REMONSTRANCE DE LA NOBLESSE

l'infamie. Mais ce n'est plus des guerres passées que nous nous plaignons, Madame, nous ne parlons que de celle qui s'allume aujourd'huy dans nostre foyer, qui partage toutes les familles, qui porte le père contre l'enfant, qui arme la moitié de vostre Royaume contre l'autre, et qui ne peut estre profitable qu'aux voleurs, aux estrangers et aux traistres. Les mauvais Ministres qui l'ont conseillée à vostre Majesté ont creu qu'il estoit des François ce qu'il estoit des Romains du temps d'Hannibal qui disoient qu'ils ne pouvoient estre vaincus que dans leur pays ; et comme ils ne sont devenus sçavans qu'à faire le mal, et qu'ils y sont extraordinairement adroits, c'est d'eux et de leurs semblables que parle l'Apostre, quand il dit que ces Sages périront avec toute leur sagesse. Leurs conseils semblent tous estre appuyez de raisons très advantageuses, ils donnent des advis qui surprennent et qui éblouissent ; mais quand on les a bien examinez, on treuve enfin que qui les suit ne s'esloigne jamais guères de son malheur, et qu'il en est comme des rameaux de la Sybille d'/Enée, qui estoient d'or et qui conduisoient dans les Enfers. Dieu prononcera quelque jour en dernier ressort sur ce différent, et puisque c'est à luy que la vengeance est réservée, nous passerons de leur malice à nostre souffrance, et nous supplierons très humblement vostre Majesté de considérer qu'icy le Throsne est ordinairement soustenu par la Noblesse, et que nous manquons nousmesmes d'appui si vous refusez à vos sujets la paix qu'ils ont droit mesme d'espérer de toutes les rigueurs de vostre justice. La Conférence qui est ouverte est un moyen qui peut nous meiner à une fin si glorieuse, et pour peu que vous penchiez du costé de la clémence, nous douterons à l'heure mesme qui fera le plus de bruit de nostre repos, ou de vostre gloire. Nous sçavons que les anciens peuples de Grèce appelloient le Roy des Dieux, dans leur langue, d'un mot qui signifie, dans la nostre, doux comme miel, pour ce que c'est le propre des Dieux de faire du bien et de plaire, et le propre des Furies de punir et de tourmenter. Outre les très-humbles remonstrances que nous avons desjà faites à vostre Majesté, cette considération seule peut suffire à la grâce que nous osons luy demander c'est, Madame, celle de nous laisser pour le moins reprendre haleine après tant de playes, tant de fatigues, tant de maladies et tant d'obsèques ; d'engager ce qui nous reste de vie contre les ennemis jurez de l'Estat plutost que contre ses sujets fidèles ; et de ne pas permettre plus long-temps qu'on puisse dire quelque jour qu'il est arrivé dans vostre Régence ce qui arriva dans Rome un peu auparavant qu'on y fit une Monarchie de la République, où le serviteur se rendoit libre par le meurtre de son maistre, où la sœur trahissoit le frère, où le père estoit le juge ou le bourreau de son enfant, et où la cruauté ne fut oisive que quand elle fut lassée.