Ord. de

lieu, seront tenus de rendre conpte chascun an toutes et quantefois que requis en seront per les Juges ou leurs lieutenens qui les y auront commis perdevant celluy ou ceulx qui luy ordoneront ; lesquelx juges du reliqua de leurs conpte feront entretenir les heritaiges séquestres en bon et convenable estât selon la qualité diceulx, et pourront estre contrainets lesdicts commissaires a rendre ledict conpte et a fournir du reliqua ce que lesdicts juges ordoneront pour maintenir lesdicts heritaiges per induction de peines, et nonobstans toutes appellacions faictes en nosditz auditoires, et sens préjudice dicelles ; et, en raportant certificacion desdicts juges de ce quilz auront mis et dépose, ladicte despence leur sera allouée au conpte quils rendront a la partie a qui le séquestre sera délivre*.