Ord. de MoutiMes-Tours

§ 65. — Item, et sil advient que les commissions de faire enquestes soient pour la grandeur des causes, a requeste départies ou aultrement, commises et adressées a aucun de nosdicts presidens ou conseillers de nostredicte court de parlement : Nous avons ordone et ordonons, affin que icelle court ne demeure despoui'veue de gens notables durant le tenps quelle sera, que lesdicts presidens et conseillers vacquent a faire ladicte enqueste, a eulx commises, durant les vacacions dicelle court, que seront depuis la my-oust iusques a la sainct Martin dyver suyvant, pourveu quils soient retournes au comancement de nostre parlement ensuyvant ; sinon quil eussent congé de nostredicte court de faire et parfaire lesdictes enquestes oultre le temps dessusdict. Et se les matières requièrent plus grant célérité, et que les parties vousissent durant ledict parlement vaquer a faire leurs dictes enquestes per aucuns desdicts presidens ou conseillers de ladicte court, vaquer y pourront, pourveu quelle ne demoure despourveue du nombre que est nécessaire pour iuger et déterminer des causes estans en icelle * .

Des dilacidns judiciales,

§ 66. — Pour ce que soventefois les causes [sont] pendens devant nos juges desdicts pais deBourgoigne,alonbredes dilacions frustratoires que les parties qui fuient la iustice quierent journellement, mesmement a lonbre de ce quils dient non estre pourveues de conseil, perquoy demandent distribucion dudict conseil et iour a venir procéder, pose ores que les causes soient desia introduictes et litis contestées; pour obvier ausdictes malices, avons ordone et ordonons que nul ne soit rcceu a demander distribucion de conseil en noz jugemens ne en ceulx de noz subiects diceulx pais, sils ne la demandent avant le plait conteste*.