Ils font des vœux pour nous qui les persécutons

(Corneille, Polyeucte.)

ont loué ceulx qui ont porté patiemment les injures qu'ilz avoient receues de leur patrie, blasmé ceulx qui se vengeoient.

Et nous, chrestiens, ne debvons recevoir ny approuver l'opinion des Grecs et des Romains touchant l'honneur qu'ilz baillent aux tyrannicides. La vérité est telle que, si les hommes estoient bons et parfaicts, ilz ne viendroient jamais aux armes pour la religion ; mais aussi nous ne pouvons nier que la religion, bonne ou mauvaise, ne donne telle passion aux hommes que plus grande ne peult estre.

C'est folie d'espérer paix, repos etamytié entre les personnes qui sont de diverses religions, et n'y a opinion qui tant perfonde1 dedans le cœur des hommes, que l'opinion de religion, ny tant les sépare les uns les autres.

L'opinion de religion désunit les nations, les familles....

Si donc la diversité de religion sépare et disjoinct les personnes qui sont liées de si prochains liens et degrés, que peut-elle faire entre ceux qui ne se touchent de si près? La division des langues ne faict la séparation des royaumes, mais celle de la religion et des loys, qui d'un royaume en faict deux. De là sort ce vieil proverbe : Une foy, une loy, un roy. Et est difficile que les hommes, estans en telle diversité et contrariété d'opinions, se puissent contenir de venir aux armes : car la guerre, comme dit le poète, suyt de près et accompagne discorde et desbat.

A ce est besoing oster la cause du mal, et y donner quelque bon ordre par un sainct concile, comme fut advisé dernièrement à Fontainebleau, duquel le pape nous a donné espérance, au grand et instant pourchas et requestes du feu roy François.

Cependant, messieurs, gardons et conservons l'obeyssance à nostre jeune roy; ne soyons si prompts et faciles