POETE

(ELLEAU, mon naturel, dés ma plus tendre enfance, M'a fait amirateur des poètes de France ,

I Et singulièrement du merueilleux Ronsard, Le Prince, sans enuie, et premier de son art. Hais la grandeur de ceux de vostre docte ligue M'a fait desestimer la téméraire brigue De maints qui sans sçauoir, sans mérite et sans heur. Guident, presumptueux, empoigner vostre honneur. Car qui pense imiter la lyre incomparable, Belleau , de mon Ronsard à Marsye est semblable , Lequel fut déchiré par des ialouzes mains, En despitant vn Dieu plus grand que les humains. Toutesfois vn fascheux m'ose à la Vendosmoise Bien souuent égaler la lyre Quercinoise.

Geluy-là , mon Belleau , a pareil iugement Qu'vn Mide Phrygien , qui préféra le chant Du Dieu cornemuseur aux gratieuses rimes Du plus docte Apollon : il compare les cimes