, vous veuillez a diligence transporter vers iceulx noz ambassadeurs, et vous joindre avecq eulx pour ayder a conduire et parachever la paix et aultres choses dont ilz ont charge ; et en ce faire telle diligence et vous y conduire que par vostre faulte les matières ne soient retardées. Très chier et féal cousin, nostre s r soit garde de vous. Escript en nostre ville- de Tenreraonde le VI a jour daougst l'an XV e et ung. Estoit signé : Philippe, et plus bas : Haneton. La supseription estoit : « A nostre féal et amé cousin et mareschal de n Bourgogne le s r de Vergy. »
Semblables lettres de mot a aultre et de mesme date ont esté escriptes au s r de Cicon, dont le proëme est : « Très » chier et bien amé, » et la supseription : « A nostre amé » et féal escuyer, le conseillier et chambellan le s r de » Cicon (i). ♦»
Lettre du roy de France a l'archiducq sur le faict de
S*-Amand (2).
Mon cousin, j'ay sceu par mons r de Bezancon et aultres voz ambassadeurs estans icy, comme la prinse nouvellement faicte par Jean de Lille, et Belleforiere du lieu et église de S^Amand, n'a esté de vostre sceu, vouloir ne consentement, mais comme desplaisant d'icelle avez faict mectre en vostre main, et saisir tout le temporel de l'abbé dudict S^Amand et desdicts de Lille et Belleforiere (3), et aussy
(1) Ces lettres ont été collationnées sur les pièces originales.
(2) C'est de cette lettre qu'il est question dans la note p. 54.
(3) En marge on lit : « Ces deux estoient de Valenciennes, comme ie croy ; et ung Philippe de Belleforiere estoit prevost de ladicte ville lan 1497, et ung Jacques de Lille en estoit prevost lan 1499 et estoit s r de Honcourt. >» (V. Hist. de la ville et comté de Valenciennes, par Henri d'Outreman.)
de leurs adherans, dont ie vous mercie. Et pour ce, mon cousin, que ladicte prinse est de très mauvaise et dangereuse conséquence, je vous prie faire faire telle punition des malfaicteurs et coulpables, que les aultres y preignent exemple, et que ung chascun cognoisse ladicte prinse, excès, forces et violences, ainsy faictes, que dict est, n'estre procédé de vous, ne par vostre advis et consentement; et oultre ce que ce sera la raison et iustice, vous me ferez en ce faisant singulier plaisir, comme plus a plain vosdicts ambassadeurs vous pourront escripre et advertir; et a Dieu, mon cousin, qui vous ayt en sa garde. Escript à Lyon le III e iour daougst de lan 1501. Estoit signé Loys, et plus bas, Lobtet. La supscription estoit : « A mon cousin l'ar- » chiducq, conte de Flandres. »
DEUXIESME AMBASSADE DE PIERRE ANCHEMANT EN FRANCE, DONT L'INSTRUCTION S ENSU1CT,
Instruction de ce que maistre Pierre Anchemant, secrétaire en ordonnance de mons r l'archiducq aura a faire au roy très chrestien vers lequel mondict s r l'archiducq l'envoyé.
Premièrement que iceluy s r a sceu le bon et gracieulx recueil que ledict s r roy a faict a mons r de Chievre et aultres ambassadeurs de mondict s r qui naguères ont esté vers ly, la bénigne et ample audience quil leur a baillée et la bonne responce quil leur a faicte et tout ce dont ylz avoient charge. En quoy mondict s r a cogneu et cognoit de plus en plus l'amour et affection dudict s r roy envers ly, dont bien humblement yl le mercie.
Que par lesdicts ambassadeurs mondict s r a entre aultres choses entendu la bonne responce faicte par ledict s r roy
touchant la matière du mariage d'entre madame Claude de France, sa fille, et mons r le ducq Charles d'Austriche, • ducq de Lucembourg, filz unycque de mondict s r l'archiducq, et le bon vouloir quil a en la matière dont mondict s r est très ioyeulx; et surtouttes choses désire la conclusion d'icelle, sachant le grand et inextimable bien qui en pourra avenir a la chrestienté et a tant de royaulmes et s ries a cui ce peult toucher.
