Alors

Point ne me laisse, ains' me tient et costoye,

Tant qu'il m'eust mis, pour mieulx estre à couvert,

Dedans le lieu par Cerberus ouvert,

Où plusieurs cas me furent ramentuz.-

Car lors allay devant Rhadamantus

Par ung degré fort vieil , obscur et salle.

Pour abréger je trouve en une salle Rhadamantus, juge assis à son aise , Plus enflammé qu'une ardante fournaise , Les yeulx ouvertz , les oreilles bien grandes , Fier en parler, cauteleux en demandes.

Rébarbatif, quand son cueur il descharge ; Brief, digne d' estre aux enfers en sa charge.

Là devant luy vient mainte âme dampnée : Et quand il dit : « Telle me soit menée ! » A ce seul mot ung gros marteau carré Frappe tel coup contre un portai barré Qu'il faict crousler'' les tours du lieu infâme.

Lors à ce bruict, là bas n'y a paouvre âme Qui ne frémisse et de frayeur ne tremble, Ainsi qu'au vent fueille de chesne, ou tremble. Car la plus seure a bien craincte et grand peur De se trouver devant tel attrappeur., Mais ung ministre appelle et nomme celle Que veult le juge. Adoncques s'avance elle, Et s'y en va tremblant, morne et pallie.