I. Ord. de i4;4. § i

première fois ; au second : a publier pour la seconde fois, et ainsi des aultres. Et, se le quart delay est outroie a publier, quil mecte audit mémorial quil a receu le iuge a louctroier, et comme il aura este done, la solenpnite du droit gardée. Et au regard des faicts qui seront poses sur aucunes interlocutoires seulement, et aussi en matières de contredictes, reproches et saluacions, ne sera donc que ung delay pour les justifier ou prover. Et se Ion veuct avoir le second delay, le juge le pourra doner en gardant la solenpnite escripte es articles precedens pour le cinquiesme delay, et non plus avant *.

§. J2. — Item, en oultre, volons et ordonons que tous ceulx qui auront a prover aucuns faictz soient tenus de requérir leurs commissaires députes a faire leurs enquestes, et de procéder a lexamen de leurs tesmoings dedans le my terme de lassignacion donee a publier ; dont ils seront tenus de faire foy audict iour per certificacion desdicts commissaires, ou aultrement, dehument reserve es cas dessusdict es parties adverses ladicte adiudication de leurs despens pour cause de procès retarde, au defiault des certifications dessusdictes*.

§ j3. — Item, sil advient quavant litiscontestacion lune desdictes parties appelé daucun appointement fait es causes introduictes en aucuns de nos iugemens, Nous volons et ordonons que, nonobstantle dict appel, lesdicts juges qui auront cognoissance desdictes causes puissent oultroier commissaires pour faire examen valitudinaii'e a la requeste de laultre des parties qui ne sera point appellant'.