Que afin d'icelle abréger, mondict s r a envoyé a diligence sesdicts ambassadeurs vers le roy son pere, pour amplement l'advertir de leur besoigne, et singulièrement de la grande affection que ledict s r roy a monstré avoir a ladicte matière, et des bons termes, devises et honestes langages quil a (pour l'accomplissement d'icelle) eu avecq eulx, et semblablement pour l'advertir du grand désir et affection que mondict s' a au parfaict et bonne conclusion d'icelle.
Desquelles choses mondict s* a bien voulu advertir ledict s r roy; et a ceste cause envoyé principalement vers ly ledict maistre Pierre Anchemant; et aussy pour le prier et requérir quil luy plaise de demeurer en son bon vouloir, car du costé de mondict s* n'aura aulcun changement.
Dira aussy quil semble a mondict s r que le roy fera bien de depescher l'ambassade de l'empire, qui doit aller où ja est vers ly.
En oultre, dira audict s r roy, que mondict s r le mercie bien humblement de la bonne responce, asseurance et promesse quil a faict ausdicts ambassadeurs touchant l'evesché d'Arras, asscavoir, que dedans trois mois qui doibvent bientost expirer, yl fera tellement quil contentera l'abbé du Mont S 1 Jean, et que dudict evesché le prevost de Louvain sera pourveu (i); car le faict d'iceluy evesché estoit et est
* (1) Voir la note biographique p. 14.
Tune des choses que raondict s r avoit et a plus a cœur, pour les causes et raisons quil luy a souvent escript et faict dire et remonstrer par plusieurs ses gens et ambassadeurs (i).
Et pour ce ledict maistre Pierre le suppliera que, en entretenant sa promesse, son bon plaisir soit dappaiser et contenter ledict abbé, le faire déporter de la poursuicte quil faict dudict évesché, resigner le droict quil y peult avoir et prétendre, au proufict dudict prevost de Louvain, pour éviter de payer double annate, et au surplus escripre a nostre S 1 Pere le pape quil en pourvoye iceluy prevost en la meilleure forme que faire se pourra. Et dira au roy quil a aussy charge de solliciter ceste matière envers ly (2).
Et a ceste fin ledict maistre Pierre demeurera et seiournera vers le roy sans en partir, iusques a ce quil ait la fin et expédition de ladicte matière d'Arras.
Semblablement dira au roy que mons r le président Thiboult a nagueres este vers mondict s r et l'a requys de bailler ou faire bailler assistance pour exécuter les arrestz donnez en la cour de parlement touchant l'evesché de Tournay, et que mond* s' luy a respondu en la manière quil s'ensuyct (3).
(1) En marge on Ht : « Pierre Cuyck, evesque de Tournay et abbé de S 1 Amand, fust dépossédé de son evesque, et estant retiré en son hostel de S 1 Amand à Valenciennes y mourut Tan 1505, dict d'Outreman, Hist. de Valenciennes. » Pierre Cuyck baptisa l'archiduc Charles en 1500. Nous avons décrit, dans les Églises de Gond, t. I, p. 88, les solennités qui furent célébrées à cette occasion.
(2) En marge on lit : « Ledict prevost de Louvain en fut pourveu environ le mois de juing 1501. » Voyez Buzelin. V. la note p. 14.
(3) En marge on lit : « Le subject de ceste matière de l'evesché de Tournay est touché et amplement descripte par Buzelin, in GaUo-Flandria sacra et profana, lib. X, et dict que ceste dispute at estée si grande que
Premier que mondict s r veult tousjours porter au roy et à la court tel honneur, révérence et obeyssance quil doibt et est tenu.
Que en ceste matière yl s'est trouvé et trouve fort perplex, attendu mesmement qu'elle est beneficiale et spirituelle, et aussy que nostre S* Pere le Pape, par plusieurs ses bulles et briefs, a ordonné et commandé a mond' s r d'entreteuir l'abbé de S 1 Amand, aussy au possessoire dudict evesché, comme au petitoire ; et le roy et la court entendent que frère Loys Pot (i) soit entretenu audict possessoire.
