SEREMENT DES ADVOCATZ

§ 3i. — Item, que tous advocas et procureurs, qui vouldront postuler et procurer es cours et auditoires de noz juges quelx quilz soient, facent le serement acoustume de faire a leurs diz offices es mains de nosdiz juges ou de leurs lieuxtenans, chascun an une foiz, a tel jour que nosdiz juges adviseront '.

§ 32. — Item, que pour ce quil est expédient et nécessaire pour le bien de la lustice de nosdiz pays, et aussi pour lexecucion de pluseurs matières et besoingnes que chascun jour surviennent en nostre parlement de Beaune, que noz bailliz de nostredit duchie de Bourgoingne et conte de Charrolois soient presens en leurs personnes en icelli nostre parlement, tant pour respondre de tous cas