LE ROY MALADE

Doulce santé de langueur ennemye , De jeuz, de rys, de tous plaisirs amye,. Gentil resveil de la force endormie , Doulce santé!

Soit à ton los mon cantique chanté , Car par toy est l'aise doulx enfanté.

Par toy la vie en corps aggravante* Est restaurée.

Tu es des vieulx et jeunes adorée , Richesse n'est, tant que toy, désirée, De rien , fors toy, la personne empirée Ne se souvient.

Et aussi tost que ta présence vient , Pasleur s'enfuyt, couleur vive revient; Mesme la mort fuir du lieu convient, Où tu arrives.