En laquelle perplexité mondict s r a bien voulu user de bon conseil, lequel yl a faict assembler de gens de touttes qualitéz, de ceulx de son Ordre de la Thoison, et de gens delettréz et bien experimentéz tant en droict que en théologie ou la matière a este fort débattue.
Et entre aultres choses a esté considéré que en matière doubteuse l'on doibt prendre la plus seure voye, en ayant lequel regard, peult sembler que l'on doibt obeyr a nostredict S 4 Pere qui est le chef de l'Eglise et des eveschies.
Et d'aultre part a semblé qu'on devroit aussy considérer la hauiteur et authorité du roy et de la court, laquelle de tout temps a cogneu de touttes matières bénéficiâtes au
pour cela les deux royx se sont quasi déclaré la guerre. » L'auteur du manuscrit a consigné à la fin de son travail une note dont il a tiré la matière de YHistoire eccltlsiastique des Pays-Bas, de Guillaume Gazot. Nous la consignons dans IAppendice sous le N° II.
(I) Louis Pot, d'abord abbé de Saint-Lomer, à Blois, puis de Marmoutiers, près de Tours, fut élu évêque de Tournay vers 1484, pour succéder à Ferri de Glugny; mais cette élection lui fut contestée, et il se retira dans son abbaye de Marmoutiers, où il mourut en 1305. Voir Le Glay, Nëg. dipl., t. I, p. 104.
possessoir, mesmement des archeveschiés et eveschés du royaulrae.
Et finalement mondict s r , par ladvis que dessus, s'est résolu que, sans estre receu a produire aulcuns tytres servans a la iustification de sa cause d'opposition receuz par son conseil à Paris pour les produire quatre iours aprez la prononciation du dernier arrest, dont a sondict conseil yl se rapporte, yl n'oseroit ou pourroit bailler ladicte assistance sans grand scrupule et danger de conscience, contre l'ordonnance de nostredict S 1 Pere; veu quil a parcydevant tout veu en son conseil du droict des parties, que sa conscience n'a peu iusques olres porter quelle doye par raison tenir ledict Pot pour evesque. Duquel droict des parties la court n'a riens veu, mais a seulement procédé en la matière pnale possessoire par deffaults, ce que ne peult mectre a repos la conscience, de mond 1 s'.
Et sa production veue par ladicte court, yl pourra estre hors de scrupule quant audict possessoir, et soy reposer sur les consciences d'icelle court; et à ce que par elle sera jugé baillera assistance sans difficulté.
Et si l'on disoit que mondict s r at eu tous dilayz raisonnables pour produire tout ce quil en voulu, yl dict (en parlant en révérence) quil a esté fort précipité ; car a certain iour, aprez avoir eu un delay durant lequel yl fict faire toutte diligence de recouvrir les tytres quil vouloit produire de pardeca, lesquels yl ne put trouver, yl feit remonstrer a la cour quil luy estoit nécessaire de les envoyer quere à Rome, requérant a ceste cause seulement un delay de trois mois, offrant par son procureur d'affirmer par serment quil ne requeroit ledict delay pour diffuyer iustice, l'on ne luy accorda que six sepmaines, a peine
d'en estre forcloz. Et bientost aprez l'arrest fut prononcé
contre luy. Et touttesfois yl avoit faict faire telle diligence a Rome que lesdicts tytres furent portéz a Paris quatre iours aprez la prononciation dudict arrest, comme dict est.
Et combien que, durant le delay a ly accorde, aulcunes choses n'ayent esté produictes de sa part, si ont ses gens tousjours contendu a nouvel delay pour pouvoir recouvrer a Rome ce que principalement servoit a la matière ; ce que, au moyen de ladicte forclusion, luy a tousjours este refusé.
Et par ce moyen respond mondict s r a la promesse par luy faicte à Arras, et les lettres par ly sur ce baillées, lesquelles contiennent par exprès quil seroit receu a opposition en ceste matière pour l'interest de ly et de ses subiects, et quil seroit non pas seulement oy, mais bien et au long oy, ce que (en parlant par révérence) n'a esté comme dict est, non obstant que mondict s r eut par deux fois bien et gracieusement escript a ladicte court, la requérant que en ceste matière elle ne le voulsist précipiter.
Et luy semble, en parlant aussy en révérence, qu'on n'a poinct accoustume d'ainsy traicter les pairs de France, ne aussy mess'* ses prédécesseurs, mesmement en matière de si grande importance concernant l'ame et conscience.
Pour lesquelles causes et considérations mondict s r a prié ledict président Thiboult (i) de vouloir surseoir lexécution desdicts arrêts l'espace de trois mois, pendant lesquels yl
(1) Au lieu de Thiboult, comme le manuscrit le porte, c'est Thiboust qu'il faut lire. Il s'agit ici de Robert Thiboust, président au Parlement de Paris et fils d'un autre Robert Tbiboust, aussi président, mort vers l'an MOI. Moreri dit qu'il acquit la réputation d'un des plus babiles jurisconsultes de son temps. Louis XI lui conféra la charge d'avocat général en 1485 et Charles VIII le nomma Président au Parlement de Paris eu 1487. Louis XII avait en lui une grande conliance et le chargeait souvent de missions délicates et difficiles. Robert Thiboust mourut le 14 mai 1503.
raectroit paine de, avecq l'ayde du roy, trouver un bon appoincteraent entre les parties et mectre l'église de Tournay en paix et repos. Requérant neantmoings que sadicte production, estant ez mains de sondict conseil à Paris, soit receue et veue, offrant de quinze iours aprez la S'-Martin produire et dire tout ce quil vouidra pour la iustification de son opposition. Et de ce que par ladicte court sera (aprez lesdicts trois mois et le tout par elle veu) jugé et prononcé, mondict s r , en satisfaisant a sadicte promesse d'Arras, attendu quil aura esté au long oy, baillera son assistance ; car, comme dict est, yl sera a repoz de sa conscience sur celle de ladicte court.
Et pource que par ledict président fut respondu quil avoit pouvoir de ce faire, mondict s r luy dict que, par ses ambassadeurs lors estans vers le roy, yl le feroit advertir de son vouloir et du devoir auquel yl se mectoit, en manière quil avoit ferme et entier espoir de le contenter et que poinct ne luy refuseroit sadicte requeste si raisonnable.
Et afin que plus facilement ceste requeste fut accordée, mondict s r feit prier les gens dudict Pot, lors estans avecq ledict président, de consentir pardevant la court ce que dict est. Lesquelz promirent a mondict s r d'eulx y employer, disant quil leur sembloit que leur dit maistre ny feroit nulle difficulté.
Ces choses faictes, mondict s r en adverty a diligence sesdicts ambassadeurs, qui lors estoient envoyéz vers le roy, leur ordonnant de l'en advertir bien et au long et de supplier que, veu la grandeur de la matière, laquelle touche l'ame et la conscience de mondict s r , aussy la diligence par ly faicte de recouvrer ses tytres, en manière que quatre iours aprez la prononciation de larrest ylz ont esté ez mains de gens de son conseil a Paris, et quil n'a esté au long oy,
y] luy pleust mander par ses lettres patentes a mess rs de ladicte court que, parties présentes ou appellees, ylz reçoivent le procureur de mondict s r a produire lesdicts tytres, serrans a la justification de sadicte opposition, et bailler contredicts a la production dudict frère Loys Pot, et de, a ceste fin, luy bailler terme raisonnable, nonobstant ladicte forclusion et tout ce qui s'en est suivy. Et a ce que lors lesdictes productions des parties veues sera jugé, mondict s r baillera assistance sans plus de difficulté et scrupule de conscience, en laquelle yl sera en repos sur celle de ladicte court, comme dict est.
Mais le chevaucheur, qui portoit les lettres que mondict s r escripvoit a sesdits ambassadeurs de cette matière, les trouva en chemin retournans devers mondict s r expédiez de leurs charges si avant en pays et loing du roy, quil ne leur fut bonnement possible de retourner vers ly pour ceste matière.
Desquelles choses mondict s r a aussy donné charge audict Anchemant davertir le roy et le supplier daccorder les dictes lettres patentes, afin que en ceste matière soit procédé comme dessus est touché.
Et solicitera ledict Anchemant lesdictes lettres et, pour y plus facilement parvenir, obtiendra, si lopportunité sy addonne et faire le poeult, le consentement dudict Pot.
Estoit signé : Philippe (i).
